30 மொழிகளில் வெளியாகும் தமிழ் இணையத் தொடர்!

கதிர், ஐஸ்வர்யா ராஜேஷ் நடித்துள்ள சுழல் இணையத் தொடரின்  ட்ரெய்லர் வெளியாகியுள்ளது.


புஷ்கர், காயத்ரி கதையில், இயக்குநர்கள் பிரம்மா, அனுசரன் இயக்கத்தில் கதிர், ஐஸ்வர்யா ராஜேஷ், ராதாகிருஷ்ணன் பார்த்திபன், ஸ்ரேயா ரெட்டி ஆகியோரின்  உருவாகியுள்ளது இணையத் தொடரான சுழல்.


இந்த இணையத் தொடர், 240 நாடுகளில் 30 மொழிகளில் ஜூன் 17 முதல் அமேசான் ஓடிடியில் வெளியாகும் என அறிவிக்கப்பட்டுள்ளது.


எட்டு பகுதிகளாக உள்ள இந்த இணையத் தொடரின் முதல் நான்கு பகுதிகளை பிரம்மாவும் இதர நான்கு பகுதிகளை அணுசரணும் இயக்கியுள்ளார்கள். ஐஸ்வர்யா ராஜேஷ், பார்த்திபன் ஆகியோர் முதல்முறையாக இணையத் தொடரில் நடித்துள்ளார்கள்.


சுழல் இணையத் தொடரின் ட்ரெய்லரின் வெளியீட்டு விழா நேற்று சென்னையில் உள்ள தனியார் நட்சத்திர விடுதியில் நடைபெற்றது என்பது குறிப்பிடத்தக்கது.