Andhimazhai - Web Address of Tamils

வசந்தபாலன் படத்தில் சிக்கல் • அருள்நிதியின் அடுத்த படம் • இயக்குநர் சாமி மீது அனகாவுக்கு வருத்தம் • அவர்கள்தான் மத விரோதிகள் - சுகுமாரனின்'வேழாம்பல் குறிப்புகள்' 106 • சட்டப்பேரவைத் தேர்தலிலும் காங்கிரஸுடன் கூட்டணி தொடரும்:திருச்சியில் கருணாநிதி • நடிகர் முரளி மாரடைப்பால் மரணம் • ஜெ.வைக் கண்டு கருணாநிதி பயப்படுகிறார்:விஜயகாந்த் • அரசை எதிர்க்கும் எவரும் மாவோயிஸ்ட்தான்: பினாயக் சென் • ஜெ. மீது அவதூறு வழக்கு • ரஜினி மகள் திருமணம்-விஜய்,அஜீத் வராதது ஏன்?

E-mail :
Password :

New User, Sign-Up? Forgot Password?

தி.மு.க வின் மவுனம்...- மிஸ்டர் நாரதர்...

Created On 29-Jul-10 10:28:46 PM

" நாரதரே, அழகிரி பற்றி செய்தியுடன் தொடங்குவீர் என்று யூகிக்கிறேன். சரிதானா?’’ என்றார் நான்முகன்.

" ஆம் பிரபு... மத்திய உரத்துரை அமைச்சர் மு.க .அழகிரி நாடாளுமன்றத்தில் எந்த மொழியில் பேசுவது உறுப்பினர்களின் கேள்விக்கு எந்த மொழியில் பதில் சொல்வது என்று தடுமாறியது தங்களுக்கு தெரிந்ததுதானே?’’

" ஆம். அதற்கு இப்போது என்ன ?"

" அந்த பிரச்சனைக்கு தீர்வு ஏற்பட்டிருக்கிறது. தீர்வு என்று சொல்ல முடியாது பிரபு, தீர்வு மாதிரி’’

" நாரதரே தீர்வு என்றாலே..ஒரு பிரச்சனை முடிந்தது என்று தானே அர்த்தம்."

" பிரபு அழகிரி ஆங்கிலத்தில் பேசலாம். பாராளுமன்றத்தில் எழுப்பப்படும் துணை கேள்விகளுக்கு துறையைச் சார்ந்த இணை அமைச்சர் பதில் அளிக்கலாம் என்று பாராளுமன்ற சபாநாயகர் மீராகுமார் ஆலோசனை வழங்கி இருக்கிறார், ஆங்கிலத்தில் பேசுவதே சங்கடம் என்பதால் தான் அழகிரி பாராளுமன்றத்திற்கு வராமல் ஜகா வாங்கினார்.தமிழில் பேச அனுமதித்திருந்தால் பிரச்சனை தீர்ந்து இருக்கும். ஆனால் ஆங்கிலத்தில் பேச சொல்லி பேரவை தலைவர் தீர்ப்பு என்பது அழகிரியை பொறுத்தவரை ஏமாற்றம்தான் பிரபு. அதைத்தான் தீர்வு மாதிரி என்று சொல்கிறேன்."

" சரி விடும் நாரதரே அடுத்து ஜெயலலிதா தரப்பில் என்ன செய்தி? ‘’

" காங்கிரஸ் எதிர்ப்பு , தி.மு.க எதிர்ப்பு என்று அ.தி.மு.க ஆதரவு நிலை எடுத்து வருகிறது தே.மு.தி.க என்பதுதான் இப்போதைய தகவல்."

" எப்படிச் சொல்கிறீர்?””

" பெட்ரோல் டீசல் விலை உயர்வை கண்டித்து அ,தி.மு.க உள்ளிட்ட கட்சிகள் எதிர்ப்பு அறிக்கை மற்றும் பந்த் நடத்தி தங்கள் எதிர்ப்பை காட்டின இல்லையா...? ! "

" ஆம்..."

" அதே போல் தனது கட்சிக்காரர்களை மாவட்டம் தோறும் மத்திய மாநில அரசுகளைக் கண்டித்து பொதுக் கூட்டம் போடச் சொல்லி தே.மு.தி.க தலைவர் விஜய்காந்த் உத்திரவிட்டு இருக்கிறார். "

" சரி நாரதரே நீர் இதன் மூலம் சொல்ல வருவது என்ன...? ’’

" தனித்துப் போட்டி , வருங்கால முதல்வர் போன்ற விஷயத்தை கேப்டன் விஜய்காந்த் தற்போது மறந்து விட்டார்... போட்டியிட்ட எல்லா இடைத்தேர்தலிலும் டெபாசிட் போனது அவருக்குக் கற்றுக் கொடுத்த பாடம் இது. எனவே தேர்தல் கூட்டணிக்கு தயார் என்று அவர் சிக்னல் தந்துவிட்டார் . அ.தி.மு.க இவரை தன் வலையில் இழுக்க முயற்சி செய்கிறது. முயற்சி தொடர்கிறது. விஜய்காந்த் காங்கிரஸ் நண்பர்களுடன் இணைந்து கூட்டணி அமைப்போம் என்று முயற்சித்து வருகிறார்."

