???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 கேரளாவில் பழங்குடி அடித்துக்கொலை: 2 பேர் கைது, 5 பேரிடம் விசாரணை 0 பொறியியல் கலந்தாய்வுக்கு இனி நேரில் வரவேண்டியதில்லை: அமைச்சர் தகவல்! 0 பல்கலைகளில் பல கோடி ரூபாய் ஊழல்: அன்புமணி குற்றச்சாட்டு! 0 சென்னை மீனவர்கள் மீது கடலோர காவல்படை தாக்குதல்! 0 கனடா பிரதமருக்கு குடியரசுத் தலைவர் மாளிகையில் பாரம்பரிய வரவேற்பு! 0 டி.டி.வி.தினகரனுக்கு கள்ளக்குறிச்சி அதிமுக எம்.எல்.ஏ ஆதரவு 0 ஜெயலலிதா பிறந்த நாள்: சென்னை வருகிறார் பிரதமர் மோடி 0 தமிழக புதிய தலைமை தேர்தல் அதிகாரியாக சத்யபிரதா சாஹூ நியமனம்! 0 ரஜினியை முதல்வராக முன்னிறுத்தி அரசியல் மாநாடு! 0 தலைமை செயலாளரை தாக்கிய வழக்கு: ஆம் ஆத்மி எம்.எல்.ஏ.க்களின் ஜாமின் மனு தள்ளுபடி 0 தயாரிப்பாளர்கள் - டிடிஎஸ் நிறுவனம் இடையே நடைபெற்ற பேச்சுவார்த்தை தோல்வி 0 புதிய கட்சி தொடங்கியுள்ள கமலுக்கு பாரதிராஜா ஆதரவு 0 அதிமுக எங்கள் கட்சி: டி.டி.வி.தினகரன் பொளேர்! 0 ரஜினியின் அடுத்த படத்தை இயக்குகிறார் கார்த்திக் சுப்புராஜ் 0 நாளை சென்னை வருகிறார் பிரதமர் மோடி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

கலாப்ரியாவின் படைப்புலகம்: மதுரையில் அந்திமழை நடத்திய விழா

Posted : திங்கட்கிழமை,   ஜுலை   17 , 2017  04:03:33 IST


Andhimazhai Image
அந்திமழை இதழ் சார்பில் கலைஞன் போற்றுதும் என்ற தலைப்பில் கவிஞர் கலாப்ரியாவின் படைப்புலகம் குறித்த ஆய்வரங்கு மதுரையில் 15/7/2017 அன்று ஹோட்டல் பிரேம் நிவாஸ் அரங்கில்  நடைபெற்றது. நூற்றுக்கும் மேற்பட்ட பார்வையாளர்களால் அரங்கம் நிறைந்திருந்தது. நிகழ்வில் கலாப்ரியா  என்னும்  எழுத்தாளுமையின் தாக்கத்தை உணர முடிந்தது.  
 
 
தமிழின் முக்கியமான மொழிபெயர்ப்பாளர் சா.தேவதாஸ் நிகழ்ச்சிக்குத்   தலைமை தாங்கினார். 
 
 
எழுத்தாளர் ஆத்மார்த்தி கலாப்ரியாவின்கவி ஆளுமையின் நுட்பமான தரிசனங்கள் குறித்து உரையாற்றினார். மொழியை அவர் கையாளும் முறை குறித்தும், கலாப்ரியாவின்கட்டுரைத் தொகுப்புகள் குறித்து   தீபா நாகராணி பேசினார். கலாப்ரியா என்னும் தனிப்பட்ட ஆளுமையின் விஸ்தீரணம் குறித்துபெரியசாமி ராஜா  உரையாற்றினார். இலக்கிய விமர்சகர் ந.முருகேசபாண்டியன் கலாப்ரியாவுடனான தனிப்பட்ட நட்பு குறித்தும்,  தன் 19வது வயதில்  கலாப்ரியாவை இல்லம் தேடிச்சென்று சந்தித்தது, கலாப்பிரியா நடத்திய குற்றாலம் கவிதைப் பட்டறை போன்ற நிகழ்வுகளைப்  பற்றி  தன் எண்ணங்களைப்  பகிர்ந்து கொண்டார். முருகேசபாண்டியனின் உரையில் உற்சாகம் கொப்பளித்தது.
 
