ஓவியர் ஆர்.ரகு சென்னையில் பள்ளி ஓவிய ஆசிரியராக இருக்கிறார். ஆடுதுறையைச் சேர்ந்த இவர் கும்பகோணம் ஓவியக் கல்லூரியிலும் பிறகு
சென்னை ஒவியக்கல்லூரியிலும் நுண்கலை படித்தவர். கல்லூரியில் முதல் ஆண்டு சேர்கையில் நீர்வண்ண ஓவியங்களில் பரிச்சயம் இல்லாததால் இடம் கிடைக்க வில்லை. இருப்பினும் மறுஆண்டு மீண்டும் முயன்று சேர்ந்திருக்கிறார். எனவே நீர்வண்ணங்களைக் கொண்டு ஓவியம் தீட்டுவதில் கடும் பயிற்சி மேற்கொண்டதாகச் சொல்கிறார். இவரது ஓவியங்கள் பல இடங்களில் கண்காட்சிக்கு வைக்கப்பட்டுள்ளன. கோவில் கட்டடக் கலையை தொடராக வரையும் இவரது ஓவியங்களில் தனித்துவமும் உயிரோட்டமும் மிளிர்கின்றன.