" நாரதரே, அ.தி.மு.க தலைவி விஜய்காந்த்தை குடிகாரன் என்று சொன்னார். பதிலுக்கு இவர் பக்கத்தில் இருந்து ஊத்தி கொடுத்தாயா என்று கேட்டார் ... இதெல்லாம்..."

" பிரபு இதை எல்லாம் நீங்கள்தான் மறக்காமல் இருக்கிறீர்கள் . மோதிக் கொண்டவர்கள் மறந்து ரொம்ப நாள் ஆச்சு அரசியல் கட்சிகளின் அதிமுக்கிய கொள்கை தேவை இல்லாத விஷயங்களை தேவையான நேரத்தில் மறந்து விடுவது தானே."

" சரி அ.தி.மு.க வின் காங்கிரஸ் கூட்டணி முயற்சி எந்த அளவு இருக்கிறது."

" அது வெறும் முயற்சி அளவில் தான் உள்ளது ஆனால் காங்கிரஸ் அதை தனக்கு சாதகமாக பயன்படுத்தி தி.மு.க விடம் அதிக இடங்களை பங்கீட்டு கொள்ள பார்க்கிறது."

" தி.மு.க நிலை என்ன...? "

" தி.மு.க தற்போது அவசர படேல் என்று சில விஷயங்களை கண்டும் காணாமல் இருந்து வருகிறது. "

" அந்த சில விஷயங்களில் ஒன்று இரண்டை சொல்ல கூடாதா..."

" பேஷாய் சொல்கிறேன் பிரபு , இ.வி.கே.எஸ்.இளங்கோவன் , உள்துறை அமைச்சர் ப.சிதம்பரத்தின் வாரிசு கார்த்திக் சிதம்பரம் போன்றவர்கள் தி.மு.க வை தொடர்ந்து சாடி வருகிறார்கள்...ஆனால் தற்போது இவர்கள் விஷயத்தில் மவுனம் காக்கிறது.தேர்தல் பேச்சு வார்த்தையை தி.மு.க முதலில் துவக்க இருந்தது.இப்போது காங்கிரஸ் முதலில் பேசட்டும் என்று காத்து இருக்கிறார்கள். "

" அதாவது ஆக்கப் பொறுத்திரு என்கிறது தி.மு.க அப்படிதானே..."

" ஆம் . பிரதமர் கூட்டிய மாநில முதல்வர்கள் கூட்டத்தில் கலந்துகொள்வதற்காக துணை முதல்வர் ஸ்டாலின் டெல்லி போனார். ஆனால் அவரது நிகழ்ச்சி நிரலில் சோனியாவுடன் சந்திப்பு போன்ற அரசியல் விஷயங்கள் இல்லை..."

"ஆனால் பிரபு தி.மு.க விற்கு சின்ன சின்ன சங்கடங்கள் தொடர்கின்றன’’

" அது என்ன சங்கடம் அதைச் சொல்லும்."
" உமாசங்கர் ஐ.ஏ.எஸ். தலித் சமுதாயத்தை சேர்ந்தவர். அ.தி.மு.க ஆட்சியில் ஊழல் பற்றிய விவரங்களை வெளிப்படுத்தியவர். அப்போது அவரையே ஆதாரமாக தி.மு.க பயன்படுத்தி அ.தி.மு. க மீது ஊழல் குற்றசாட்டு சொன்னது.தற்போது தன் கட்சி ஆட்சியில் சங்கடம் தந்ததும் அவர் மீது ஊழல் வழக்கு தொடர்ந்தது .அடுத்த நடவடிக்கையாக அவரை சஸ்பெண்ட் செய்தது.இதை தலித் கட்சிகள் அவ்வளவாக விரும்பவில்லை. தி.மு.க ஆதரவு விடுதலைச்சிறுத்தைகள் கட்சி கூட தனது எதிர்ப்பை வெளியிட்டது ."

" அதாவது தர்ம சங்கடத்தில் தி.மு.க என்கிறீர் அப்படிதானே..."

" ஆம் பிரபு அப்படிதான்’’ நான்முகன் அனுமதியுடன் நாரதர் புறப்பட்டார்."