 
கலாப்ரியாவுடனான தன் நட்பு குறித்தும், அவர் படைப்புகள் மற்றும் கவிதைகள் குறித்த தீர்க்கமான பார்வையையும் முன்வைத்தார்அந்திமழை இளங்கோவன். அவர் ஒரு நாவலை விரைவில் எழுதவேண்டும் என்ற கோரிக்கையை முன் வைத்தார் இளங்கோவன். கலைஞன் போற்றுதும் என்ற தலைப்பில் அந்திமழை முன்னெடுத்திருக்கும் இந்த நிகழ்வு ஒரு தொடர் நிகழ்வு என்றும் பல     படைப்பாளிகள் தொடர்ந்து கௌரவிக்கப்படுவார்கள் என்றும் அவர் அறிவித்தார்.
 
 
எழுத்தாளர் எஸ்.ராமகிருஷ்ணன் வழக்கம் போல தன் வசீகரப் பேச்சால் பார்வையாளர்களைக் கட்டிப்போட்டார். கலாப்ரியாவின் கவிதையுலகின்  தனித்தன்மைகள்  குறித்தும், கலாப்ரியாவின் கட்டுரை களில் வெளிப்படும் திராவிட இயக்கத்தின் எழுச்சி, சினிமாவை அவர்கள்   பயன்படுத்திக்கொண்ட விதம், எம்.ஜி.ஆர், கருணாநிதி போன்ற ஆளுமைகள் மக்களிடையே செலுத்திய பாதிப்புகள், சினிமாஎனும் கலை தமிழர்வாழ்வில் ஊடுருவியுள்ள விதம் என தன் பேச்சில் கலாப்ரியாவின் எழுத்துக்கள்  குறித்தும், தமிழ் வாழ்வின் சமூகக் கூறுகள் குறித்தும் ஓர் அசலானதொரு  உரையைத் தந்தார்.
 
 
ஏற்புரையில் கலாப்ரியா சுருக்கமும் நெகிழ்வுமாகப் பேசினார். படைப்புகள் குறித்த நியாயமான பெருமிதம் கொஞ்சமும் வெளிப்படவில்லை,  ஆனால்  தன் படைப்பு வாழ்வின் பெறுமதி அவர் பேச்சில்  இருந்து வெளிப்பட்டது எனலாம். இந்த ஆண்டிலேயே நாவல் எழுதிவிடுவதாக அந்திமழை இளங்கோவனுக்கு உறுதி அளிக்கவும் அவர் தவறவில்லை!
 
 
விழாவில் கவிஞர் கலாப்ரியா அவர்களுக்கு அந்திமழை சார்பில் சாதனை விருதும்    பணமுடிப்பும் எஸ்.ராமகிருஷ்ணன் அவர்களால்வழங்கப்பட்டது.  விழாவில் கலந்து கொண்ட  பார்வையாளர்களுக்கு அந்திமழை வெளியீடான கலாப்ரியாவின் ”நீ போகின்ற பார்வையெல்லாம் பூமுகம் காணுகின்றேன்” என்ற  கட்டுரைத் தொகுப்பு கலாப்ரியா கையெழுத்துடன்  நினைவுப்பரிசாக வழங்கப்பட்டது குறிப்பிடத்தக்கது. அத்துடன் பார்வையாளர்களின் முகவரிக்கு ஆறுமாதம் தொடர்ந்து அந்திமழை இதழ் அன்புப்பரிசாக அனுப்பிவைக்கப்படும் என்று அறிவிக்கப்பட்டுள்ளது.
நிகழ்ச்சியை சுவாரஸ்யத்துடனும் சுருக்கமாகவும் தொகுத்து வழங்கினார் மேகா பதிப்பகம் அருணாசலம். பார்வையாளர்கள் வரிசையில்சுரேஷ்குமாரஇந்திரஜித், சமயவேல், திருச்செந்தாழை, அர்ஷியா, அர்விந்த் யுவராஜ், ப.திருமலை உள்ளிட்ட பல எழுத்தாளர்கள் பார்வையாளர்களாகக் கலந்துகொண்டார்கள்.
 
 
அந்திமழை நிர்வாக ஆசிரியர் அசோகன் நன்றியுரை வழங்க விழா   இனிதே நிறைந்தது.


click here
 

 

Print

 

கேலரி
புகைப்படத்தொகுப்பு -
மேலும்...