அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மீண்டும் ஊரடங்கு அறிவிக்க வாய்ப்பு இல்லை - முதலமைச்சர் ஸ்டாலின் 0 அமைச்சர் எஸ்.எஸ்.சிவசங்கருக்கு கொரோனா தொற்று 0 முதல்வர் மு.க.ஸ்டாலின் அன்னையர் தின வாழ்த்து 0 ஒரே வாரத்தில் 12 சித்தா மையங்கள் தொடங்கப்படும்: அமைச்சர் மா.சுப்பிரமணியன் 0 நேற்று ஒருநாளில் ரூ.426 கோடிக்கு மது விற்பனை! 0 ’குமுதம்’ எஸ்.ஏ.பி. கோதை அண்ணாமலை ஆச்சி மறைவு 0 முதலமைச்சர் மு.க.ஸ்டாலின் தலைமையில் இன்று அமைச்சரவைக் கூட்டம் 0 ஆக்சிஜன் ஒதுக்கீட்டை 500 மெட்ரிக் டன்னாக உயர்த்தி வழங்குக: முதலமைச்சர் பிரதமரிடம் வலியுறுத்தல் 0 சட்டப்பேரவையின் தற்காலிக சபாநாயகராக கு.பிச்சாண்டி நியமனம் 0 தமிழகத்தில் கொரோனாவுக்கு 241 பேர் உயிரிழப்பு! 0 தமிழக சட்டப்பேரவையின் முதல் கூட்டத்தொடர் வரும் 11ம் தேதி கூடுகிறது! 0 ரெம்டெசிவிர் ஐந்து மாவட்டங்களுக்கு விநியோகம்: அமைச்சர் மா.சுப்ரமணியன் 0 நாளை முதல் கொரோனா நிவாரண நிதி வழங்கப்படும்: அமைச்சர் சக்கரபாணி 0 திருநங்கையர்களுக்கும் இலவசப் பயணம் குறித்து பரிசீலிக்கப்படும்: முதல்வர் மு.க.ஸ்டாலின் 0 கங்கனா ரனாவத்துக்கு கொரோனா தொற்று உறுதி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

சரித்திரம் - சா.கந்தசாமியின் எழுத்தோவியம்

Posted : புதன்கிழமை,   மார்ச்   29 , 2006  00:11:00 IST

சரித்திரம் என்பது பொதுவாக தேசத்தின் வரலாறு என்று தான் இருக்கிறது. தேசத்திற்குத் தனியாக சரித்திரம் கிடையாது. அது மன்னர்களின் போர் - வெற்றி தோல்வி சார்ந்து இருக்கிறது. அதோடு அவன் கட்டிய அரண்மனைகள் கோவில்கள், தர்ம காரியங்கள், வேளாண்மை சிறக்க வெட்டிய ஏரிகள், கால்வாய்கள், அவன் பாடிய கவிதைகள், ஆதரித்த புலவர்கள் - இப்படி பல வரலாறு சரித்திரத்தின் அங்கமாகிவிடுகிறது. அதனூடே சொல்லப்படாத ஒரு சரித்திரம் உண்டு. அதுமறைக்கப்பட்ட சரித்திரம். எப்படி ஒரு மன்னன் ஆட்சியைப் பிடித்துக்கொண்டான் அதைத் தக்க வைத்துக் கொள்ள அவன் என்னென்ன காரியங்கள் செய்தான் என்பதுதான். அது பெருமை தரக்கூடியதாக இல்லை. எனவே மறைக்கப் பட்டுள்ளது. எழுதப் பட்ட சரித்திரத்தைவிட மறைக்கப் பட்ட சரித்திரம் அர்த்தம் மிக்கது. சரித்திரம் என்பதை அதுவே எல்லா காலத்திலும் நிலை நிறுத்திக்கொண்டு வருகிறது.

மாவீரர்கள், யுத்தம் என்பதேயே வாழ்க்கையின் இலட்சியமாகக் கொண்டு கையில் வாளும், மனத்தில் வஞ்சக சிந்தனையுங் கொண்டு அலைந்து கொண்டு இருந்தவர்கள் வாழ்க்கை சரித்திரமாக இருக்கிறது. அதில் இருந்து மனித சமூகம் கற்றது அதிகம் இல்லை என்பதுதான் போர்வீரர்களின் சரித்திரம் சொல்லும் செய்தியாக இருக்கிறது. சரித்திரத்தில் அதிகாரம் என்பது இல்லாமல் வாழ்ந்தவர்கள் - அதிகாரத்தை எதிர்த்து - கலகம் செய்து வாழ்ந்தவர்கள் சரித்திரம் தொடர்ந்து சொல்லப்பட்டு வருகிறது. அதுதான் சரித்திரம் என்பதின் மகத்தான சரித்திரம். அது மனித குலத்தின் மேன்மை º¢றப்பு என்பதின் சரித்திரம். அந்த சரித்திரத்தில் தான் சாக்ரட்டீஸ், பிளாட்டோ, புத்தர், ஏசுநாதர், திருவள்ளுவர், கம்பர், இராமலிங்க சுவாமிகள் - எல்லாம் வருகிறார்கள்.

