???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மகளிர் இட ஒதுக்கீடு மசோதா நிறைவேற நிபந்தனையற்ற ஆதரவு: ராகுல் காந்தி அறிவிப்பு 0 நீட் தேர்வு கருணை மதிப்பெண்கள் விவகாரம்: சி.பி.எஸ்.இ- உச்ச நீதிமன்றத்தில் மேல் முறையீடு! 0 மாவட்டம்தோறும் ஐ.ஏ.எஸ்.அகாடமிகள் தொடங்கப்படும்: அமைச்சர் செங்கோட்டையன் அறிவிப்பு 0 மேட்டூர் அணையில் இருந்து ஜூலை 19-ஆம் தேதி பாசனத்துக்கு தண்ணீர் திறப்பு: முதலமைச்சர் அறிவிப்பு 0 காவிரியில் வெள்ளப்பெருக்கு: மேட்டூர் அணையின் நீர்மட்டம் 90 அடியை நெருங்குகிறது 0 சித்தா, ஆயுர்வேத படிப்புகளுக்கு +2 மதிப்பெண் அடிப்படையில் சேர்க்கை: தமிழக முதலமைச்சர் அறிவிப்பு 0 பிரதமர் மோடி பொதுக்கூட்டத்தில் தற்காலிக பந்தல் சரிந்து விழுந்து விபத்து 0 கேரளாவில் தொடரும் கனமழை: எட்டு மாவட்டங்களில் பள்ளி கல்லூரிகளுக்கு விடுமுறை அறிவிப்பு 0 எஸ்.பி.கே கட்டுமான நிறுவனத்துக்குச் சொந்தமான இடங்களில் வருமான வரித்துறை அதிரடி சோதனை 0 ரஜினி வேறு பிரபஞ்சத்தில் வாழ்ந்து வருகிறார்: மூத்த வழக்கறிஞர் பிரசாந்த் பூஷன் 0 8 வழிச்சாலை போன்ற திட்டங்கள் தேவை: ரஜினி பேட்டி 0 இன்றைய ஆட்சியாளர்களிடம் எளிமையுமில்லை; தூய்மையுமில்லை: ப.சி. பேச்சு 0 கொல்லைப்புறம் வழியாக வந்தவர் டிடிவி தினகரன்: எடப்பாடி பழனிசாமி தாக்கு! 0 உலகக் கோப்பையை வென்றது ஃபிரான்ஸ்! 0 ஒகேனக்கல்லில் அருவிகளை மூழ்கடிக்கும் வெள்ளம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

என் உயிரினும் மேலான உடன்பிறப்பே : முரசொலி பவள விழாவில் வைகோ ஆற்றிய உரை.

Posted : புதன்கிழமை,   செப்டம்பர்   06 , 2017  02:51:54 IST


Andhimazhai Image

ஏறத்தாழ பதினோரு ஆண்டுகளுக்குப் பிறகு திமுகவின் மேடையில் வைகோ. உயர்ந்தன பல புருவங்கள், எழத் தொடங்கிவிட்டன பல அரசியல் ஆரூடங்கள். அவையெல்லாம் இருக்கட்டும். எல்லா வகை பேதங்களையும்தாண்டி, தமிழக அரசியலில்  கலைஞர் வைகோ இருவரின் நட்புக்கு எப்போதும் ஒரு தனியிடம் உண்டு.

முரசொலி பவள விழாவில் வைகோ ஆற்றிய உரையின் சுருக்கம்..

 

“அண்ணன் கலைஞர் அவர்கள் மேடையில் அமர்ந்திருக்கிற வேளையில் நான் உரையாற்றி இருக்கிறேன். தற்போதும் கலைஞர் மேடையில் அமர்ந்திருப்பதாக மானசீகமாகக் கருதிக்கொண்டு பேசுகிறேன். கோபாலபுரத்திலுள்ள அந்தக்குரல் ஒருநாள் மேடையில் ஒலிக்கும். என் உயிரினும் மேலான அன்பு உடன்பிறப்பே என்ற குரல் மீண்டும் ஒலிக்கும். அந்த நம்பிக்கையில் என் உரை காற்றைக் கடந்து அவரின் செவிகளிலே விழுந்து இதயத்தை ஊடுருவும் என்ற நம்பிக்கையோடு பேசுகிறேன்.

