தமிழ் நாடு
கன மழை காரணமாக புதுச்சேரி ஒன்றிய ஆட்சிப் பகுதிக்கு உட்பட்ட காரைக்கால் மாவட்டத்தில் இன்று பள்ளி, கல்லூரிகளுக்கு விடுமுறை அறிவிக்கப்பட்டுள்ளது. இரவுமுழுவதும் கன மழை தொடர்ந்த நிலையில் மாவட்ட ஆட்சியர் மணிகண்டன் இந்த அறிவிப்பை வெளியிட்டுள்ளார்.
காரைக்காலின் நெடுங்காடு, நிரவிப்பட்டினம் ஆகிய பகுதிகளில் இரவு முதல் கன மழை பெய்து வருகிறது. இந்த மழை தொடருமானால் நாளையும் விடுமுறை விடப்படலாம் என்று தெரிகிறது.
இதையடுத்து, காரைக்காலை ஒட்டியுள்ள தமிழ்நாட்டின் மயிலாடுதுறை மாவட்டத்திலும் பள்ளி, கல்லூரிகளுக்கு கன மழையால் விடுமுறை விடப்படுகிறது என்று மாவட்ட ஆட்சியர் ஏ.பி. மகாபாரதி அறிவித்துள்ளார்.
இந்த மாவட்டத்தின் சீர்காழியில் 14 செ.மீ. அளவுக்கு மழை பதிவாகியுள்ளது என்று வானிலை ஆய்வு மையம் தெரிவித்துள்ளது.
கடலூர் மாவட்டத்தில் பள்ளிகளுக்கு மட்டும் விடப்படுவதாக மாவட்ட நிர்வாகம் அறிவித்துள்ளது.
