திருவண்ணாமலைக்கு வெளிமாவட்ட பக்தர்கள் நுழைவதற்குத் தடை!

தீபத் திருவிழாவை முன்னிட்டுத் திருவண்ணாமலை நகருக்கு வெளிமாவட்ட பக்தர்கள் நுழையத் தடை விதிக்கப்பட்டுள்ளது.

 

திருவண்ணாமலை அண்ணாமலையார் திருக்கோயிலில், திருக்கார்த்திகை தீபத் திருவிழா வரும் 29-ஆம் நாள் அதிகாலை 4 மணியளவில் நடைபெறுகிறது. அன்று மாலை 6 மணி அளவில் கோயில் பின்புறம் உள்ள 2 ஆயிரத்து 668 அடி உயரம் கொண்ட மலை மீது, மகா தீபம் ஏற்றப்படும். இந்த நிலையில், தீபத் திருவிழாவை பக்தர்கள் காண்பதற்குத் தடை விதிக்கப்பட்டுள்ளது. 29, 30 ஆகிய நாள்களில் கிரிவலம் செல்லவும் தடை விதிக்கப்பட்டுள்ளது. கொரோனா பரவலைக் கட்டுப்படுத்தும் விதமாக இந்த நடவடிக்கை எடுக்கப்பட்டுள்ளது.