தூரிகை முகங்கள்

மார்க் ரத்தினராஜுக்கு 45 வயது. கும்பகோணம் ஓவியக் கல்லூரியில் படித்துவிட்டு விளம்பரத்துறையில் வேலை பார்த்துவருகிறார். இவரது ஓவியங்கள் கோடு களைச் சார்ந்தவை. ஆதிமூலம், மருது போன்றவர்களின் ஓவியங்களால் கவரப்பட்டவர் இவர். இதுவரை 15 தனிப்பட்ட கண்காட்சிகள் நடத்தி உள்ளார். பல குழுக்கண்காட்சிகளிலும் இவரது ஓவியங்கள் இடம் பெற்றுள்ளன

ராஜ்குமார் ஸ்தபதி (38) பொள்ளாச்சியைச் சேர்ந்-தவர் கும்பகோணம் ஓவியக்கல்லூரியில் படித்தவர். நீர்வண்ண ஓவியங்களில் தனித் திறமை வாய்ந்தவர். சீனா, பிரான்ஸ் உள்ளிட்ட பல நாடுகளில் ஓவியக் கண்காட்சி களில் இவரது நீர்வண்ண ஓவியங்கள் இடம் பெற்றிருக்கின்றன. இப்போது புதுச்சேரி ஆரோவில்லில் வசிக்கிறார். பிரபல ஓவியர் மனோகரின் நீர்-வண்ண ஓவியங்கள் இவருக்குப் பிடித்த-மானவை

வேல்முருகன் இருண்மையான ஓவியங்கள் மூலம் தன் சிந்தனைகளைச் சொல்ல விரும்புகின்ற ஓவியர். 40 வயதாகும் இவர் கடலூர் மாவட்டத்தைச் சேர்ந்தவர். இவரும் கும்பகோணம் ஓவியக் கல்லூரியில் தயாரானவரே. பல குழுக் கண்காட்சிகளிலும் சர்வதேச கண்காட்சிகளிலும் இவர் ஓவியங்கள் இடம் பெற்றுள்ளன. பிரபல வார இதழ் ஒன்றில் ஓவியராகப் பணியாற்றுகிறார்.

நவம்பர், 2013.