சுங்கச்சாவடி கட்டணங்கள் நியாயமற்றவை – நீதிமன்றம்

தமிழக சுங்கச்சாவடிகளில் அதிக கட்டணம் வசூலிக்கக் கூடாது என நெடுஞ்சாலைத்துறைக்கு சென்னை உயர்நீதிமன்றம் உத்தரவிட்டுள்ளது.

பரனூர் மற்றும் ஆத்தூர் சுங்கச்சாவடிகளின் ஒபந்தக்காலம் முடிவடைந்ததால், அந்த சுங்கச்சாவடிகளில் கட்டணம் வசூலிக்கக் கூடாது என திருச்சியைச் சேர்ந்த வழக்கறிஞர் ஜோசப் சகாயராஜ் என்பவர் சென்னை உயர்நீதிமன்றத்தில் மனுத்தாக்கல் செய்திருந்தார்..

இந்நிலையில், இந்த வழக்கானது, தலைமை நீதிபதிகள் சஞ்சீவ் பானர்ஜி மற்றும் செந்தில்குமார் ராமமூர்த்தி அமர்வு முன்பாக விசாரணைக்கு வந்தது, வழக்கை விசாரித்த நீதிபதிகள், ”சுங்கச்சாவடிகளில் வசூலிக்கப்படும் கட்டணம் நியாயமாக இல்லை. நெடுஞ்சாலை துறை அதிக அளவிலான கட்டணம் வசூலிக்கக் கூடாது. தேசிய அளவிலான சுங்க கட்டண முறையையே பின்பற்றா வேண்டும் “என்றும் உத்தரவிட்டனர்.

மேலும், ”ஃபாஸ்டேக் முறை எளிதாக அணுகும் விதத்தில் இருக்க வேண்டும். சுங்கச்சாவடிகளில் உள்கட்டமைப்பு ஏற்படுத்த வேண்டும்” என நெடுஞ்சாலைத்துறைக்கு அறிவுறுத்திய நீதிபதிகள்,  இந்த வழக்கை  இரண்டு வார காலத்திற்கு ஒத்திவைத்து உத்தரவிட்டனர்.