???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 குடிநீர் தட்டுப்பாட்டுக்கு காரணமான அமைச்சர் வேலுமணி பதவி விலக வேண்டும்: ஸ்டாலின் 0 15 ஆண்டுகளுக்கு பிறகு ஜோடி சேர்ந்த மாதவன் - சிம்ரன் 0 பாகிஸ்தான் மீது இந்திய அணி நடத்திய மற்றொரு தாக்குதல்: கிரிக்கெட் வெற்றி குறித்து அமித்ஷா! 0 நாடு முழுவதும் மருத்துவர்கள் வேலைநிறுத்தம் 0 17-வது மக்களவையின் முதல் கூட்டத்தொடர் இன்று தொடக்கம்! 0 வெப்ப அலை காரணமாக ஒரே நாளில் 29 உயிரிழப்பு 0 நீட், ஹைட்ரோ கார்பன் திட்டங்களை கைவிட வலியுறுத்துவோம்: டி. ஆர். பாலு 0 நீட் தேர்வு தோல்வியால் எடப்பாடியைச் சேர்ந்த மாணவர் தற்கொலை 0 தமிழக உரிமைகளை டெல்லியில் அடகு வைத்துவிட்டு திரும்பியுள்ளார் முதலமைச்சர்: ஸ்டாலின் குற்றச்சாட்டு 0 தமிழ்ச் சூழலின் அவலம் பற்றிய புலம்பலில் இருக்கும் இன்பம் அலாதியானது!- காலச்சுவடு கண்ணன் நேர்காணல்! 0 மீன்பிடி தடைகாலம் நிறைவடைந்து கடலுக்குள் சென்றனர் மீனவர்கள்! 0 ஒற்றுமையோடு செயல்பட்டால் ஸ்டாலின் முதல்வராவது உறுதி: ப.சிதம்பரம் 0 முத்தலாக் மசோதாவை மாநிலங்களவையில் எதிர்ப்போம்: நிதிஷ் குமார் 0 கொரியாவில் சர்வதேச பட விழாவில் திரையிட சூப்பர் டீலக்ஸ் தேர்வு! 0 மெட்ரோவில் இலவச பயணம் செய்ய அனுமதியளிக்கக் கூடாது: மோடிக்கு மெட்ரோ மேன் கடிதம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

வைட்டமின் டி குறைபாடு: இந்தியாவில் பெருகிவரும் உடல்நல அபாயம்!

Posted : சனிக்கிழமை,   ஜுன்   01 , 2019  03:33:44 IST


Andhimazhai Image
இந்த தகவலைக் கேட்டால் ஆச்சரியமாக இருக்கும். வெயில் பொளந்து கட்டும் நாடான இந்தியாவில் அதிகமானோருக்கு வைட்டமின் டி குறைபாடு இருக்கிறது என்று சமீபத்திய ஆய்வில் கண்டறியப்பட்டுள்ளது.
 
 365 நாட்கள் சூரிய வெளிச்சம் உள்ள இந்தியாவில் வைட்டமின் டி குறைபாட்டினால் மக்கள் பாதிக்கப்பட்டுள்ளனர் என்பது நம்பமுடியாத விஷயமாக இருக்கலாம். ஆனால் உண்மை இதுதான்.
டெல்லியில் உள்ள ’மெடாண்டா’ மருத்துவக் கல்லூரியின் , சுரப்பியல் பிரிவின்  தலைவர் மருத்துவர் மித்தல் . இவர் வைட்டமின் டி குறைபாடு குறித்து  செய்த ஆய்வில் பல முக்கிய தகவல்கள் வெளிவந்துள்ளன.
 
பல ஆண்டுகளுக்கு முன்பே இவர் வைட்டமின் டி குறைபாடு பற்றி கண்டுபிடித்துள்ளார். லக்னோ மருத்துவக் கல்லூரியில் இவர் பணியாற்றியபோது, அருகில் உள்ள கிராமங்களுக்கு சென்று ஏழை நோயாளிகளுக்கு சிகிச்சை அளித்தார்.
 
அவர் சிகிச்சை அளித்த கிராமங்களில் இருந்த குழந்தைகள் எலும்பு வளர்ச்சி குறைபாட்டால் பாதிக்கப்பட்டிருந்தனர். அவர்கள் குடிக்கும் நீரில்  ஃப்ளோரைடு-யின் அளவு அதிகமாக இருப்பதால் எலும்பு வளர்ச்சி குறைபாடு ஏற்பட்டிருக்கிறது என்று அவரின் ஆய்வில் தெரியவந்தது. ஆனால் இதுமட்டும்தான் காரணமா? வேறு காரணங்கள் இருக்கமா ? என்று மேலும் ஆய்வு  செய்தார். அங்கிருக்கும் குழந்தைகளின் ரத்த மாதிரிகளை பரிசோதனை செய்து பார்த்தபோது அவர்களுக்கு விட்டமின் டி குறைபாடு இருப்பது தெரிய வந்தது.
 
