???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 ராஜஸ்தான், மத்திய பிரதேசத்தில் புயல், மழைக்கு 22 பேர் பலி 0 வாக்களிக்க வந்த முதியவர்கள் 5 பேர் உயிரிழப்பு! 0 பிளஸ் 2 பொதுத்தேர்வு முடிவு இன்று வெளியாகிறது! 0 பச்சைப்பட்டு உடுத்தி வைகை ஆற்றில் கள்ளழகர் ! 0 தமிழகத்தில் 70.9% வாக்குப் பதிவு! 0 சிதம்பரம் தொகுதியில் தலித் வீடுகளை அடித்து நொறுக்கிய கும்பல்! 0 வேலூர் தேர்தல் ரத்து: கண்ணீர் விட்டு அழுத ஏ.சி.சண்முகம் 0 வரிசையில் நின்று வாக்களித்தார் முதலமைச்சர் பழனிசாமி 0 மூன்றே நாட்களில் ரூ.422 கோடிக்கு மது விற்பனை! 0 மோடி சென்ற ஹெலிகாப்டரை சோதனை செய்த தேர்தல் அதிகாரி பணிநீக்கம் 0 மதுரை சித்திரைத் திருவிழா தேரோட்டம் தொடங்கியது! 0 நடிகர்கள் ரஜினிகாந்த், அஜீத், விஜய் வாக்களித்தனர்! 0 தமிழகம் மற்றும் புதுச்சேரியில் வாக்குப்பதிவு தொடங்கியது! 0 கோயம்பேடு பேருந்து நிலையத்தில் பேருந்து கிடைக்காமல் அவதி 0 சென்னை அருகில் 1381 கிலோ தங்கம் பறிமுதல்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

பெண்கள் விடுதி நடத்துபவர்களுக்கு மாவட்ட ஆட்சியர் எச்சரிக்கை!

Posted : வியாழக்கிழமை,   டிசம்பர்   06 , 2018  21:18:48 IST

சென்னை ஆதம்பாக்கத்தில் பெண்கள் விடுதியில் ரகசிய கேமரா பொருத்தப்பட்டதாக புகார் எழுந்துள்ள நிலையில், சென்னையில் பெண்கள் விடுதிகளை நடத்துபவர்களுக்கு மாவட்ட ஆட்சியர் சண்முக சுந்தரம் எச்சரிக்கை விடுத்துள்ளார்.
 
சென்னை ஆதம்பாக்கத்தில் பெண்கள் விடுதியில் ரகசிய கேமராக்கள் பொருத்தப்பட்டதாக புகார் அளிக்கப்பட்டதன் பேரில் விடுதி உரிமையாளர் சஞ்சிவ் கைது செய்யப்பட்டார்.
 
இதனையடுத்து தனியார் விடுதிகளில் தங்கியிருக்கும் பெண்கள் மற்றும் குழந்தைகளின் பாதுகாப்பு குறித்து கேள்வி எழுந்தது. இது தொடர்பான புகார்களின் அடிப்படையில் புதிய வழிகாட்டு நெறிமுறைகளை உருவாக்கியுள்ளதாக சென்னை மாவட்ட ஆட்சியர் சண்முக சுந்தரம் தமது அறிக்கையில் தெரிவித்துள்ளார்.
 
பெண்கள் விடுதி நடத்தி வருபவர்கள் தீயணைப்பு, காவல்துறை, மாநகராட்சி, சுகாதாரத்துறை மற்றும் வருவாய்த்துறை உரிமங்களை பெற வேண்டும். மேலும் டிசம்பர் 31-ம் தேதிக்குள் இந்த உரிமங்களைக் கொண்டு மாவட்ட ஆட்சியர் அலுவலகத்தில் பதிவு செய்து அத்தாட்சியைப் பெற அறிவுறுத்தப்பட்டுள்ளனர்.
 
மேலும் மாவட்ட ஆட்சியரிடம் பதிவு செய்ததற்கான சான்றினை விடுதிகளின் அலுவலக அறிவிப்பு பலகையில் ஒட்டுவது கட்டாயமாக்கப்பட்டுள்ளது.
 
விடுதிகளில் ரகசிய கேமராக்களை கண்டறிய Hidden Camera Detector போன்ற செயலிகள் மூலம் கண்காணித்து புகார்கள் அளிக்கலாம் எனவும் அறிவிக்கப்பட்டுள்ளது.
 
டிசம்பர் 31ம் தேதிக்குப் பின்னரும் பதிவு செய்யப்படாத விடுதிகள் குறித்து புகார்கள் இருந்தால், மாவட்ட ஆட்சியரகத்தில் அறிமுகப்படுத்தப்பட்டுள்ள 9444841072 என்ற தொலைபேசி எண்ணுக்கு வாட்ஸ் ஆப் மூலம் புகார் அளிக்கலாம்.
 
டிசம்பர் 31-ம் தேதிக்குப் பின்னர், அது வரை பதிவு பெற்ற விடுதிகளின் பெயர்ப்பட்டியல் முகவரியுடன் மாவட்ட இணையதளத்தில் பொதுமக்கள் பார்வைக்காக வெளியிடப்படும் எனவும் மாவட்ட ஆட்சியர் சண்முக சுந்தரம் தெரிவித்துள்ளார்.
 
டிசம்பர் 31-ம் தேதிக்கு பின்னரும் உரிமம் இன்றி விடுதி நடத்தினால், அதன் உரிமையாளருக்கு 2 ஆண்டுகள் சிறை தண்டனை விதிக்க வழிவகை உள்ளது என்றும் ஆட்சியர் எச்சரிக்கை விடுத்துள்ளார்.
 
மேலும் பெண்கள் விடுதியில் காப்பாளராக பெண்களை மட்டுமே நியமிக்க வேண்டும் என்றும். சிறுவயது குழந்தைகள் மற்றும் பெண்களை வீட்டிற்கு அனுப்பும் போது பெற்றோர் மற்றும் பாதுகாவலருடன்தான் அனுப்ப வேண்டும் என்றும் அறிவுறுத்தப்பட்டுள்ளது.
 
மேலும் 50-க்கும் மேற்பட்டோர் இருக்கும் விடுதி, மற்றும் காப்பகங்களில் சிசிடிவி கேமரா பொருத்த வேண்டும் என்றும் அவசர காரணம் ஏதும் இன்றி ஆண் காவலர்கள் விடுதி வளாகத்திற்குள் செல்லக் கூடாது உள்ளிட்ட 15 வழிகாட்டு நெறிமுறைகளை மாவட்ட ஆட்சியரகம் வெளியிட்டுள்ளது.


click here
 

 

Print

 

கேலரி
புகைப்படத்தொகுப்பு -
மேலும்...