இந்தியா வசம் இருந்த எண்ணெய் கிடங்குகளை திரும்பப்பெற இலங்கை முடிவு

இலங்கை திரிகோணமலை எண்ணெய் கிடங்கு ஒப்பந்தத்தில் இருந்து இந்தியாவை விலக்க அந்நாட்டு அரசு தீர்மானித்திருப்பதாக தகவல் வெளியாகியுள்ளது.

வடகிழக்கு இலங்கையில் உள்ள திரிகோணமலை துறைமுகத்தில் இரண்டாம் உலகப்போர் காலத்தில் பிரிட்டிஷினரால் அமைக்கப்பட்ட எண்ணெய் கிடங்குகள் உள்ளன. அவற்றில் இப்போது பயன்பாட்டில் இருக்கும் 99 எண்ணெய் கிடங்குகளை இந்தியாவின் ஐ.ஓ.சி நிறுவனம் பயன்படுத்திக்கொள்ள கடந்த 2003-இல் ஒப்பந்தம் ஆனது.

இந்நிலையில், அந்த ஒப்பந்தத்தில் இருந்து விலகி, திரிகோணமலை எண்ணெய் கிடங்கை இலங்கையே பயன்படுத்த தீர்மானித்திருப்பதாக அந்நாட்டு எரிசக்தித் துறை அமைச்சர் உதய கம்மன்பில தெரிவித்துள்ளார்.