???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 காந்தி பிறந்த நாள்: பாலிவுட் நட்சத்திரங்களுடன் கலந்துரையாடிய பிரதமர்! 0 வங்கிகள் இணைப்புக்கு எதிர்ப்பு: நாடு தழுவிய வேலை நிறுத்தத்துக்கு அழைப்பு! 0 பணப்புழக்கம் குறைந்ததே தீபாவளி விற்பனை குறையக் காரணம்: வணிகர் சங்கம் 0 பொறுப்பு அதிகமாகியுள்ளது: டாக்டர் பட்டத்துக்குப் பின் முதலமைச்சர் பேச்சு! 0 ராமதாஸின் கேள்விகளுக்கு விடையளிக்க மு.க.ஸ்டாலின் மறுப்பது ஏன்? ஜி.கே.மணி கேள்வி 0 சென்னை: அதிகாலையில் கனமழை! 0 இடைத்தேர்தல் வாக்குப்பதிவு தொடங்கியது! 0 மகாராஷ்டிரம், ஹரியானா சட்டப்பேரவை தேர்தல்: வாக்குப்பதிவு தொடங்கியது! 0 தமிழக அமைச்சர்களை அவதூறு செய்ததாக சீமான் மீது வழக்கு! 0 பாகிஸ்தான் இராணுவம் தாக்கியதில் 2 இந்திய வீரர்கள் மரணம்! 0 இடைத்தேர்தல் பிரசாரம் ஓய்ந்தது: நாளை வாக்குப்பதிவு! 0 இன்னும் ஒரு மாதத்தில் எடப்பாடி பழனிசாமி ஆட்சி கவிழும்: மு.க.ஸ்டாலின் 0 அ.தி.மு.க. வேட்பாளர்களை வெற்றி பெற செய்தால் அரசு நிர்வாகம் மேலும் வலுவூட்டும்: அதிமுக அறிக்கை 0 தமிழகத்தில் 4 நாட்களுக்கு மழை தொடரும்: வானிலை ஆய்வு மையம் 0 பணத்தை இரட்டிப்பு செய்து தருவதாக கூறி ரூ.23 கோடி மோசடி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

நாடாளுமன்றத்தில் கூட்டாக தமிழில் முழங்கி பெருமை சேர்த்த தமிழக உறுப்பினர்கள்!

Posted : செவ்வாய்க்கிழமை,   ஜுன்   18 , 2019  05:46:32 IST

தமிழகத்திலிருந்து தேர்ந்தெடுக்கப்பட்ட மக்களவை உறுப்பினர்கள் அனைவரும் இன்று பதவியேற்றுக்கொண்டனர். மற்ற மாநில உறுப்பினர்கள் பதவியேற்பைவிட, தமிழக உறுப்பினர்களின் பதவியேற்பு நாடு முழுவதும் கவனம் பெற்றிருக்கிறது.
 
அனைவரும் தமிழில் உறுதிமொழி ஏற்றதோடு, தமது கொள்கையை நிறுவும்விதமாக முழங்கியது தமிழக எம்.பி-களை தனித்துவமாக முன்னிறுத்தியது. பதவியேற்ற தமிழக உறுப்பினர்களில் பெரும்பான்மையானவர்கள் தமிழ் வாழ்க முழக்கத்தை பொதுவாக பதிவு செய்தார்கள்.
 
சிதம்பரம் தொகுதியிலிருந்து தேர்ந்தெடுக்கப்பட்ட விடுதலை சிறுத்தைகள் தலைவர் தொல். திருமாவளவன், 'வாழ்க அம்பேத்கர், பெரியார் வெல்க ஜனநாயகம் வெல்க சமத்துவம்' எனக் கூறி பதவியேற்றார்.
 
திமுகவை சேர்ந்த தூத்துக்குடி மக்களவை உறுப்பினர் கனிமொழி 'வாழ்க தமிழ், வாழ்க பெரியார்' எனும் முழக்கத்தை பதிவு செய்தார்.
 
மார்க்சிஸ்ட் கம்யூனிஸ்ட் கட்சியைச் சேர்ந்த எழுத்தாளர் சு. வெங்கடேசன், 'தமிழ் வாழ்க மார்க்சியம் வாழ்க' எனும் முழக்கத்தை முன்வைத்தார். கோவை எம்.பி நடராஜன் உறுதிமொழி ஏற்றதன் இறுதியில்,' உலகத் தொழிலாளர்களே ஒன்று சேருங்கள்' என முழங்கினார்.
 
இந்திய கம்யூனிஸ்ட் கட்சியைச் சேர்ந்த திருப்பூர் மக்களவை உறுப்பினர் கே.சுப்பராயன், 'மதச்சார்பின்மை நீடூழி வாழ்க, இந்தியா நீடூழி வாழ்க' என்றார்.
 
மதிமுகவை சேர்ந்த ஈரோடு மக்களவை உறுப்பினர் கணேசமூர்த்தி, 'தமிழ்நாடே எனது தாய்நாடு, தாய்நாட்டின் உரிமை காப்போம்' என்றார்.
 
காங்கிரஸ் கட்சியை சேர்ந்த கன்னியாகுமரி தொகுதி எம்.பி. வசந்தகுமார், 'பெருந்தலைவர் காமராஜர் புகழ் வாழ்க, ராஜிவ் காந்தி புகழ் வாழ்க' என கூறினார்.
 
கொங்கு மக்கள் தேசிய கட்சியை சேர்ந்த நாமக்கல் தொகுதி மக்களவை உறுப்பினர் ஏ.கே.பி.சின்ராஜ், 'வாழ்க தமிழ், வாழ்க தீரன் சின்னமலை, வாழ்க காலிங்கராயன், வாழ்க கோவைச் செழியன்' எனக் கூறினார்.
 
இதில், அதிமுக கட்சியிலிருந்து தேர்ந்தெடுக்கப்பட்ட ஓ.பி.ரவீந்திரனாத் மட்டும் மற்றவர்களிலிருந்து சிறிது வேறுபட்டு 'வந்தே மாதரம், ஜெய்ஹிந்த்' என கூறி உறுதிமொழி ஏற்றார். 
 
தமிழக மக்களவை உறுப்பினர்களின் ஒன்றிணைந்த இந்த தமிழ் உணர்வு முழக்கம் பெரும் கவனத்தை பெற்றிருக்கிறது. எனினும், பெரியார், தமிழ் உணர்வு முழக்கங்கள் எழுப்பபட்டபோது சில பாஜக உறுப்பினர்கள் கூச்சலிட்டதும் நிகழ்ந்திருக்கிறது.
 

English Summary
Thamizh vaazhga slogan of Tamilnadu loksabha members

click here
 

 

Print

 

கேலரி
புகைப்படத்தொகுப்பு -
மேலும்...