திரையரங்குகளில் 100% இருக்கைகளுக்கு தமிழக அரசு அனுமதி!

திரையரங்குகளில் 100 சதவீத இருக்கைகளுக்கு அனுமதி வழங்கி தமிழக அரசு அரசாணை வெளியிட்டுள்ளது.

தமிழகத்தில் கொரோனா தடுப்பு நடவடிக்கையாக, கடந்த நவம்பர் மாதம் முதல் 50  சதவீத இருக்கைகளுடன் திரையரங்குகள்  இயங்க அனுமதி வழங்கப்பட்டது.

இதற்கிடையே பொங்கல் ரிலீசை முன்னிட்டு 100% இருக்கைகளுக்கு அனுமதி அளிக்க வேண்டுமென திரைத்துறையினர் கோரிக்கை விடுத்து வந்தனர்.  நடிகர் விஜய், முதல்வர் பழனிசாமியை நேரில் சந்தித்து கோரிக்கை விடுத்தார். நடிகர் சிலம்பரசன் இன்று வெளியிட்ட அறிக்கையிலும் 100% இருக்கைகளுக்கு தமிழக அரசு அனுமதி அளிக்க வேண்டுமென கோரிக்கை விடுத்திருந்தார். இந்நிலையில், தமிழக அரசு திரையரங்குகளில் 100% இருக்கைகளுக்கு அனுமதி அளித்து, அது தொடர்பான அரசாணையை இன்று வெளியிட்டுள்ளது.