???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இன்ஸ்டாகிராமின் குறைபாட்டை கண்டறிந்த தமிழருக்கு ரூ. 20 லட்சம் பரிசு! 0 தெலங்கானாவில் மாதாந்திர ஓய்வூதியம் இரட்டிப்பானது! 0 அயோத்தி வழக்கு: இடைக்கால அறிக்கை தாக்கல் 0 நம்பிக்கை வாக்கெடுப்பு நடத்தி பெரும்பான்மையை நிரூபிக்க வேண்டும்: குமாரசாமிக்கு ஆளுநர் கடிதம் 0 இன்று ஒகேனக்கலுக்கு வந்தடைகிறது காவிரி நீர் 0 நல்லகண்ணு, கக்கன் குடும்பத்துக்கு வீடு ஒதுக்கப்படும்: ஓ.பன்னீர்செல்வம் 0 நடிகர் சந்தானம் பட டிரெய்லரில் சர்ச்சைக்குரிய வசனம்: தடை செய்ய மனு 0 அத்திவரதர் தரிசனத்தின்போது உயிரிழந்தவர்களின் குடும்பங்களுக்கு நிதி உதவி 0 புதுச்சேரி ஐ.டி.ஐ மாணவர்களுக்கும் மதிய உணவு: முதல்வர் நாராயணசாமி உத்தரவு 0 மழைநீர் வடிகால் திட்டம்: அனைத்து ஆவணங்களையும் தாக்கல் செய்ய சென்னை மாநகராட்சிக்கு உத்தரவு 0 தேனி, நீலகிரி உள்ளிட்ட 6 மாவட்டங்களில் கனமழைக்கு வாய்ப்பு 0 கர்நாடகாவில் இன்று நம்பிக்கை வாக்கெடுப்பு! 0 உச்ச நீதிமன்ற தீர்ப்புகள் தமிழ் உள்ளிட்ட 9 மாநில மொழிகளில் வெளியானது! 0 கமல்ஹாசனுக்கு நன்றி தெரிவித்த நடிகர் சூர்யா! 0 குல்புஷன் ஜாதவுக்கு விதிக்கப்பட்ட தூக்கு தண்டனைக்குத் தடை
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

தாய்லாந்தில் சிக்கியுள்ள திருப்பூர் இளைஞரை மீட்க வெளியுறவுத்துறை அமைச்சர் நடவடிக்கை

Posted : செவ்வாய்க்கிழமை,   ஜுன்   25 , 2019  22:38:59 IST

திருப்பூர் குளத்தூர் புதூர் பகுதியைச் சேர்ந்தவர் மாரியம்மாள். மதுரை மாவட்டத்தைச் சேர்ந்த இவர் கடந்த 13 ஆண்டுகளுக்கு முன்னர் திருப்பூர் வந்து பனியன் நிறுவனங்களில் பணியாற்றி தனது மூன்று மகன்களையும் வளர்த்து வருகிறார். இவரது மூத்த மகன் மணித்துரை மற்றும் இரண்டாவது மகன் மணிகண்டன் இருவரும் பனியன் நிறுவனங்களிலேயே பணியாற்றி வந்த சூழ்நிலையில் உடன் பணியாற்ற வந்தவர்களின் உதவியுடன் ரஞ்சித் என்பவரது பழக்கம் கிடைத்துள்ளது.

இவர் தாய்லாந்தில் உள்ள பனியன் நிறுவனங்களில் வேலை வாங்கித் தருவதாகவும் 40 ஆயிரம் ரூபாய் மாத சம்பளம் என ஆசை வார்த்தை கூறியதை நம்பி, நம்பி மாரியம்மாள் தனது இரண்டு மகன்களையும் அனுப்புவதற்கு 2 லட்சத்து 70 ஆயிரம் ரூபாய் பணத்தை ரஞ்சித்திடம் கொடுத்துள்ளார்.

அதனைக் கொண்டு இருவருக்கும் தாய்லாந்து செல்வதற்கான டிக்கெட் மற்றும் விசா எடுத்து அனுப்பி வைத்துள்ளார். அங்கு சென்ற இருவருக்கும் ஓட்டலில் வேலை வாங்கித் தந்தது மட்டுமல்லாமல், இருவரையும் சுற்றுலா விசாவில் அழைத்துச் சென்றது தெரியவந்துள்ளது.

இந்நிலையில், தாங்கள் ஏமாற்றப்பட்டது தெரியவந்ததுடன் தங்களது தாய் மாரியம்மாளுக்கு தகவல் கொடுத்துள்ளனர். இதுகுறித்து ரஞ்சித்திடம் கேட்டதற்கு சரிவர பதில் அளிக்காமல் அலட்சியமாக இருந்துள்ளார்.

இதனையடுத்து இளைய மகன் மணிகண்டனை, ரூ. 58 ஆயிரம் செலவழித்து மீண்டும் தமிழகத்திற்கு வரவழைத்துள்ளார் மாரியம்மாள். மூத்த மகன் அங்கேயே இருந்த சூழ்நிலையில் அவரது விசா காலம் முடிவடைந்தது. இதனால் அவரால் திரும்பி வர முடியாமல் தாய்லாந்திலேயே தங்கியுள்ளார். அவரை மீண்டும் வரவழைக்க தேவையான தொகையும் தன்னிடம் இல்லாத சூழ்நிலையில் ரஞ்சித் மீது திருப்பூர் மத்திய காவல் நிலையத்தில் புகார் அளித்தும் எவ்வித நடவடிக்கையும் எடுக்கவில்லை என திருப்பூர் ஆட்சியர் அலுவலகத்தில் புகார் மனு அளித்துள்ளார். மேலும், தாய்லாந்தில் சிக்கியுள்ள தனது மகனை மீட்டுத் தரக் கோரியும் மாரியம்மாள் தனது மனுவில் வேண்டுகோள் விடுத்துள்ளார்.

இந்நிலையில், இந்த தகவல் அறிந்த மத்திய வெளியுறவுத் துறை அமைச்சர் ஜெய்சங்கர், மணிதுரை தாய்லாந்தில் இருந்து வெளியேறுவதற்கான அனைத்து உதவிகளையும் இந்திய தூதரகம் செய்து வருவதாக தெரிவித்துள்ளார்.



click here
 

 

Print

 

கேலரி
புகைப்படத்தொகுப்பு -
மேலும்...