விஷால் ஒரு குளத்து ஆமை மாதிரி, நல்ல இடமாக இருந்தால் அங்கு சென்று அந்த இடத்தை கெடுத்துவிடுவார்.

- நடிகர் ராதாரவி

புல்லட் ரயில் வேண்டாம் என்பவர்கள் மாட்டு வண்டியில் போகட்டும். 

- நரேந்திர மோடி -

நடிகர் சங்கத் தேர்தலிலும், தயாரிப்பாளர் சங்கத் தேர்தலிலும் கமல்ஹாசன் ஆசியால்தான் நான் வெற்றி பெற்றேன்.

- விஷால், நடிகர் சங்க பொதுச்செயலாளர்.

அதிமுக கொடியில் அண்ணாவின் படத்தை நீக்கிய போதே, ஆர்.கே.நகர் இடைத்தேர்தலில் டி.டி.வி. தினகரனின் தோல்வி வெளிப்பட்டுவிட்டது.

- மைத்ரேயன், அதிமுக எம்.பி.

நான் தேர்ந்தெடுத்த பாதைக்காக அரசியல் ரீதியாக ஒரு விலை கொடுக்க வேண்டியது இருக்கிறது.

-நரேந்திர மோடி, பிரதமர்.

ஜானகி அணியினர் ஒதுங்கிக் கொண்டதைப்போல பெருந்தன்மையாக தொண்டர்களை ஒப்படைத்துவிட்டு தினகரன் அணியினர் விலகிக் கொள்ள வேண்டும். 

- எஸ்.பி.வேலுமணி, ஊரக வளர்ச்சித்துறை அமைச்சர்.

இந்த வெற்றியை எம்.ஜி.ஆருக்கும், ஜெயலலிதாவுக்கும் அர்ப்பணிக்கிறோம். இரு பெரும் தலைவர்களின் ஆன்மாதான் இந்த வெற்றியை பெற்றுத்தந்துள்ளது. 

- ஓ.பன்னீர் செல்வம், துணை முதலமைச்சர்.

நடிகர்கள் கறுப்புப் பணம் வாங்குவதை முதலில் நிறுத்த வேண்டும். தமிழக அரசு இதற்குரிய நடவடிக்கையை எடுக்க வேண்டும்!

- நடிகர், பிரகாஷ் ராஜ்.

ஜெயலலிதா மறைவுக்குப் பிறகு நமது எம்ஜிஆர் பத்திரிகை முரசொலியாகவும், ஜெயா டிவி கலைஞர் டிவியாகவும் மாறிவிட்டது!

- அமைச்சர், ஜெயக்குமார். 

எந்த ஒரு ஆதாரமும் இல்லாமல், அரசியல் காழ்ப்புணர்ச்சியோடு கமல்ஹாசன் சொல்கிற குற்றச்சாட்டுக்களை ஏற்றுக்கொள்ள முடியாது. அரசின் மீதான குற்றச்சாட்டுக்களை நிரூபிக்கத் தவறினால் அவர் மீது நடவடிக்கை எடுக்கத் தயங்காது. 

அமைச்சர், ஜெயக்குமார்.

தமிழ்நாட்டு மக்களின் நலனிற்காக தன்னை அர்பணித்துக்கொள்ளும் வகையில் ஆளுநர் பன்வாரிலால் புரோகித் இதுபோன்ற சந்திப்புகளை தொடருவார். அதிகாரிகளுடன் ஆளுநர் சந்திப்பு நடத்துவதை அரசியல் சாசனம் எந்த வகையிலும் தடுக்கவில்லை. ஆளுநர் மாளிகையின் கவுரவத்தை என்றென்றும் நிலைநாட்டும் வகையிலேயே பன்வாரிலால் புரோகித்தின் நடவடிக்கைகள் அமையும்.

- ஆளுநர் பன்வாரிலால் புரோகித் சார்பில் அவரது முதன்மைச் செயலாளர் அறிக்கை

எம்.ஜி.ஆர். மறைவுக்கு பின்னர் ஜெயலலிதாவுக்கு நானும், சசிகலாவும் மெய்க்காப்பாளராக இருந்தோம். நான் மகன் போல இருந்து அவரை பாதுகாத்தேன்.

- டி.டி.வி.தினகரன், அ.தி.மு.க. அம்மா அணி துணை பொதுச்செயலாளர்.  