உடலில் உள்ள எல்லா பாகங்களுக்கு கால்சியம் சென்று சேர வைட்டமின் டி- உதவுகிறது. இதைத்தொடர்ந்து நகரங்களில் வாழும் மக்களிடம் வைட்டமின் டி பரிசோதனை செய்யப்பட்டபோது, அவர்களுக்கும் இந்த குறைபாடு இருப்பதை அவர் கண்டறிந்தார். இப்போது இந்தியர்கள் வைட்டமின் டி குறைபாட்டால் பாதிக்கப்பட்டுள்ளனர் என்பது ஏற்றுக்கொள்ளப்பட்ட உண்மை ஆகிவிட்டது.
 
நம்மில் பலர் அதிகாலை வெயிலில்தான் வைட்டமின் டி அதிகம் இருக்கிறது என்று நினைக்கிறோம். ஆனால் அது முற்றிலும் தவறான தகவல். மதியம் 1 மணி முதல் 3 மணிவரை உள்ள வெயிலில்தான் வைட்டமின் டி அதிகமாக இருக்கும். ஆனால் அந்த நேரத்தில் நாம் வெளியில் செல்வதை தவிர்த்துவிடுகிறோம்.
 
 
அப்படி வெளியில் சென்றாலும் , குறிப்பாக பெண்கள் தலை முதல் கால் வரை துணியால்  மறைத்துக்கொண்டு வெளியில் செல்கிறார்கள்.  இதனால் உடலுக்கு தேவையான வைட்டமின் டி கிடைப்பதில்லை. இதுதான் நம் மக்களுக்கு இந்த குறைபாடு வரக்காரணம்
 
 
வைட்டமின் டி குறைபாடு : கண்டறிய என்ன வழி ?
 
உங்கள் ரத்த மாதிரிகளை பரிசோதனை செய்து பார்த்தால் எளிதில் கண்டறிந்துவிடலாம். அப்படி பரிசோதனை செய்ய முடியவில்லை என்றால் சில அறிகுறிகளை வைத்துக் கண்டறிய முடியும்
 
 
அறிகுறிகள்
 
உடல் வலி, சோர்வு, மாடிப் படிகள் ஏறும்போது எலும்புகளில் ஏற்படும் வலி. இவையெல்லாம் இருந்தால் வைட்டமின் டி குறைபாடு இருக்குமோ என்று சந்தேகப்படலாம்.
 
 
தீர்வு
 
மேலே குறிப்பிடப்பட்ட அறிகுறிகள் இருந்தால் மருத்துவரை சென்று பார்க்க வேண்டும். வைட்டமின் டி குறைபாடு இருக்கும் என்று தெரிந்தால்  மருத்துவர்கள் ஊசி போட்டு சரிசெய்யப்பார்ப்பார்கள். ஆனால் அதையெல்லாம் விட மருந்துக்கடைகளில் குறைந்த விலையில் கிடைக்கும் வைட்டமின் டி மாத்திரைகளை வாங்கிச் சாப்பிட்டாலே சரியாகி விடும்.
 
 
பொதுவாக  உங்கள் ரத்தத்தில்  20 நேனோ கிராம் அளவுக்குக் கீழே  வைட்டமின் டி இருந்தால்  இது குறைபாடு எனக் கருதப்படும். 12 நேனோகிராமுக்குக் கீழ் இருந்தால்தான் உண்மையில் கவலைப்படவேண்டும். வைட்டமின் டி மாத்திரைகளை அதிகமாக விற்பதற்காக பல ஆய்வகங்கள் வைட்டமின் டி 30 நேனோ கிராமுக்கு மேல் இருக்கவேண்டும் என்று குன்ஸாக அடித்துவிடுவதை வழக்கமாகக் கொண்டிருக்கின்றன. எனவே கவனத்துடன் இருக்கவும்.
 
 
வெளிநாடுகளில் இந்த பிரச்னைகளைத் தீர்க்க உணவுப்பொருட்களில் நேரடியாக வைட்டமின் டி சேர்க்கப்பட்டு விற்பனை செய்யப்படுகிறது. இதுபோல இந்தியாவிலும் உணவு பொருட்களில் வைட்டமின் டி சேர்ப்பது தொடர்பாக ஆலோசனை நடந்து வருகிறது. 
 


click here
 

 

Print

 

கேலரி
புகைப்படத்தொகுப்பு -
மேலும்...