கங்குவா படத்தின் புரோமோஷனில் சூப்பர் ஸ்டார் என்றால் அது ரஜினிகாந்த் மட்டும்தான் என்று நடிகர் சூர்யா கூறியுள்ளார்.
இயக்குநர் சிவா இயக்கத்தில் சூர்யா நடித்துள்ள திரைப்படம் கங்குவா. இந்த படத்தில் திஷா பதானி, பாபி தியோல், யோகி பாபு, ரெடின் கிங்ஸ்லி உள்ளிட்ட பலர் நடித்துள்ளனர். இந்த படத்துக்கு தேவி ஸ்ரீ பிரசாத் இசையமைத்துள்ளார்.
இப்படம் 3டி முறையில் சரித்திர படமாக உருவாகியுள்ளது. இத்திரைப்படம் அடுத்த மாதம் 14 ஆம் தேதி வெளியாகும் என படக்குழு அதிகாரபூர்வமாக அறிவித்துள்ளது. இதற்கிடையில் படத்தின் டிரெய்லர் சமீபத்தில் வெளியாகி மக்களிடையே நல்ல வரவேற்பை பெற்றது.
இப்படம் தமிழ், தெலுங்கு, கன்னடம், சைனீஸ், ஸ்பானிஷ் உள்ளிட்ட 10-க்கும் மேற்பட்ட மொழிகளில் வெளியாக உள்ளது. தற்போது, படத்திற்கான புரமோஷன் பணிகள் தீவிரமாக நடைபெற்று வருகிறது.
அந்த வகையில் கங்குவா பட புரோமோஷன் நிகழ்ச்சியில் கலந்து கொண்ட நடிகர் சூர்யாவிடம் நீங்கள் சூப்பர் ஸ்டார் என ரசிகர் ஒருவர் கூற, கொஞ்சம் கூட தாமதிக்காமல், "எங்களைப் பொறுத்தவரை ரஜினிகாந்த் சார் மட்டுமே சூப்பர் ஸ்டார் " என்று சூர்யா தெரிவித்த வீடியோ வைரலாகி உள்ளது.
ரஜினியா – விஜய்யா அடுத்த சூப்பர் ஸ்டார் என்ற விவாதம் அடிக்கடி எழும் நிலையில், ரஜினி மட்டும்தான் சூப்பர் ஸ்டார் என சூர்யா கவனிக்கத்தக்கது.
நடிகர் சூர்யா, ரஜினிகாந்தின் வேட்டையன் படத்துடன் போட்டி போட விரும்பாமல் 'கங்குவா' படத்தின் ரிலீஸ் தேதியை அக்டோபர் 10இல் இருந்து நவம்பர் 14க்கு தள்ளி வைத்தது குறிப்பிடத்தக்கது.