மின் மீட்டர் முறைகேடு தொடர்பாக நான் தவறான செய்தியை வெளியிட்டதாக மின்சாரத்துறை அமைச்சர் கருதினால், என் மீது வழக்கு போடட்டும். அதை சந்திப்பதற்கு நான் தயாராக இருக்கிறேன்.

- மு.க.ஸ்டாலின், திமுக செயல் தலைவர்.

ஜெயலலிதா இருக்கும்போது ஆய்வு நடத்தியிருந்தாலும் ஏற்றுக்கொள்ள வேண்டியதுதான். இதில் மாநில உரிமை எங்கு இருக்கிறது. கோவையை ஸ்மார்ட் சிட்டியாக அறிவித்துள்ளதால் மத்திய அரசின் திட்டம் எப்படி செயல்படுகிறது என்று பார்க்கிறார்கள். ஆளுநரின் ஆய்வால் எந்த பிரச்னையும் இல்லை. டேக் இட் ஈஸி’யாக எடுத்துக் கொள்ள வேண்டும்.

- வனத்துறை அமைச்சர் திண்டுக்கல் சீனிவாசன்

வருமான வரிச் சோதனையில் அரசியல் இருப்பதாக நினைக்கவில்லை. இந்த சோதனையை ஜெயலலிதா இருந்த காலத்திலேயே நடத்தி இருக்க வேண்டும்!

- ஈ.வி.கே.எஸ். இளங்கோவன், முன்னாள் காங்கிரஸ் கட்சித் தலைவர்.

நாட்டில் உள்ள எந்தக் கட்சி மீதும் எனக்கு நம்பிக்கை இல்லை. அரசியலுக்கு வரும் எண்ணம் எனக்கு இல்லை!

- நடிகர் பிரகாஷ்ராஜ்

மஹேந்திர சிங் டோனி மாதிரியான மகத்தான வீரர்கள், அவர்களுடைய எதிர்காலத்தை அவர்களாகவே முடிவு செய்து கொள்வார்கள்.

- ரவி சாஸ்திரி, இந்திய கிரிக்கெட் அணி பயிற்சியாளர்.

மிஞ்சிப்போனால் இருபது வருடங்கள் சிறை தண்டனை கொடுப்பார்களா? கொடுக்கட்டும். 

- வருமான வரி சோதனைக்குப்பிறகு, டி.டி.வி.தினகரன்.

நடிகர் கமல்ஹாசன் மீது வழக்கு போட்டிருப்பதிலும், கார்ட்டூனிஸ்ட் பாலா கைது செய்யப்பட்டிருப்பதிலும் மத்திய அரசுக்கு எந்த தொடர்பும் கிடையாது.

- பொன்.ராதாகிருஷ்ணன், மத்திய அமைச்சர்.

20/20 கிரிக்கெட் போட்டிகளில் தோனி இளைஞர்களுக்கு வழிவிட்டு ஒதுங்க வேண்டும்!

- வி.வி.எஸ்.லட்சுமணன், முன்னாள் கிரிக்கெட் வீரர் -

சும்மா சும்மா தட்டிப்பார்க்கக் கூடாது. நான் ஒன்றும் மிருதங்கம் இல்லை.

- கமல்ஹாஸன், தனது பிறந்தநாள் விழாவில் பேசியது. -

கடந்தகால அனுபவங்களிலிருந்து பாடம் கற்று மின்சாரக் கசிவு சார்ந்த உயிரிழப்புகளைத் தடுப்பதில் தமிழக அரசும், மின்சார வாரியமும் படுதோல்வி அடைந்துவிட்டன.

- டாக்டர். ராமதாஸ், பாமக.-

ஏரி குளங்கள் தூர் வாருவதை விட்டுவிட்டு, அரசின் கஜானாவை தூர் எடுக்கும் பணியைத்தான் ஆட்சியாளர்கள் செய்துகொண்டிருக்கிறார்கள்.

- மு.க.ஸ்டாலின், திமுக செயல்தலைவர்.

விவசாயத்தை மத்திய அரசின் பட்டியலில் சேர்த்தால், விவசாயமும் விவசாயிகளும் அற்றுப்போவது உறுதி!

- வைகோ, மதிமுக பொதுச் செயலாளர் -

நாட்டின் பொருளாதாரத்தை பணமதிப்பிழப்பு, ஜி.எஸ்.டி என்ற இரண்டு நீர்மூழ்கி குண்டுகளால் பிரதமர் மோடி தாக்கி அழித்துவிட்டார்.

- ராகுல் காந்தி, காங்கிரஸ் துணைத்தலைவர்.