???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 உலகக்கோப்பை கால்பந்து: ஈரான் அணியை வென்றது ஸ்பெயின் 0 அரிசி உற்பத்தி குறித்து மாநில அரசு வெள்ளை அறிக்கை வெளியிடவேண்டும்: ஸ்டாலின் வலியுறுத்தல் 0 உலகக்கோப்பை கால்பந்து: உருகுவே அணி வெற்றி 0 சோனியா காந்தியுடன் தமிழக அரசியல் அவலங்கள் குறித்துப் பேசினேன்: கமல்ஹாசன் 0 பசுமை வழிச்சாலை திட்டத்தை அரசு உடனடியாக கைவிட வேண்டும்: வைகோ வலியுறுத்தல் 0 ஆறுமுகசாமி விசாரணை ஆணையம்: துக்ளக் ஆசிரியர் குருமூர்த்திக்கு சம்மன் 0 ஆறுமுகசாமி விசாரணை ஆணையத்தின் பதவிக்காலம் நீட்டிப்பு 0 காஷ்மீர் விவகாரம்: பா.ஜ.க மீது சிவசேனா கடும் தாக்கு 0 திருத்தணி அருகே நெகிழ்ச்சி: அரசுப் பள்ளி ஆங்கில ஆசிரியரின் பணி மாறுதலை தடுத்த மாணவர்கள் 0 காவிரி நீர் ஆணையத்தை உடனே கூட்டுக: பிரதமருக்கு முதல்வர் கடிதம் 0 தூத்துக்குடி துப்பாக்கிச்சூடு குறித்து கருத்து தெரிவித்த நடிகை நிலானி கைது! 0 ராகுல் காந்தியுடன் கமல்ஹாசன் சந்திப்பு! 0 உள்ளாட்சி அமைப்புகளுக்கான மானியத் தொகை: அமைச்சர் எஸ்.பி.வேலுமணி வலியுறுத்தல் 0 மிஸ் இந்தியாவாக தேர்வானார் சென்னை கல்லூரி மாணவி! 0 இன்று சர்வதேச யோகா தினம்: பிரதமர், அமைச்சர்கள் யோகா பயிற்சி!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

அஞ்சலி:மேலாண்மை பொன்னுசாமி - உழைப்பவனின் குரல்

Posted : செவ்வாய்க்கிழமை,   அக்டோபர்   31 , 2017  02:12:32 IST


Andhimazhai Image

சாகித்ய அகாதமி விருது பெற்ற எழுத்தாளர் மேலாண்மை பொன்னுசாமி நேற்று சென்னையில் காலமானார். அவருக்கு வயது 66.    விருதுநகர் மாவட்டம் ஆலங்குளம் அருகில் உள்ள மேலாண்மறை நாடுதான் பொன்னுசாமியின் சொந்த ஊர். ஊரின் பெயரால் அடைமொழியிட்டுத்தான் இவர் அழைக்கப்படுகிறார். சிறு வயதிலேயே பெற்றோரை இழந்தவர். பாட்டியால் வளர்க்கப்பட்டவர். ஐந்தாம் வகுப்புவரைதான் பள்ளிப்படிப்பு.

 

இவர் எழுதிய முதல் சிறுகதை 1972 ல் செம்மலர் இதழில் வெளியானது. மார்க்சிஸ்ட் கட்சியின்மீது ஈடுபாடு கொண்டவர். பெரும்பாலும் இடதுசாரி இலக்கிய இதழ்களான செம்மலர், சிகரம், விழிப்பு ஆகியவற்றில் ஆரம்பத்தில் எழுதினார். முதலில் இடதுசாரி இதழ்களில் மட்டுமே எழுதிவந்தவர், பின்னாட்களில் வணிக இதழ்களிலும் எழுதத் தொடங்கினார்.  தினமணி கதிர், குங்குமம், கல்கி, ஆனந்தவிகடன், இந்தியா டுடே, சண்டே இன்டியன் ஆகிய இதழ்களில் இவரின் சிறுகதைககள் வெளியாகியுள்ளன.

 

எளிய அன்றாடங்காய்ச்சிகளான கரிசல் காட்டு விவசாய சம்சாரிகளின் வாழ்க்கைப்பாடுகளை எளிய வாக்கியங்களால் கதைகளாக்கியவர் பொன்னுசாமி. அதிர்ச்சி மதிப்பீடுகளோ திருப்பங்களோ அற்ற எளிய எழுத்து நடை அவருடையது. மார்க்சிய சார்பு அவரது கதைகளில் மனிதாபிமானமாக விரிந்து கிடந்தது எனச் சொல்லலாம்.

 

வானதி பதிப்பகம் வெளியிட்ட ‘மின்சார பூவே' என்ற சிறுகதை தொகுப்பிற்கு 2008ஆம் ஆண்டுக்கான சாகித்ய அகாதமி விருதைப் பெற்றார். சாகித்திய அகாடமி விருது, வட அமெரிக்க தமிழ்ச் சங்கப் பேரவையின் ‘மாட்சிமை’ பரிசு, தமிழக அரசு பரிசு என்று பல பரிசுகள் என பல விருதுகளைப் பெற்றுள்ளார்.

 

1970-களில் இடதுசாரி இயக்க எழுத்தாளர்களின் சங்கமாக தமிழ்நாடு முற்போக்கு எழுத்தாளர் சங்கம் தொடங்கப்பட்டபோது, அதன் தொடக்கத்துக்குப் பங்களிப்பு செய்தவர்களில் மேலாண்மை பொன்னுச்சாமியும் ஒருவர். பல வருடங்கள் தமிழ்நாடு முற்போக்கு எழுத்தாளர் சங்கத்தின் துணைத்தலைவராக இருந்தவர். எழுத்து மற்றும் இயக்கச் செயல்பாடுகள் ஆகியவை அவரது இரண்டு கண்கள் எனலாம்.

 

நாற்பதாண்டு காலம் இடதுசாரி இயக்கத்திலும், தன் ஒயாத எழுத்துப் பணிகளாலும் எழுதி, உழைத்துக் களைத்துப் போயிருந்த மேலாண்மை பொன்னுசாமியின் இந்த நிரந்தர ஓய்வு எழுத்துலகின் இழப்புதானென்றாலும் அவரது படைப்புகள் கூரிய எளிமைக்காகவும், உழைப்பவனின் சார்பிலான குரல் என்பதாலும் என்றும் நினைவு கூறப்படும்.

 

- சரோ லாமா -



click here
 

 

Print

 

கேலரி
புகைப்படத்தொகுப்பு -
மேலும்...