டிசம்பரில் படப்பிடிப்பை தொடங்கும் வெற்றிமாறன்!

வெற்றிமாறன் இயக்கத்தில் சூரி நடிக்கும் படத்தின் படப்பிடிப்பு டிசம்பரில் தொடங்கவுள்ளது.

இயக்குநர் வெற்றிமாறன், அசுரன் படத்திற்கு பிறகு தனுஷ், சூர்யா மற்றும் சூரியுடன் மூன்று படங்களை இயக்க ஒப்பந்தமாகியிருந்தார். கொரோனா காரணமாக படப்பிடிப்புகள் தள்ளிப்போன நிலையில், வெற்றிமாறன் இயக்கவிருக்கும் அடுத்தப்படம் குறித்தான எதிர்பார்ப்புகள் இருந்தது.

இந்நிலையில், வெற்றிமாறன் சூரியை வைத்து தயாரித்து இயக்கும் படம் முதலில் ஆரம்பமாகவுள்ளதாக தகவல்கள் வெளியாகியுள்ளது. சத்தியமங்கலம் காட்டுப்பகுதியில் நடைபெறவுள்ள இந்த படத்தின் படப்பிடிப்பை வருகிற டிசம்பர் மாதம் தொடங்கி ஒரே கட்டமாக  நடத்தி முடிக்க படக்குழு திட்டமிட்டுள்ளது.

இதனைத் தொடர்ந்து தனுஷ் நடிக்கும் படத்தையும் அதன்பின் சூர்யாவின் 'வாடிவாசல்' படத்தையும் வெற்றிமாறன் இயக்குவார் என எதிர்பார்க்கப்படுகிறது.