லோக் ஆயுக்தா சட்டமுன்வடிவு பல் இல்லாத பொக்கை வாயாக, வெட்டப் பயன்படாத அட்டைக்கத்தியாக இருக்கிறது!

- மு.க.ஸ்டாலின், சட்டமன்ற எதிர்க்கட்சித் தலைவர்.

காவிகளோ அல்லது ஆவிகளோ, திராவிட இயக்கத்தை எந்தக் கொம்பனாலும் அசைத்துப் பார்க்க முடியாது.

- கி.வீரமணி, திராவிட மாணவர் கழக 75 -ம் ஆண்டு பவள விழாவில் பேசியது.

பா.ஜ.க-வில் பிரதமர் பதவிக்கு மோடியைவிடவும் பொருத்தமான, திறமையான தலைவர் சுஷ்மா சுவராஜ் தான்!

-ப.சிதம்பரம், முன்னாள் நிதியமைச்சர்.

ஆளுநர் அதிகார வரம்பு தொடர்பாக உச்சநீதிமன்றம் கொடுத்த தீர்ப்பு டெல்லிக்கு மட்டும்தான் பொருந்தும். புதுச்சேரிக்கு பொருந்தாது!

- கிரண்பேடி, புதுச்சேரி துணைநிலை ஆளுநர்.

மக்களால் தேர்ந்தெடுக்கப்பட்ட அரசின் அதிகார வரம்பில் ஆளுநரின் தலையீடு குறித்து உச்சநீதிமன்றம் அளித்துள்ள தீர்ப்பு புதுச்சேரிக்கு 100க்கு 110 சதவீதம் பொருந்தும்!

- நாராயணசாமி, புதுச்சேரி முதலமைச்சர்.

என்னை பிரதமர் பதவியிலிருந்து நீக்க முயற்சிக்கும் எதிர்க்கட்சிகளுக்கு எந்தக் கொள்கையும் இல்லை. மோடி வெறுப்பே அவர்களுக்கு பிரதானம்!

- நரேந்திர மோடி, பிரதமர்.

காவிரி நடுவர் மன்றம் அமைக்க பேரவையில் தீர்மானம் இயற்றி வித்தாகவும் விதையாகவும் இருந்தவர் கருணாநிதி!

- துரைமுருகன், எதிர்க்கட்சித் துணைத்தலைவர்.

தமிழக மக்களுக்கு நிழல் கொடுக்கும் ஆலமரமாக யாராலும் அசைக்க முடியாத இரும்புக்கோட்டையாக அ.தி.மு.க என்றைக்கும் இருக்கும்!

- ஓ.பன்னீர்செல்வம் துணை முதலமைச்சர்.

சிங்கம் புலியுடனே வாழ்ந்திருக்கிறேன்; அதனால் நண்டுக்கு எல்லாம் பயப்படமாட்டேன்.

- அமைச்சர் ஜெயகுமார், [ சட்டப்பேரவை விவாதத்தின்போது ]

முன்னாள் உத்தரப்பிரதேச முதலமைச்சர் அகிலேஷ் யாதவ் தனது பங்களா ஒதுக்கீடு குறித்துதான் கவலைப்பட்டாரே தவிர ஏழைகளுக்கு வீடுகளை ஒதுக்கிடு செய்வது குறித்து கவலைப்படவில்லை!

- பிரதமர், நரேந்திர மோடி, [உத்தரப்பிரதேச மாநில பொதுக்கூட்டத்தில் பேசியது]

சுதந்திரம் பெற வெள்ளையர்களை எதிர்த்துப் போராடியது போல், மோடி அரசின் ஆளுநர்களிடமிருந்து விடுதலை பெற போராடிவருகிறோம்!

- நாராயணசாமி, புதுச்சேரி முதலமைச்சர். 

தமிழக பா.ஜ.க தலைவர் தமிழிசை சௌந்தரராஜனுக்கு அரசியலில் கிழக்கும் தெரியாது; மேற்கும் தெரியாது!

- ஜி.கே.மணி, பா.ம.க தலைவர்.

