கோட் ஓடிடி வெளியீட்டுத் தேதியை நெட்ஃபிளிக்ஸ் நிறுவனம் அதிகாரப்பூர்வமாக வெளியிட்டுள்ளது.
நடிகர் விஜய் - வெங்கட் பிரபு கூட்டணியில் உருவான கிரேட்டஸ்ட் ஆஃப் ஆல் டைம் (கோட்) திரைப்படம் செப்டம்பர் 5ஆம் தேதி திரையரங்குகளில் பிரம்மாண்டமாக வெளியானது.
கோட் படத்தில் விஜய்யுடன் சிநேகா, பிரசாந்த், பிரபுதேவா, மோகன், அஜ்மல், யோகிபாபு நடித்துள்ளார்கள். சிவகார்த்திகேயனும் சிறிய கதாபாத்திரத்தில் நடித்திருந்தார்.
கலையான விமர்சனங்களை பெற்ற இத்திரைப்படம் 13 நாள்களில் கோட் திரைப்படம் ரூ.413 கோடி வசூலித்ததாக படக்குழு அதிகாரபூர்வமாக அறிவித்து இருந்தது. கோட் திரைப்படம் ஒரு மாதமாக திரையரங்குகளில் ஓடிக் கொண்டிருக்கும் நிலையில், ஓடிடி வெளியீட்டுத் தேதி அறிவிக்கப்பட்டுள்ளது.
அக்டோபர் 3 நெட்ஃபிளிக்ஸ் ஓடிடி தளத்தில் வெளியாகும் என்று அதிகாரப்பூர்வமாக தெரிவிக்கப்பட்டுள்ளது.