???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 காந்தி பிறந்த நாள்: பாலிவுட் நட்சத்திரங்களுடன் கலந்துரையாடிய பிரதமர்! 0 வங்கிகள் இணைப்புக்கு எதிர்ப்பு: நாடு தழுவிய வேலை நிறுத்தத்துக்கு அழைப்பு! 0 பணப்புழக்கம் குறைந்ததே தீபாவளி விற்பனை குறையக் காரணம்: வணிகர் சங்கம் 0 பொறுப்பு அதிகமாகியுள்ளது: டாக்டர் பட்டத்துக்குப் பின் முதலமைச்சர் பேச்சு! 0 ராமதாஸின் கேள்விகளுக்கு விடையளிக்க மு.க.ஸ்டாலின் மறுப்பது ஏன்? ஜி.கே.மணி கேள்வி 0 சென்னை: அதிகாலையில் கனமழை! 0 இடைத்தேர்தல் வாக்குப்பதிவு தொடங்கியது! 0 மகாராஷ்டிரம், ஹரியானா சட்டப்பேரவை தேர்தல்: வாக்குப்பதிவு தொடங்கியது! 0 தமிழக அமைச்சர்களை அவதூறு செய்ததாக சீமான் மீது வழக்கு! 0 பாகிஸ்தான் இராணுவம் தாக்கியதில் 2 இந்திய வீரர்கள் மரணம்! 0 இடைத்தேர்தல் பிரசாரம் ஓய்ந்தது: நாளை வாக்குப்பதிவு! 0 இன்னும் ஒரு மாதத்தில் எடப்பாடி பழனிசாமி ஆட்சி கவிழும்: மு.க.ஸ்டாலின் 0 அ.தி.மு.க. வேட்பாளர்களை வெற்றி பெற செய்தால் அரசு நிர்வாகம் மேலும் வலுவூட்டும்: அதிமுக அறிக்கை 0 தமிழகத்தில் 4 நாட்களுக்கு மழை தொடரும்: வானிலை ஆய்வு மையம் 0 பணத்தை இரட்டிப்பு செய்து தருவதாக கூறி ரூ.23 கோடி மோசடி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

உலோகம் – ஜெயமோகன் – தமிழ் த்ரில்லர்

Posted : செவ்வாய்க்கிழமை,   நவம்பர்   22 , 2011  23:47:21 IST

உலோகம் ஜெயமோகனின் த்ரில்லர் முயற்சி. சாகச எழுத்து என்ற வகையில் எழுதப்பட்டது என்கிறார். ஆங்கிலத்தில் தமிழில் த்ரில்லர் என்ற சொல்லுக்கு சரியான தமிழ் சொல் இருக்கிறதா? பரபரப்பு என்று சொல்லலாமா?

ஒரு தமிழ் இலக்கிய எழுத்தாளர் இந்த சாகச வகையில் எழுதியிருப்பதற்கு பாராட்டு. கதைக் களன் தமிழுக்கு புதியது என்று நினைக்கிறேன்.
ஈழத்தில் இருந்து இயக்கத்தை சேர்ந்த சார்லஸ் என்கிற சாந்தன் இந்தியாவில் உள்ள பொன்னம்பலத்தாரை (இவரின் பாத்திர படைப்பு வரதராஜ பெருமாளின் சாயல்) கொல்ல வேண்டும். அதை எப்படி செய்து முடிக்கிறார் என்பதே கதை.

நான் இப்போது தமிழில் எழுதும் க்ரைம், த்ரில்லர் கதைகளை படித்ததில்லை. படித்ததெல்லாம் சுஜாதா, பட்டுகோட்டை பிரபாகர், ராஜேஷ் குமார், ராஜேந்திர குமார். இந்திரா சௌந்தரராஜன் சமீபத்தில் மர்மக் கதைகள் எழுதினார்.

ஆங்கிலத்தில் நிறைய பேர் இந்த வகையில் பிரபலம். அதில் முக்கியமானவர்களை இப்போது பட்டியலிடுகிறேன்.
தொழில் சார்ந்த பரபரப்பு கதை – Scot Turrow (Presumed Innocent), John Grisham ( The Firm ), Michael Connelly ( Lincoln Lawyer), Dan Brown (Da vinci Code)
போலீஸ் பரபரப்பு கதை – Ed Mcbain (87th Precinct series), James Ellroy ( L.A. Confidential),
அமைப்பு சார்ந்த நிழல் உலக கதை – Mario Puzo (God Father)
ஒற்றன் பரபரப்பு கதை – John Le Carre (The Spy who came in from the cold), Robert Ludlum ( Bourne Identity)
சைக்கோ பரபரப்பு கதை – Thomas Harris (Red Dragon, Silence of the Lambs)
கொலையாளி சாகச கதை – Fredrick Forsyth (Day of the Jackal)
துப்பறியும் கதை - Agatha Christie (Hercule Poirot) Raymond Chandler ( Philip Marlowe) ஷெர்லாக் ஹோல்ம்ஸ் இதன் பிதாமகன்.
எல்லாவற்றிற்கும் பொது கொலை, மிரட்டல், வன்முறை. உள்நோக்கம் பணம், செக்ஸ், பலம் என்று ஆரம்பித்து பின் எந்த உள்நோக்கமும் இல்லாமல் கொலை செய்வது போன்ற கதைகளும் வந்துள்ளன. சமீபத்தில் கவனத்திற்கு வந்த ரஷ்யாவின் Chessboard killerன் நோக்கம் . செஸ் போர்டின் 64 சதுரத்தின் எண்ணிற்கு கொலை செய்வதா, அல்லது அவனுக்கு முன்னால் 53 கொலை செய்த இன்னொருவனின் சாதனையை முறியடிப்பதா? தெரியவில்லை. மொத்தம் 61 கொலைகள் செய்ததாக சொல்கிறான். ஆனால் போலீஸ் இதுவரை கண்டுபிடித்தது 51 கொலைகள் தான்.

