எம்.ஜி.ஆர். கெட்டப்பில் அரவிந்த் சாமி!

தலைவி படத்தில் எம்.ஜி.ஆர் கதாபாத்திரத்தில் நடிக்கும் அரவிந்தசாமியின் ஃபர்ஸ்ட் லுக்கை படக்குழு இன்று வெளியிட்டுள்ளது.

மறைந்த முன்னாள் முதல்வர் ஜெயலலிதாவின் வாழ்க்கை வரலாறு ‘தலைவி’ என்ற பெயரில் உருவாகி வருகிறது. இதில் ஜெயலலிதாவாக நடிகை கங்கனா ரனவத், எம்.ஜி.ஆர் கதாபாத்திரத்தில் அரவிந்தசாமியும் நடித்து வருகின்றனர்.

இன்று எம்.ஜி.ஆர் அவர்களின் மறைவு நாளையொட்டி படத்தில் அரவிந்தசாமியின் எம்.ஜி.ஆர் கெட்டப் லுக்கை படக்குழுவினர் வெளியிட்டுள்ளனர். இந்த புகைப்படங்கள் தற்போது சமூக வலைத்தளங்களில் பரவி வருகின்றன.

ஏ.எல். விஜய் இயக்கும் ‘தலைவி’ படம் தமிழ், தெலுங்கு, இந்தி மொழிகளில் உருவாகி வருகிறது.