கன மழை எச்சரிக்கையால் சென்னையிலிருந்து பல ஊர்களுக்குச் செல்லும் விமானங்களின் சேவைகள் ரத்து செய்யப்பட்டன. இன்று சென்னையில் எட்டு விமான சேவைகள் நிறுத்தப்பட்டுள்ளன.
கன மழை காரணமாக சென்னை, சுற்றுவட்டார மாவட்டங்களில் அதிகன மழைக்கான சிவப்பு எச்சரிக்கை விடப்பட்டிருந்தது. பின்னர் அது ஆரஞ்சு எச்சரிக்கையாக மாற்றப்பட்டது. காற்றழுத்தத் தாழ்வு நிலை இன்று அதிகாலை கரையைக் கடந்த நிலையில், இயல்பு நிலை திரும்பும் என எதிர்பார்க்கப்பட்டது.
ஆனால், மழை நின்றபிறகும் பயணிகளின் கூட்டம் குறைவாகவே இருந்தது. அதாவது, முன்பதிவு செய்த பயணிகளின் எண்ணிக்கை குறைந்தபட்சம்கூட இல்லாததால் டெல்லி, அந்தமான், மதுரை, திருச்சி ஆகிய ஊர்களுக்குச் செல்லும் விமானங்களின் பயணம் ரத்துசெய்யப்பட்டது. இவற்றின் புறப்பாடு, வருகை என மொத்தம் 8 பயணங்கள் ரத்துசெய்யப்பட்டுள்ளன.