தமிழகத்தில் நடப்பது ஆளுநர் ஆட்சி அல்ல. தனது வரம்பு மீறிய மிரட்டல் போக்கை ஆளுநர் நிறுத்திக்கொள்ள வேண்டும்!

- வைகோ, ம.தி.மு.க பொதுச்செயலாளர்.

பா.ஜ.க ஆளும் அனைத்து மாநிலங்களுடன் ஒப்பிடுகையில் தமிழகத்தில் நிகழும் குற்றச் சம்பவங்களின் விகிதம் மிகக் குறைவே!

- மாபா.பாண்டியராஜன், [ மத்திய அமைச்சர் பொன்.ராதாகிருஷ்ணனுக்கு அளித்த பதில்.]

நீதிமன்றம் ஜாமீன் வழங்க மறுத்த எஸ்.வி.சேகரை கைது செய்யாமல், போலீஸ் பாதுகாப்பு வழங்கிய தமிழக அரசின் லட்சணம் மக்களுக்கு நன்கு தெரிந்தே உள்ளது.!  

- டி.டி.வி.தினகரன், 

தமிழக அரசின் உள்ளுறுப்புகள் ஒவ்வொன்றாக செயலிழந்து கொண்டிருக்கிறன. ஆட்சி ஐ.சி.யூ நோக்கிச் சென்றுகொண்டிருக்கிறது!

- டி.டி.வி. தினகரன்.

தமிழகத்தில் மக்கள் உரிமைக்காக போராடினால், ஒன்று அவர்கள் சிறையில் அடைக்கப்படுகிறார்கள் அல்லது சுட்டுக்கொல்லப்படுகிறார்கள்!

- பீட்டர் அல்போன்ஸ், காங்கிரஸ் மூத்த தலைவர். 

சட்டப்பேரவையில் நம்பிக்கை வாக்கெடுப்பின்போது ஓட்டு மாற்றிப்போட்டவர்கள் துணை முதலமைச்சராகவும் அமைச்சர்களாகவும் உள்ளனர். ஆனால் ஓட்டே போடாதவர்களுக்கு தகுதி நீக்கமா?

- தங்க தமிழ்செல்வன், டி.டி.வி தினகரன் ஆதரவு எம்.எல்.ஏ.

ஸ்டெர்லைட் ஆலையில் இருந்து கந்தக அமிலம் கசிவு ஏற்பட்டு மக்கள் அச்சத்தில் இருக்கிறார்கள். எனினும் ஆலையைப் பாதுகாக்க நினைக்கும் அ.தி.மு.க. அரசு, ‘காயங்களை நியாயப்படுத்துவதிலும், நியாயங்களைக் காயப்படுத்துவதிலும்’ தொடர்ந்து ஈடுபட்டுக்கொண்டிருக்கிறது!

அனுமதி கிடையாது!

அ.தி.மு.க என்னும் அகல்விளக்கை முதலமைச்சர் எடப்பாடி பழனிசாமியும், துணை முதலமைச்சர் ஓ.பன்னீர்செல்வமும் இரண்டு கைகளாக இருந்து அணையாமல் காத்துவருகிறார்கள்.

- சி.விஜயபாஸ்கர், சுகாதாரத்துறை அமைச்சர்.

எஸ்.வி.சேகர் தலைமறைவாக இல்லை. போலீஸ் துணையுடன் சுதந்திரமாக வெளியே நடமாடிக்கொண்டிருக்கும் அவரை நீதிமன்றம் உத்தரவிட்டும் இதுவரை கைது செய்யாதது ஏன்?

- மு.க.ஸ்டாலின், [சட்டமன்ற விவாதத்தில் பேசியது]

போராடும் அரசு ஊழியர்களுக்கு ஊதிய உயர்வு வழங்க அரசிடம் மனம் இருக்கிறது; ஆனால் பணம் இல்லை.

- ஜெயகுமார், மீன்வளத்துறை அமைச்சர்

விஸ்வரூபம்-2 படத்துக்கு அரசியல் ரீதியாக எதிர்ப்புகள் வந்தால், ஒரு அரசியல்வாதியாக அதை எதிர்கொள்ள தயாராக இருக்கிறேன்!

- கமல்ஹாசன், மக்கள் நீதி மய்யம் கட்சித்தலைவர்.