அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 பட்னாவிஸ் துணைமுதல்வர் - பா.ஜ.க.வின் அடுத்த அதிரடி 0 அடுத்த திருப்பம்... ஷிண்டேதான் முதலமைச்சர்- பா.ஜ.க. அறிவிப்பு 0 கர்நாடக சட்டசபை தேர்தலில் பா.ஜனதாவுக்கு பின்னடைவு: ஆய்வில் தகவல் 0 ஓராண்டில் 131 கோடி முறை பெண்கள் இலவசப் பயணம்! 0 மூன்றாம் பாலினத்தவர்கள் எம்.பி.சி. பிரிவில் சேர்ப்பு! 0 கொரோனா பாதிப்பால் சிகிச்சை பெறுபவர்கள் எண்ணிக்கை 10,000-ஐ கடந்தது 0 இரட்டைத் தலைமைதான் நல்லது: எம்.ஜி.ஆர் பேரன் 0 தமிழகத்தில் 2 நாள்களுக்கு கனமழைக்கு வாய்ப்பு! 0 நடிகர் சூர்யாவிற்கு முதல்வர் ஸ்டாலின் பாராட்டு 0 மதுரையில் அடுத்த ஜிஎஸ்டி கவுன்சில் கூட்டம்! 0 உத்தவ் விலகல் - இனிப்புடன் பா.ஜ.க. கொண்டாட்டம் 0 பதவிவிலகினார் உத்தவ் தாக்கரே - மகாராஷ்டிரத்தில் திடீர் திருப்பம் 0 ராஜஸ்தானில் தையல் கடைக்காரரின் தலையைத் துண்டித்த கொலைகாரர்கள் கைது! 0 அயர்லாந்துக்கு எதிரான 2வது டி20 போட்டியில் இந்திய அணி திரில் வெற்றி! 0 நடிகை மீனாவின் கணவர் காலமானார்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

பாலியல் தொழிலாளர்களை மாண்புடன் நடத்த வேண்டும்: காவல்துறை, ஊடகங்களுக்கு நீதிபதிகள் வழிகாட்டுதல்

Posted : வெள்ளிக்கிழமை,   மே   27 , 2022  07:55:55 IST

நாடு முழுவதும் சுமார் 9 லட்சம் பாலியல் தொழிலாளர்கள் உள்ள நிலையில், அவர்கள் கோவிட் காலத்தில் கண்ட பாதிப்பு குறித்து அதற்கான நிவாரணம் வழங்க வேண்டும் என்ற மனு உச்ச நீதிமன்றத்தில் விசாரணைக்கு வந்தது.
 
உச்ச நீதிமன்ற நீதிபதி நாகேஷ்வர ராவ்,காவி, போபன்னா ஆகியோர் அமர்வு வழக்கை விசாரித்து. விசாரணையில் பல்வேறு முக்கிய உத்தரவை நீதிபதிகள் முன்வைத்துள்ளனர். அதன்படி, பாலியல் தொழிலும் ஒரு தொழில்முறைதான்(Profession). எனவே, வயது வந்தவர்கள் விருப்பத்தின் பேரில் அந்த தொழிலில் ஈடுபடும் போது அவர்கள் மீது கிரிமினல் நடவடிக்கை எடுக்கக் கூடாது.
 
பாலியல் தொழிலாளர்களை காவல்துறையினர் ரெய்டு செய்யும் போது அவர்களைக் கைது செய்வது, அபராதம் விதிப்பது போன்ற துன்புறுத்தல்களில் ஈடுபடக்கூடாது. அவர்களுக்கும் அனைத்து குடிமக்கள் போல உரிய மரியாதை, மாண்பு வழங்கப்பட வேண்டும். பொதுவாக பாலியல் தொழிலாளர்கள் மீது காவல்துறை கடுமையான, வன்முறையான போக்கை கடைப்பிடிப்பது காணப்படுகிறது. எனவே, காவல்துறையினர் பாலியல் தொழிலாளர்களை பேச்சின் மூலமாகவோ, உடல் ரீதியான தாக்குதலிலோ உட்படுத்தக்கூடாது. அதேபோல், ஊடகங்களும், பாலியல் தொழிலாளர்கள் குறித்த செய்திகளை வழங்கும் போது அவர்களின் அடையாளங்களை வெளியிடக்கூடாது.
 
மேலும் பாலியல் தொழிலாளர்களின் உடல் நலன் மற்றும் பாதுகாப்பை மத்திய, மாநில அரசுகள் தொடர்ந்து கண்காணித்து கவனித்துக்கொள்ள வேண்டும். அதேபோல் பாலியல் தொழிலாளர் தங்குமிடம் அல்லது விடுதிகளை உரிய கண்காணிப்புக்கு உட்படுத்த வேண்டும். அங்கு அவர்கள் விருப்பத்திற்கு மாறாக கட்டயாத்தின் பேரில் தங்க வைக்கப்பட்டுள்ளனரா என்பதை உறுதி செய்ய வேண்டும்.
 
பாலியல் தொழிலாளர்களிடம் இருந்து அவரது குழந்தை அவரிடம் கட்டாயமாக பிரித்து வைக்க கூடாது. பாலியல் தொழிலாளர்கள் போலவே அவர்களது குழந்தைகளுக்கும் உரிய மாண்பை வழங்க வேண்டும். மத்திய மாநில அரசுகள் பாலியல் தொழில் தொடர்பான சட்டங்களை இயற்றும் போது பாலியல் தொழிலாளர்கள் கருத்தையும் கேட்டறிய வேண்டும் என நீதிபதிகள் வழிகாட்டுதல்கள் வழங்கியுள்ளனர். இந்த பரிந்துரைகள் தொடர்பாக மத்திய அரசு தனது கருத்துகள் வழங்க வேண்டும் எனக் கூறியுள்ள நீதிமன்றம் வழக்கின் அடுத்த விசாரணையை ஜூலை 27ஆம் தேதி ஒத்திவைத்துள்ளது.
 


 

 

Print

 

கேலரி
புகைப்படத்தொகுப்பு -
மேலும்...