???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இது மிகவும் கவனமாக இருக்க வேண்டிய நேரம்: பிரதமர் மோடி 0 சென்னையில் இருந்து வெளியே சென்றால் கட்டாய கொரோனா பரிசோதனை 0 தமிழகத்தில் ஒரே நாளில் 938 பேருக்கு கொரோனா தொற்று உறுதி 0 நோய் கட்டுப்பாட்டு பகுதிகளில் ஜூன் 30-ந் தேதி வரை ஊரடங்கு நீட்டிப்பு: உள்துறை அமைச்சகம் 0 இந்தியாவில் கொரோனா பாதிப்பு 173,763 ஆக உயர்வு 0 தமிழகத்தில் கொரோனா பாதிப்பு 20 ஆயிரத்தை தாண்டியது! 0 சின்னத்திரை படப்பிடிப்புகளில் 60 பேர் வரை பணியாற்றலாம்: முதலமைச்சர் உத்தரவு 0 தீபாவும், தீபக்கும் ஜெயலலிதாவின் நேரடி வாரிசுகள்: தீர்ப்பில் திருத்தம் செய்த உயர்நீதிமன்றம் 0 பொன்மகள் வந்தாள்- விமர்சனம் 0 ஒரு லட்சம் பேர் உயிரிழப்பு என்ற மிகவும் சோகமான சாதனை: டொனால்டு டிரம்ப் 0 கொரோனா பாதிப்பில் 9-வது இடத்தில் இந்தியா 0 கொரோனா பாதிப்பு எண்ணிக்கையைப் பார்த்து மக்கள் அச்சப்பட வேண்டாம்: அமைச்சர் விஜயபாஸ்கர் 0 கொரோனா கட்டுக்குள் அடங்காமல் உள்ளது என்பதை அரசு உணரவேண்டும்: மு.க.ஸ்டாலின் 0 புலம்பெயர் தொழிலாளர்களிடம் கட்டணம் வசூலிக்கக்கூடாது; உணவு தரவேண்டும்: உச்சநீதிமன்றம் 0 சென்னையில் மாஞ்சா நூல் பயன்படுத்தினால் குண்டர் தடுப்பு சட்டம் பாயும்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

தண்ணீர் பற்றாக்குறையை போக்க அரசு நடவடிக்கை எடுக்க வேண்டும்: ஸ்டாலின்

Posted : புதன்கிழமை,   மே   29 , 2019  00:16:16 IST

தமிழகம் முழுவதும் வரலாறு காணாத வகையில் நிலவும் தண்ணீர் பற்றாக்குறையை போக்க தமிழக அரசு நடவடிக்கை எடுக்க வேண்டும் என திமுக தலைவர் மு.க.ஸ்டாலின் வலியுறுத்தியுள்ளார்.

தமிழகத்தின் பல்வேறு பகுதிகளில் கடுமையான தண்ணீர் பஞ்சம் நிலவி வருகிறது. இது தொடர்பாக திமுக தலைவர் மு.க.ஸ்டாலின் வெளியிட்டுள்ள அறிக்கையில், தமிழகம் முழுவதும் நிலவும் தண்ணீர் பஞ்சத்தால் ஒரு குடம் தண்ணீர் 10 ரூபாய் கொடுத்து வாங்கும் அவலநிலை ஏற்பட்டுள்ளது.

மேலும் சென்னை நகரின் குடிநீர் ஆதாரமாய் விளங்கும் ஏரிகளை முறையாக பராமரிக்காமல் விட்டதே இதற்கு காரணம் என்றும் குற்றம் சாட்டியுள்ளார்.

குடிநீர் திட்டங்களை ஏற்படுத்துவதிலும், கடல் நீரை குடிநீராக்கும் முயற்சியிலும் உள்ளாட்சித்துறை அக்கறை காட்டவில்லை என்றும் குறிப்பிட்டுள்ள மு.க.ஸ்டாலின்,  இதனால் கோடை வெயிலில் தாய்மார்கள் தண்ணீருக்காக அலையும் நிலை ஏற்பட்டுள்ளதாகவும் கூறியுள்ளார்.

குடிநீர் ஆதாரங்களை பாதுகாக்கவும், கூட்டுக்குடிநீர் திட்டங்களை முறையாக பராமரிக்கவும் இந்த அரசு தவறிவிட்டது என்று குற்றம் சாட்டியுள்ள அவர், கிருஷ்ணா நதி நீரைப் பெறவும், காவிரியில் நமக்கு கிடைக்க வேண்டிய தண்ணீரை பெறவும் தமிழக அரசு தவறிவிட்டதாகவும் கூறியுள்ளார்.

பொதுமக்களின் துன்பங்களை முதலமைச்சரோ, உள்ளாட்சித்துறை அமைச்சரோ கண்டுகொள்வில்லை என்றும் ஸ்டாலின் குற்றம் சாட்டியுள்ளார். எனவே தண்ணீர் பஞ்சத்தை போக்க தமிழக அரசு போர்க்கால அடிப்படையில் நடவடிக்கை எடுக்க வேண்டும் என்று வலியுறுத்தியுள்ளார்.

மேலும் தண்ணீர் பஞ்சத்தால் பாதிக்கப்பட்டுள்ள பகுதிகளை அதிகாரிகளுடன் சென்று பார்வையிட வேண்டும் என்றும் தனது அறிக்கையில் கூறியுள்ளார்.

பொதுமக்களின் தண்ணீர் தேவையை நிறைவேற்ற திமுக நாடாளுமன்ற, சட்டமன்ற உறுப்பினர்களும் தேவையான நடவடிக்கைகளை எடுக்கவேண்டும் என்றும் ஸ்டாலின் கேட்டுக் கொண்டுள்ளார்.



click here
 

 

Print

 

கேலரி
புகைப்படத்தொகுப்பு -
மேலும்...