அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 நாளை அதிமுகவின் மாநில செயற்குழு கூட்டம்! 0 கொரோனா நோய்த் தொற்று கட்டுப்பாடுகள் டிசம்பர் 15-ஆம் தேதி வரை நீட்டிப்பு! 0 இந்த ஆண்டு மட்டும் 151 விசாரணைக் கைதிகள் மரணம்! 0 “சகதியை சந்திக்காத காலில்லை என்னுடையது” - தொல்.திருமாவளவன் விளக்கம்! 0 மோகன் லால் நடிப்பில் உருவான ‘மரைக்காயர்’ படத்தின் ட்ரைலர் வெளியீடு! 0 மக்களின் பிரச்சனைகளை எழுப்பியதற்கு மன்னிப்பா? முடியவே முடியாது - ராகுல் காந்தி 0 ஒரு நத்தை ஒரு ரூபாய்: கேரளத்தில் வினோதம்! 0 கமல்ஹாசன் உடல் நிலைக் குறித்த வதந்தி: மக்கள் நீதி மய்யம் விளக்கம்! 0 மாவீரர்கள் நாள்: நினைவுச் சின்னங்கள் உடைப்பு; பத்திரிக்கையாளர் மீது தாக்குதல்! 0 உ.பிக்கு சுற்றுலா வந்த 4 வெளிநாட்டுப் பயணிகளுக்கு ஒமிக்ரான் பாதிப்பு இருப்பது உறுதி 0 தமிழக மழை வெள்ள பாதிப்பு குறித்து நாடாளுமன்றத்தில் விவாதிக்கக்கோரி டி.ஆர்.பாலு நோட்டீஸ் 0 செம்மஞ்சேரி, பெரும்பாக்கம் பகுதிகளில் மு.க.ஸ்டாலின் ஆய்வு 0 12 மணி நேரத்தில் உருவாகிறது புதிய காற்றழுத்த தாழ்வுப்பகுதி 0 வெள்ளநீரில் கால் நனையாமல் காருக்கு சென்ற திருமாவளவன்; சமூக ஊடகங்களில் எழுந்த விமர்சனம் 0 ‘ஜெய் பீம்’ படத்தின் இயக்குநருக்கு ஆதரவாக எழுத்தாளர்கள் கூட்டறிக்கை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

சோலைக்குயில் - சிற்றிதழ் அறிமுகம் 43

Posted : வியாழக்கிழமை,   ஜுலை   13 , 2006  23:22:59 IST

"உழைப்பென்னும் மாந்தர் செய்கை
உலகையே உய்யச் செய்யும்;
பிழைப்பிலே சிறப்பைச் சேர்க்கும்
பெருமையில் வாழ வைக்கும்
செழிப்புடன் குடியைக் காக்கும்
சேர்ந்தவர் துயரம் போக்கும்
எழிலுறு சொர்க்கம் தன்னை
இங்கேயே பார்க்கலாகும்"
('சோலைக்குயில்' ஜீன் 2006)
(- கவிஞர் செ.கோதண்டராமன்)

நவீனக் கவிதைக்காகவும் ஹைக்கூ கவிதைக்காகவும் தனித்தனியாகச் சிற்றிதழ்கள் வெளிவருவதைப் போல் மரபுக் கவிதைக்காகவும் பல இதழ்கள் வெளிவந்து கொண்டிருகின்றன. அத்தகைய இதழ்களில் ஒன்று, 'சோலைக்குயில்' இலக்கிய செய்தித் திங்களிதழ்.

முழுக்க முழுக்க மரபுக் கவிதைகளை மட்டுமே தாங்கி வெளிவந்து கொண்டிருக்கிறது 'சோலைக்குயில்'. இதன் ஆசிரியர், கல்லைக் கவிமுரசார். 8.8.1993 அன்று, முதல் இதழ் வெளிவந்தது. இதுவரை (ஜீன் 2006) 155 இதழ்கள் வெளிவந்துள்ளன. 8 பக்கங்களில் ஆரம்பிக்கப்பட்ட இவ்விதழின் அப்போதைய விலை 1.00 ரூபாய். தற்போது 4.00 ரூபாயில் 16 பக்கங்களில் வெளிவந்து கொண்டிருக்கிறது.

