???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 பிரதமருக்கு அரசியல் சாசன பிரதியை அனுப்பியது காங்கிரஸ்! 0 எந்த பிரச்சினைக்கும் வன்முறை தீர்வு ஆகாது: பிரதமர் மோடி கருத்து 0 சீனாவில் கொரோனா நோய்க்கு 56 பேர் பலி! 0 தமிழகம் பட்டினி பிரதேசமாக மாறும்: வைகோ 0 பெரியார் சிலை உடைப்பு: ஒருவர் கைது 0 ஆடிட்டர் குருமூர்த்தி வீட்டில் பெட்ரோல் குண்டு வீச முயற்சி 0 திட்டமிட்டு பேசுகிறார் ரஜினிகாந்த்: ராமதாஸ் 0 காஷ்மீரில் 70 லட்சம் மக்களின் சுதந்திரம் பறிக்கப்பட்டிருக்கிறது: ப.சிதம்பரம் 0 கங்கனா ரனாவத், பி. வி. சிந்துவிற்கு விருதுகள்! 0 நூற்றுக்கு நூறு தேர்ச்சி:5,8 வகுப்பு மாணவர்களுக்கான தேர்வு பற்றி அமைச்சர் 0 போலீஸ் எஸ்.ஐ தேர்விலும் முறைகேடு புகார் 0 சென்னை புத்தகக் காட்சி: கீழடி ஆய்வறிக்கை நூல் 23 ஆயிரம் பிரதிகள் விற்பனை! 0 சிவசேனாவின் நிறமும் காவி தான்: உத்தவ் தாக்கரே 0 குரூப்-4 தேர்வில் முறைகேடு: 99 பேருக்கு வாழ்நாள் தடை 0 CAA-வை எதிர்த்து கையெழுத்து இயக்கம்: திமுக கூட்டணி அறிவிப்பு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

தமிழ்ச் சங்கமத்தில் கவிதை பாடலாம் வாருங்கள்

Posted : சனிக்கிழமை,   டிசம்பர்   27 , 2008  14:45:24 IST

கவிஞர் கனிமொழி , எம்.பி., அவர்களது முன்முயற்சியால் சென்னை சங்கமம் நிகழ்ச்சி மாநகர மக்களுக்கு இழந்த சொர்க்கத்தை , பால்ய காலத்தை , நமது கிராமத்து வாழ்வை , மரபார்ந்த உணவுப் பழக்கத்தை மீட்டெடுக்கும் விதமாக கடந்த இரண்டு ஆண்டுகளாக மக்கள் கலைவிழாவாகக் கொண்டாடப்பட்டு வருகிறது.

சென்னை சங்கமத்தின் ஒரு பெருமைமிகு அங்கமாய் விளங்கிடும் தமிழ்ச் சங்கமத்தில் தமிழில் பல்வேறு படைப்பிலக்கியப் போக்குகளை பிரதிநிதித்துவப்பட்டுத்தும் கருத்தரங்கம் , தங்களது வாழ்க்கையை மாற்றிய நூல்களைப் பற்றி தமிழின் முக்கிய ஆளுமைகள் பங்கேற்கும் உரையரங்கம் , வரலாற்றைப் படைக்கும் நாயகர்கள் இன்றையச் சூழலில் எவ்வாறு மறக்கடிக்கப்பட்டார்கள் அல்லது வளரும் தலைமுறை மறந்து போனது எவ்விதம் என்பதைப் பதிவு செய்யும் விதமாக "மறக்கப்பட்ட நாயகர்கள்" என்ற தலைப்பில் சிந்தனையரங்கமும் இடம்பெறுகின்றன.

21 ஆம் நூற்றாண்டு தமிழ்க் கவிஞர்களின் பார்வைகளை, பதிவுகளை ஆவணப்படுத்தும் கவிதைச் சங்கமம் நிகழ்வை நூற்றுக்கும் மேற்பட்ட கவிஞர்களை நாடு தழுவிய அளவில் ஒருங்கிணைத்து நவீன மற்றும் மரபு கவிதா நிகழ்வை கவிஞர் கலாப்ரியா தலைமையில் , கவிஞர்கள் எஸ்.வைத்தீஸ்வரன் , விக்ரமாதித்யன் முன்னிலையில் , கவிஞர் கனிமொழி தொடங்கிவைக்க கவிதைக்குற்றாலம் நம்மிடையே பொங்கிப் பெருக இருக்கின்றது.

தமிழ்ச் சங்கமம் 2007 இல் கவிஞர் ஞானக்கூத்தன் தலைமையில் நடைபெற்ற கவிதா நிகழ்வில் வாசிக்கப்பெற்ற கவிதைகளும் , தமிழ்ச் சங்கமம் 2008 இல் கவிஞர் கலாப்ரியா தலைமையில் கவிதைச் சங்கமத்தில் பதிவு செய்யப்பட்ட கவிதைகளும் தொகுக்கப்பெற்று நூறு பூக்கள் மலரட்டும் என்ற நூலாக இந்த ஆண்டு வெளியிடப்பட உள்ளது.

நமது தமிழ்ப் பெருங்கவிஞர்கள் வளர்த்தெடுக்க மானுடம் போற்றி மாணவ , மாணவியர் ஆர்வத்தோடு கவிதைப் படைத்திட , புதிய கவிஞர்களைப் படித்திட , இளங்கவிஞர்களைக் கண்டெடுத்து ஊக்கப்படுத்தும் நிகழ்வாக தமிழ்ச் சங்கமத்தில் 16.1.2009 வெள்ளி அன்று கவிதை பாடலாம் வாருங்கள் என்ற அனைத்துக் கல்லூரி , பல்கலைக் கழக மாணவ மாணவியருக்கான கவிதைப் போட்டி நடைபெறவுள்ளது.

இப்போட்டிக்கு கவிக்கோ அப்துல் ரகுமான் அவர்களின் தலைமையில் , பேராசிரியர் வீ.அரசு , பேராசிரியர் கவிஞர் பாரதி புத்திரன் நடுவர்களாக இருந்து தேர்வு செய்யும் கவிஞர்கள் தமிழ்ச் சங்கம அரங்கில் தங்களது கவிதைகளை வாசிக்க முதல் பரிசு ரூ.25,000/- , இரண்டாம் பரிசு ரூ.15,000 /- , மூன்றால் பரிசு ரூ.10,000/- , மேலும் பத்து கவிஞர்களுக்கு ரூ.1000/- வீதம் சிறப்பு பரிசுகளும் வழங்கப்படவிருப்பது 2009 ஆம் ஆண்டு சென்னை சங்கமத்தின் சிறப்பு நிகழ்வாகும்.

சென்னை சங்கமம் 2009 நமது நினைவுகளைத் தாலாட்டும் குடும்பக் கலைவிழாவெனக் கொண்டாடுவோம் .வாரீர் என்று தமிழ்ச் சங்கமத்தின் அமைப்பாளர் கவிஞர் இளையபாரதி அவர்கள் தெரிவித்துள்ளார்.

தொடர்பு முகவரி

தமிழ்நாடு இயல் இசை நாடக மன்றம்
31.பொன்னி , குமாரசாமி ராஜா சாலை
ராஜா அண்ணாமலை புரம்
சென்னை - 600028
தொலைபேசி எண் - 044 - 24937471 , 9840444841 ,98422 -36935

தமிழ்ச் சங்கமம் 2009 - 11 ஜனவரி முதல் 16 வரை


click here
 

 

Print

 

கேலரி
புகைப்படத்தொகுப்பு -
மேலும்...