???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 குடிநீர் தட்டுப்பாட்டுக்கு காரணமான அமைச்சர் வேலுமணி பதவி விலக வேண்டும்: ஸ்டாலின் 0 15 ஆண்டுகளுக்கு பிறகு ஜோடி சேர்ந்த மாதவன் - சிம்ரன் 0 பாகிஸ்தான் மீது இந்திய அணி நடத்திய மற்றொரு தாக்குதல்: கிரிக்கெட் வெற்றி குறித்து அமித்ஷா! 0 நாடு முழுவதும் மருத்துவர்கள் வேலைநிறுத்தம் 0 17-வது மக்களவையின் முதல் கூட்டத்தொடர் இன்று தொடக்கம்! 0 வெப்ப அலை காரணமாக ஒரே நாளில் 29 உயிரிழப்பு 0 நீட், ஹைட்ரோ கார்பன் திட்டங்களை கைவிட வலியுறுத்துவோம்: டி. ஆர். பாலு 0 நீட் தேர்வு தோல்வியால் எடப்பாடியைச் சேர்ந்த மாணவர் தற்கொலை 0 தமிழக உரிமைகளை டெல்லியில் அடகு வைத்துவிட்டு திரும்பியுள்ளார் முதலமைச்சர்: ஸ்டாலின் குற்றச்சாட்டு 0 தமிழ்ச் சூழலின் அவலம் பற்றிய புலம்பலில் இருக்கும் இன்பம் அலாதியானது!- காலச்சுவடு கண்ணன் நேர்காணல்! 0 மீன்பிடி தடைகாலம் நிறைவடைந்து கடலுக்குள் சென்றனர் மீனவர்கள்! 0 ஒற்றுமையோடு செயல்பட்டால் ஸ்டாலின் முதல்வராவது உறுதி: ப.சிதம்பரம் 0 முத்தலாக் மசோதாவை மாநிலங்களவையில் எதிர்ப்போம்: நிதிஷ் குமார் 0 கொரியாவில் சர்வதேச பட விழாவில் திரையிட சூப்பர் டீலக்ஸ் தேர்வு! 0 மெட்ரோவில் இலவச பயணம் செய்ய அனுமதியளிக்கக் கூடாது: மோடிக்கு மெட்ரோ மேன் கடிதம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

மருமகனை கொல்ல ரூ. 1.5 கோடி தந்த மாமனார்: தெலங்கானா ஆணவக்கொலையின் உச்சம்!

Posted : புதன்கிழமை,   செப்டம்பர்   19 , 2018  00:25:01 IST


Andhimazhai Image
தெலங்கானா மாநிலம் நலகொண்டா மாவட்டம் மிரியாலகுடாவைச் சேர்ந்தவர் மாருதிராவ். அந்தப் பகுதியில் ரியல் எஸ்டேட் தொழில் செய்து வருகிறார். இவரது ஒரே மகள் அமிர்தவர்ஷினி. ஹைதராபாத்தில் சாஃப்ட்வேர் நிறுவனத்தில் பணியாற்றினார். அவர் மிரியாலகுடாவைச் சேர்ந்த பிரணாய் நாயக் என்ற இளைஞரை காதலித்து திருமணம் செய்துகொண்டார். தற்போது 5 மாத கர்ப்பிணியாக உள்ளார்.
 
கடந்த வாரம் விநாயக சதுர்த்தியின் போது பிரணாய், அமிர்தவர்ஷினியை மருத்துவமனைக்கு அழைத்துச் சென்றிருந்தார். மருத்துவ பரிசோதனை முடிந்து இருவரும் வெளியே வந்தபோது, பின்னால் இருந்து வந்த அடையாளம் தெரியாத நபர், பிரணாயின் தலையில் அரிவாளால் வெட்டினார். இதில் சம்பவ இடத்திலேயே பிரணாய் இறந்தார். அதிர்ச்சியில் உறைந்தார் கர்ப்பிணியான அமிர்தவர்ஷினி. அமிர்தவர்ஷினி அளித்த தகவலின் அடிப்படையில் அமிர்தவர்ஷினியின் தந்தை மாருதிராவை போலீசார் கைது செய்தனர்.
 
மாருதிராவ் தகவலின்படி, பீகார் மற்றும் ஹைதராபாத்தில், மொத்தம் 8 பேரை போலீசார் கைது செய்துள்ளனர். விசாரணையில், தனது மகள் அவரை விட அந்தஸ்தில் குறைவான பழங்குடியினத்தைச் சேர்ந்த இளைஞரை காதலித்து திருமணம் செய்தது பிடிக்காததால், கூலிப்படை மூலம் மருமகனைக் கொலை செய்ததாக மாருதிராவ் ஒப்புக் கொண்டுள்ளார். மேலும், தன் மகளின் மகிழ்ச்சியைக் காட்டிலும் தனக்கு சாதியும் அந்தஸ்தும்தான் முக்கியம் எனவும் தெரிவித்துள்ளார்.
 
இந்தக் கொலைக்காக, ஒன்றரைக் கோடி ரூபாய் தருவதாகக் கூறி, 50 லட்சம் ரூபாய் முன்பணமாக கொடுத்துள்ளதாகவும் அவர் கூறியுள்ளார். இந்தியாவிலேயே மிக அதிக தொகைக்காக நடந்த ஆணவக்கொலையாக ஊடகங்கள் தெரிவிக்கின்றன.
 
தன் அன்புக் கணவரின் கொலைக்குக் காரணமாக இருந்த சாதியை எதிர்த்து போராட இருப்பதாக தெரிவித்துள்ளார் அமிர்தவர்ஷினி.


click here
 

 

Print

 

கேலரி
புகைப்படத்தொகுப்பு -
மேலும்...