கட்சி சார்பற்ற, அரசியல் மற்றும் சமுதாயம் பற்றிய கவிதைகள் இவ்விதழின் தனிச்சிறப்பாகும். ஒவ்வொரு மாதமும் புதியக் கவிஞர்களுக்கு வாய்ப்பளிக்கப்படுகிறது. தலையங்கம் முதல் அனைத்தும் மரபுக் கவிதையிலேயே வெளிவருவது குறிப்பிடத்தக்கது.

சாலை இளந்திரையன், சுரதா, கா.வேழவேந்தன், வண்ணப்பூங்கா வாசன், அமுதபாரதி, சக்தி போன்ற பலரது கவிதைகள் இவ்விதழில் இடம் பெற்றுள்ளன.

பழைய இலக்கியங்களையும் சங்கப் பாடல்களையும் எளிய தமிழில் வெளியிடுவது, காவியத் தொடர், தமிழிÄ¢லக்கணக் குறிப்புகள், சமுதாயக் கவிதைகள் போன்றவை இவ்விதழின் உள்ளடக்கமாகும். இதழ் தொடங்கி ஓராண்டுக்குப்பிறகு ஒவ்வொரு மாதமும் அட்டையில் ஒரு கவிஞர் படம் வெளியிட்டு அவரைப் பற்றிய கவிதையும் செய்தியும் வெளியிட்டு வருகிறது. தமிழ் வளர்ச்சியும் சிந்தனை வளர்ச்சியும் இவ்விதழின் நோக்கம் என்கிறார் ஆசிரியர் கல்லைக் கவிமுரசார்.

ஆசிரியர் பற்றி:

தற்போது 69 வயதாகும் கல்லைக் கவிமுரசாரின் இயற்பெயர், மா.கலியமூர்த்தி. தலைமை ஆசிரியராகப் பணியாற்றி ஓய்வு பெற்றவர். கள்ளக்குறிச்சியில் வசித்து வருகிறார். இவரது முதல் கவிதை 1960இல் பாவேந்தர் பாரதிதாசன் நடத்திய 'குயில்' இதழில் வெளிவந்தது. 'சூரியவெளிச்சம்' எனும் இவரது முதல் கவிதை நூல் 2005இல் வெளியானது. மொத்தம் 4 நூல்கள் எழுதியுள்ளார். வானொலி நாடகங்களையும் எழுதி இயக்கி நடித்திருக்கிறார்.

மரபுக் கவிதையின் மரபைப் போற்றும் இவ்விதழின் பணி மேலும் தொடர்வது தமிழுக்கு நல்லது.

சந்தா விவரம்:

வாழ்நாள் சந்தா - 480.00
ஆண்டு சந்தா - 48.00
தனி விலை - 4.00

முகவரி:

கல்லைக் கவிமுரசார்,
தென்கீரனூர்,
கள்ளக்குறிச்சி வட்டம்,
விழுப்புரம் மாவட்டம்,
தொலைபேசி - 04151 - 220066
செல்பேசி - 9361510472

- மு. யாழினிவசந்தி

வாராவாரம் இப்பகுதியில் ஒரு சிற்றிதழை அந்திமழை அறிமுகப்படுத்துகிறது.


கல்வெட்டு பேசுகிறது
நவீன விருட்சம்
நிழல்
முகம்
உயிர்மை
புதுவிசை
கவிதாசரண்
கூட்டாஞ்சோறு
பன்முகம்
நடவு
உன்னதம்
உங்கள் நூலகம்
புதிய புத்தகம் பேசுது
கலை
காலம்
தாய்மண்
புதுகைத் தென்றல்
சமரசம்
நம் உரத்த சிந்தனை
திரை
கதை சொல்லி
புதிய பார்வை
தீராநதி
காலச்சுவடு
படப்பெட்டி
ஆயுத எழுத்து
விழிப்புணர்வு
வடக்கு வாசல்
இனிய ஹைக்கூ
உழைப்பவர் ஆயுதம்
தை , மண்மொழி
தச்சன்
அதிர்வு , குழலோசை
தமிழ் நேயம்
யாதும் ஊரே
மது மலர்
தலித்முரசு
மீண்டும் கவிக்கொண்டல்
அநிச்ச
தமிழ் பணி
வல்லினம்
நறுமுகை


click here
 

 

Print

 

கேலரி
புகைப்படத்தொகுப்பு -
மேலும்...