தமிழக அரசு செயலிழந்துவிட்டது: மு.க.ஸ்டாலின்

தமிழக அரசு செயலிழந்துவிட்டதாக திமுக பொருளாளர் மு.க. ஸ்டாலின் விமர்சித்துள்ளார். திருவண்ணாமலை மாவட்டம் ஆரணியில் நடைபெற்ற திருமண நிகழ்ச்சி ஒன்றில் பேசிய அவர், மாநிலத்தை நிர்வகிக்கும் முதலமைச்சர் ஜெயலலிதா தொடர்ச்சியாக தலைமைச் செயலகத்திற்கு வருவதில்லை என்றும் கூறினார்.

இன்றைய ஆளும் தமிழக அரசு செயலிழந்தது, துரு பிடித்து, செயலாக்கம் முற்றிலுமாக முடங்கி போய் உள்ளது என்றும், முன்னால் முதல்வர் கருணாநிதி சட்டசபைக்கு வரவில்லை என்றால் செய்தி, ஆனால் இன்றைய முதல்வர் சட்டசபைக்கு வந்தாலே செய்தி. காரணம் வாரத்திற்கு ஒருமுறையோ, அல்லது மாதம் ஒருமுறையோதான் சட்டசபைக்கு இன்றைய முதல்வர் ஜெயலலிதா வருகிறார் என்றும் ஸ்டாலின் கூறினார்.