செய்திகள்
விஜய் 69 படத்தில் பூஜா ஹெக்டே இணைந்ததாக படக்குழு அதிகாரப்பூர்வமாக அறிவித்துள்ளது.
நடிகர் விஜய் - வெங்கட் பிரபு கூட்டணியில் உருவான கிரேட்டஸ்ட் ஆஃப் ஆல் டைம் (கோட்) திரைப்படம் திரையரங்குகளில் வெளியாகி கலவையான விமர்சனங்களைப் பெற்றது.
மேலும், கோட் திரைப்படம் நெட்ஃபிளிக்ஸ் ஓடிடி தளத்தில் நாளை வெளியாகும் என்று அறிவிக்கப்பட்டுள்ளது.
இதைத் தொடர்ந்து, ஹெச். வினோத் - விஜய் கூட்டணியில் உருவாகும் விஜய் 69 திரைப்படத்தில் முதல் நடிகராக பாபி தியோல் இணைந்ததாக நேற்று அறிவிப்பு வெளியானது. இந்த திரைப்படம் விஜய் நடிக்கும் கடைசி படம் என்பதால் அதிக பொருள் செலவில் எடுக்கப்படலாம் என்று கூறப்படுகிறது. அவரின் அரசியல் பிரவேசத்துக்கு ஏற்ற வகையில் படத்தின் கதை இருக்கும் என எதிர்பார்க்கப்படுகிறது.
இந்த நிலையில், விஜய் 69 படத்தில் பூஜா ஹெக்டே இணைந்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. ஏற்கெனவே அவர், பீஸ்ட் படத்தில் விஜய்க்கு ஜோடியாக நடித்திருந்தார். தற்போது இரண்டாம் முறையாக விஜய்யுடன் ஜோடி சேர்ந்துள்ளார்.
மேலும், இப்படத்தில் நடிகர்கள் பிரகாஷ் ராஜ், பிரியாமணி மற்றும் மமிதா பைஜூ இணைந்துள்ளதாகவும் கூறப்படுகிறது.
2025ஆம் ஆண்டு அக்டோபர் மாதம் வெளியாகும் என படக்குழு முன்னதாக போஸ்டர் வெளியிட்டு அறிவித்திருந்தது.
கேவிஎன் புரடக்ஷன்ஸ் தயாரிப்பில் உருவாகும் இந்தப் படத்துக்கு அனிருத் இசையமைக்கிறார்.
