???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 உலகக்கோப்பை கால்பந்து: ஈரான் அணியை வென்றது ஸ்பெயின் 0 அரிசி உற்பத்தி குறித்து மாநில அரசு வெள்ளை அறிக்கை வெளியிடவேண்டும்: ஸ்டாலின் வலியுறுத்தல் 0 உலகக்கோப்பை கால்பந்து: உருகுவே அணி வெற்றி 0 சோனியா காந்தியுடன் தமிழக அரசியல் அவலங்கள் குறித்துப் பேசினேன்: கமல்ஹாசன் 0 பசுமை வழிச்சாலை திட்டத்தை அரசு உடனடியாக கைவிட வேண்டும்: வைகோ வலியுறுத்தல் 0 ஆறுமுகசாமி விசாரணை ஆணையம்: துக்ளக் ஆசிரியர் குருமூர்த்திக்கு சம்மன் 0 ஆறுமுகசாமி விசாரணை ஆணையத்தின் பதவிக்காலம் நீட்டிப்பு 0 காஷ்மீர் விவகாரம்: பா.ஜ.க மீது சிவசேனா கடும் தாக்கு 0 திருத்தணி அருகே நெகிழ்ச்சி: அரசுப் பள்ளி ஆங்கில ஆசிரியரின் பணி மாறுதலை தடுத்த மாணவர்கள் 0 காவிரி நீர் ஆணையத்தை உடனே கூட்டுக: பிரதமருக்கு முதல்வர் கடிதம் 0 தூத்துக்குடி துப்பாக்கிச்சூடு குறித்து கருத்து தெரிவித்த நடிகை நிலானி கைது! 0 ராகுல் காந்தியுடன் கமல்ஹாசன் சந்திப்பு! 0 உள்ளாட்சி அமைப்புகளுக்கான மானியத் தொகை: அமைச்சர் எஸ்.பி.வேலுமணி வலியுறுத்தல் 0 மிஸ் இந்தியாவாக தேர்வானார் சென்னை கல்லூரி மாணவி! 0 இன்று சர்வதேச யோகா தினம்: பிரதமர், அமைச்சர்கள் யோகா பயிற்சி!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

பாலியல் வன்கொடுமை: சி.பி.ஐ காவலில் பாஜக எம்.எல்.ஏ.!

Posted : ஞாயிற்றுக்கிழமை,   ஏப்ரல்   15 , 2018  10:27:12 IST

உன்னாவ் பாலியல் வன்கொடுமை வழக்கில் கைதான பாஜக எம்.எல்.ஏ குல்தீப் சிங்கை, 7 நாள் காவலில் எடுத்து விசாரிக்க, சி.பி.ஐ-க்கு லக்னோ நீதிமன்றம் அனுமதி வழங்கியுள்ளது. 
 
உத்தரப்பிரதேச மாநிலம் உன்னாவ் மாவட்டத்தை சேர்ந்த 17 வயது இளம்பெண் ஒருவர், தனது உறவினருடன் கடந்த ஆண்டு ஜூன் 4-ந்தேதி, பங்கார்மா தொகுதி பாரதிய ஜனதா எம்.எல்.ஏ.வான குல்தீப் சிங் செங்காரின் வீட்டுக்கு சென்றிருக்கிறர். 
 
வேலை கேட்டு சென்ற தன்னை, குல்தீப் சிங் மற்றும் சிலர் சேர்ந்து, பாலியல் வன்கொடுமை செய்ததாக, அந்த இளம்பெண் போலீசில் புகார் செய்தார். ஆனால், எம்.எல்.ஏ.வை கைது செய்யாமல், அந்த பெண்ணின் தந்தையை கடந்த 3 ஆம் தேதி போலீசார் கைது செய்த நிலையில், போலீஸ் காவலில் அவர் உயிரிழந்தார். அவரது உடலில் பலத்த காயங்கள் இருந்தது பிரேதப் பரிசோதனையில் தெரியவந்தது.
 
இதனால் மனமுடைந்த அந்த பெண், கடந்த 8-ந் தேதியன்று, முதலமைச்சர் யோகி ஆதித்யநாத்தின் வீட்டின் முன்பாக தற்கொலை முயற்சியில் ஈடுபட்டார். 
 
சம்பவம் தொடர்பாக தாக்கல் செய்யப்பட்ட பொது நல வழக்கை விசாரித்த அலகாபாத் உயர்நீதிமன்றம், உத்தரபிரதேச அரசை கண்டித்த நிலையில், சி.பி.ஐ விசாரணைக்கு அம்மாநில அரசு பரிந்துரைத்தது. 
 
மத்திய உள்துறை அமைச்சகத்தின் உத்தரவின் பேரில், 7 பேர் கொண்ட சி.பி.ஐ அதிகாரிகள் குழு டெல்லியில் இருந்து  லக்னோ வந்தது. 17 மணி நேர விசாரணைக்குப்பின், எம்.எல்.ஏ. குல்தீப் சிங் கடந்த வெள்ளிக்கிழமை இரவு கைது செய்யப்பட்டார். 
 
இந்நிலையில், குல்தீப் சிங்கை 7 நாள் காவலில் எடுத்து விசாரிக்க, சிபிஐக்கு லக்னோ நீதிமன்றம் அனுமதி அளித்துள்ளது. 
 
இதனிடையே, வேலை வாங்கித்தருவதாக கூறி, அந்த இளம் பெண்ணை எம்எல்ஏ வீட்டுக்கு அழைத்துச்சென்ற ஷாஷி சிங் என்ற பெண்ணும் கைது செய்யப்பட்டுள்ளார். 


click here
 

 

Print

 

கேலரி
புகைப்படத்தொகுப்பு -
மேலும்...