ஈழத்தை மீட்டெடுக்க வேண்டும்: விடுதலைப் புலிகள்

மாவீரர் தினத்தை ஒட்டி விடுதலைப் புலிகள் இயக்கம் சார்பில் வெளியிடப்பட்டுள்ள அறிக்கையில், தமிழ் ஈழத்திற்காக மக்கள் வடித்த ரத்தமும், கண்ணீரும் ஒருபோதும் வீண்போகாது  என்று அதில் தெரிவிக்கப்பட்டுள்ளது.

விடுதலைப் புலிகள் இயக்கத்தின் மீதான தடையை நீக்கி, அரசியல் பணிகளை இலங்கையிலும், புலம்பெயர் நாடுகளிலும் முன்னெடுக்கக் கூடிய ஏதுவான சூழலை ஏற்படுத்தித் தர வேண்டும் என்று மனித உரிமைகளுக்காக போராடும் நாடுகளை விடுதலைப் புலிகள் இயக்கம் கேட்டுக்கொண்டுள்ளது.

இனவழிப்பு, பன்னாட்டு விசாரணை போன்ற தீர்மானங்களை நிறைவேற்றுவதற்கான பணிகளை பன்னாட்டு சமூகம் துரிதமாக முன்னெடுக்க வேண்டும் என்றும் வலியுறுத்தப்பட்டுள்ளது. நாடாளுமன்றத்தில் உள்ள தமிழ் தலைவர்கள், சிங்கள பேரினவாதத்திற்கு பலியாகிவிட்டதாக விடுதலைப் புலிகளின் அறிக்கையில் குற்றம்சாட்டப்பட்டுள்ளது.

பெரும் துயரங்களுக்கு இடையே, நெருக்கடிகளைச் சந்தித்து தாய் நாட்டிலேயே வாழும் மக்களின் வாழ்வாதாரத்தைச் மேம்படுதத உதவும் பெரும் பொறுப்பு புலம்பெயர் தமிழ் மக்களின் கரங்களிலேயே இருப்பதாகவும் அதில் தெரிவிக்கப்பட்டுள்ளது.