மாபெரும் மனிதர்கள் என்று கொண்டாடப்படும் இவர்கள் ஆள் வைத்து சரித்திரம் எழுதிகொள்ளவில்லை. தன் கொள்கைகளைப் பரப்பு காரியங்கள் செய்ய அரசர்களின் ஆதரவை நாடவில்லை. ஆனால் பல மாபெரும் மன்னர்கள் மாமனிதர்களின் கருத்து, சிந்தனை, வாழ்க்கை இலட்சியம் என்பதை மக்கள் முன்னெடுத்து செல்வதை தம் கொள்கையாகக் கொண்டிருந்தார்கள். அதன் காரணமாக சரித்திரத்தில் ஜீவித்துக் கொண்டு இருக்கிறார்கள். இவர்களின் வாழ்க்கைச் சரித்தரத்தோடு எத்தனையோ கிளை சரித்திரம் துளிர்த்து இருக்கும். அதாவது தன் ஆசிரியரை - குருவை மேம் படுத்த சீடர்கள் ஜோடித்து அழகு படுத்தி வைத்து இருக்கிறார்கள். அதனை ஒவ்வொரு தலை முறையிலும் சிந்தனைவாதிகள் களைந்து உண்மையான சரித்திரத்தை மக்கள் உணர்கிற வகையில் ஆவன செய்து வருகிறார்கள். அதுவும் ஒரு சரித்திரம்தான்.

அதிகாரம் ஏதுமற்ற மாமனிதர்கள் தங்கள் கருத்துகளாலும் சிந்தனையாலும் மக்களிடையே செல்வாக்குப் பெற்று இருப்பதைப் பார்த்து, அதிகாரம் செலுத்தும் மன்னர்கள் தங்களின் சரித்திரத்தை கவிகளைக் கொண்டு பாட வைத்தும் - அவற்றை கல்லில் வடித்தும் இருக்கிறார். பத்தாம் நூற்றாண்டின் இறுதியில் இருந்து பதினொறாவது நூற்றாண்டு வரையில் தமிழகத்தில் கீர்த்தியுடன் ஆட்சி புரிந்த சோழ மன்னர்கள் தங்களின் வாழ்க்கை வரலாற்றை மெய்க்கீர்த்தி என்று பெயரிட்டு கல்லில் அடித்திருக்கிறார்கள்.

மொகலாய மன்னர்கள் அரசபை கவிஞர்களைக் கொண்டு தம் வாழ்க்கை வரலாற்றை எழுதவைத்து இருக்கிறார். பாபர் நாமா, அக்பர் நாமா - என்ற பெயரில் மன்னர்களின் வாழ்க்கை வரலாறு உலாவி வருகிறது.

சரித்திரம் என்பது புதிய சொல். தமிழில் பழங்காலத்தில் சரிதை என்று வழங்கப்பட்டது. சிலப்பதிகாரத்தில் வால சரிதை நாடகங்களில் என்று சொல்லப்பட்டுள்ளது.

கி.பி.எட்டாம் நூற்றாண்டில் சரிதை என்று சொல்லோடு சரித்திரம் என்ற சொல்லும் புழக்கத்திற்கு வந்துவிட்டது. திவாகரம் நிகண்டு, கொண்ட நினைவினிற் பூசை செய்யும் சரித்திரம் கண்டு என்கிறது.

சரித்திரம் என்பது எழுதப் பட்டதை விட - எழுதப்படாமல் தான் இருக்கிறது. எழுதப் படாமல் விட்டது உண்மை. உண்மையான சரித்திரம் என்பதை அடையவே ஒவ்வொரு தலை முறையிலும் சரித்திரம் எழுதப்படுகிறது.

சரித்திரம் என்பது தேசத்தின் சரித்திரம் மட்டுமன்று அது மனிதர்களின் சரித்திரமும் சேர்ந்ததுதான். அதன் காரணமாகவே நாவலாசிரியர்கள் நாவலை சரித்திரம் என பெயரிட்டு எழுதி உள்ளார்கள்.

தமிழின் முதல் நாவல் பிரதாப முதலியார் சரித்திரம் அது 1879 - ஆம் ஆண்டில் வெளிவந்தது.

சாகித்ய அகதமி விருது பெற்ற சா.கந்தசாமி தமிழ் இலக்கியத்தில் குறிப்பிடத்தக்கவர்.அந்திமழைக்கென்று சா.கந்தசாமி எழுதும் பிரத்தியேக கட்டுரைகள் வாராவாரம் செவ்வாயன்று வெளிவரும்.
அவரைப் பற்றி மேலும் தெரிந்து கொள்ள...


சா.கந்தசாமியின் இணையதளம் - Sakandasamy

Profile
Article 1, Article 2,Article 3,Article 4 ,Article 5,Article 6, Article 7 ,Article 8, Article 9, Article 10 ,Article 11 ,Article 12 ,Article 13 , Article 14 ,Article 15 ,Article 16 ,Article 17,Article 18,Article 19 ,Article 20 ,Article 21 ,Article 22 ,Article 23 ,Article 24 ,Article 25,Article 26 ,Article 27,Article 28 ,Article 29,Article 30,...


click here
 

 

Print

 

கேலரி
புகைப்படத்தொகுப்பு -
மேலும்...