 

வரலாற்றுச் சிறப்புமிக்க நாளில் முரசொலி விழா நடைபெறுகிறது. 1954 ஜூலை 15 மும்முனை போராட்டத்தை நினைவூட்டும் நாள். கலைஞர் எழுதிய கட்டுரைக்கு, சேரன் செங்குட்டுவன் தீட்டும் சிலப்பதிகாரம் என்று அண்ணா தலைப்பிடுகிறார். அப்படி அண்ணாவின் எல்லையற்ற அன்பைப் பெற்றிருந்தவர் கலைஞர். முரசொலியை கலைஞர் நாளேடாக்குகிற நாள் செப்டம்பர் 17, தந்தை பெரியார் பிறந்த நாள். இப்படிப் பல வரலாற்றுச் சிறப்புகள் கொண்டது முரசொலி.

 

நெருக்கடி நிலை பிரகடன சமயத்தில் திமுக செயற்குழுவில் கலைஞர் நிறைவேற்றியது போல எந்தத் தீர்மானமும் எந்த அரசியல் கட்சியும் இதுவரை நிறைவேற்றியதில்லை. நம்பூதிரி பட் ‘இந்தியா ஓர் அடிமை நாடு, இந்தியாவில் தமிழ்நாட்டில் மட்டும்தான் சுதந்திரக் காற்றை சுவாசிக்க முடிகிறதென்று இந்த தீர்மானத்தை படித்துவிட்டுச் சொன்னார்.

 

தம்பி வா தலைமை ஏற்க வா என்று அண்ணா எப்படி நாவலரை அழைத்தாரோ அதேபோல கோவையில் நடைபெற்ற மாநாட்டில் திமுக பொதுச்செயலாளர் அன்பழகன் அவர்கள் பேசும்போது, ‘அண்ணாவின் தூங்காத இதயமே வா’ என்று அழைத்தார். அதுதான் மாநாட்டின் உச்சக்கட்ட உரை. நெருக்கடி நிலையில் நாங்கள் சிறையில் இருந்தபோது எங்களுக்கு முரசொலி பத்திரிகை ஆறு நாள்கள் கழித்துதான் வரும். எமர்ஜென்சியின்போது அண்ணாவைப் பற்றி ‘என் அன்னையை விட அண்ணா அவர்கள் என்னிடம் அன்பை பொழிந்தார்கள்’ என்று எழுதியதை அனுமதிக்க தணிக்கை அதிகாரிகள் திமிராக மறுத்துவிட்டனர். உடனே அவர்களை எதிர்த்து சென்சார் அலுவலகம் எதிரே போராட்டம் அறிவித்தார்.

 

வீட்டிலிருந்தபடியே துண்டுப் பிரசுரங்கள் தயாரிக்கிறார். மறுநாள் அந்த துண்டுப் பிரசுரங்களை தேனாம்பேட்டையில் விநியோகிக்கிறார். பல்லாயிரக்கணக்கான மக்கள் திரண்டனர். அங்குதான் ‘ஜனநாயகம் வாழ்க, சர்வாதிகாரம் வீழ்க’என்று முழக்கம் எழுப்பினார். மொரார்ஜி தேசாய் உள்பட பலரைக் கைது செய்ய அஞ்சாத இந்திராகாந்தி அரசு, கலைஞரை கைது செய்ய அஞ்சிய காரணத்தால் காலையில் கைது செய்து மாலையில் விடுதலை செய்தது” என்று கலைஞருடனான தனது அனுபவங்கள் குறித்துப் பேசிய வைகோ, பொடாவில் இருந்து  தான் வெளியே வரும் நேரத்தில், “பூட்டிய இரும்புக் கூட்டின் கதவு திறக்கப்பட்டது. சிறுத்தையே வெளியே வா” என்று கருணாநிதி எனக்காக முரசொலியில் எழுதியதை என்னால் மறக்க முடியாது' என்று உருக்கமாக உரையாற்றினார்.  இறுதியாக “கலைஞர் அவர்கள் நூற்றாண்டு கடந்த வாழ வேண்டும். மீண்டும் கலைஞர் உரையாற்றுவதைத் தமிழ்ச் சமூகம் காண வேண்டும்” என்று முத்தாய்ப்பாகக் கூறி முடித்தார்.



click here
 

 

Print

 

கேலரி
புகைப்படத்தொகுப்பு -
மேலும்...