சாகசக் கதைக்கு வருவோம்.ஆச்சர்யம் 100 Best Crime Novels பட்டியலில் Crime and Punishment, The Name of the Rose இலக்கிய நாவல்கள் இருப்பது. த்ரில்லர் என்று தனி பட்டியலை பார்த்ததில்லை.
செப்டம்பர் பதினோன்றுக்கு பிறகு தீவிரவாதம் சார்ந்த கதைகள், படங்கள் வந்துள்ளன. பெரும்பாலும் intelligence agency தொடர்பான கதைகள்.
ஜெயமோகனின் நாவல் கொலையாளி சார்ந்த கதை. Day of the Jackal போல... அந்த நாவலின் பலம் விவரங்கள்.பணத்திற்காக கொலையாளி பிரெஞ்சு ஜனாதிபதி Charles De Gaulleயை கொலை செய்ய முயற்சிக்கிறான். கொலையாளியை பிடிப்பதற்கு ஒரு போலீஸ் அதிகாரி எப்படி அணுஅணுவாக நகர்கிறார் என்பதையும் அதற்காக அவர் படும் பாட்டையும் படித்தால் யாரும் போலீஸ் வேலைக்கு போக மாட்டர்கள். கொலையாளியின் திட்டமிடுதலையும், போலீசின் வேலையையும் அவர்கள் தொழிலின் சின்ன சின்ன விவரங்களை நுணுக்கமாக விவரிப்பதும் கதையின் பலம்.

உலோகம் நாவலின் பின்புலம் தற்கால தீவிரவாதம். காட்டி கொடுப்பது, அதை தொடர்ந்து வரும் சந்தேகம் தான் சுவாரசியத்தை கொடுக்கிறது. ஆனால் ஆங்கில த்ரில்லர்கள் படிக்க இவ்வளவு பூடகமாக இருப்பதில்லை. கடைசி அத்தியாயத்திலாவது எல்லாவற்றையும் சொல்லி விடுவார்கள். இதில் திரும்ப படித்து அந்த காட்டி கொடுத்த சங்கதிகளை புரிந்து கொள்ள வேண்டிருக்கிறது. சுவாரசியத்திற்கு இது தடை தான்.

ராவின் ஆட்கள் கொலையாளியை சித்திரவதைக்கு பின் விடாமல் இருந்திருந்தால் கொலை நடந்திருக்காது. அதுவும் கொலையாளி தன்னை இயக்கத்தின் ஆள், போன்னம்பலத்தாரை கொல்ல தான் வந்திருக்கிறேன் என்று ஒத்து கொண்ட பிறகும் ரா ஏன் அவரை விட வேண்டும்? அன்றே அவன் அவரை வீட்டில் கொல்கிறான். இது ராவின் டபுள் கேம் என்றால் அதை முடிவில் சொல்லவில்லை. ராவின் ஆட்கள் அறையில் சோதனையின் போது செல் போனை எடுக்காமல் வெறும் துப்பாக்கியை மட்டும் எடுப்பதும் நம்புகிற மாதிரி இல்லை. ஒரு உளவாளி அமைப்பு (ரா) ஒரு அறையின் மறைவான இடங்களை தேடாமல் விட்டிருக்குமா? (செல் போனை toiletல் மறைக்கிறான்)

நான் இந்த மாதிரி கதைகளில் எதிர்பார்ப்பது சுவாரசியம் மற்றும் புதிர் (pace and suspense), கூர்மையான வசனங்கள் (நகைச்சுவை இருந்தால் இன்னும் விசேஷம். நகைச்சுவை என்றால் செக்ஸ் ஜோக் அல்ல), நம்பகத்தன்மை மற்றும் கொஞ்சம் நிழலான தார்மீக குழப்பங்கள்.
உலோகத்தில் விவரங்கள் உள்ளது. சுவாரசியம் பரவயில்லை. வசனம் எதிர்பார்த்த அளவில் இல்லை( கொஞ்சம் ஆச்சர்யம் தான். ஏழாம் உலகத்தில் கூட எள்ளல், நகைச்சுவை உள்ளது- பனிவிழும் மலர்வனம் ஞாபகம் இருக்கிறதா?) .நம்பும் படி இருக்கிறது (நான் மேலே சொன்னதை தவிர்த்து) தார்மீக குழப்பங்கள் இருப்பதாக தெரியவில்லை. எந்த வித தார்மீக குழப்பங்கள் இல்லாமல் ஒருவன் ஆயுதமாக இருப்பது தான் கதை என்று முன்னுரையில் தெரிகிறது. த்ரில்லர்க்கு முன்னுரையே கொஞ்சம் ஆச்சர்யம் தான்.

அதற்காக இதை நாம் மற்ற தமிழ் க்ரைம் நாவலோடு ஒப்பிடமுடியாது. நான் படித்த நிறைய கதைகளில் பலர் ஆங்கிலம் பேசுவார்கள், முக்கியமானவர்கள் அழகாக இருப்பார்கள், பொதுவாக திறமைசாலிகள். எல்லாம்-என்னால்-முடியும் என்கிற மனப்போக்கு. அஞ்சு பக்கத்திற்கு ஒரு முறை யாராவது காணாமல் போய் விடுவார்கள், கூடவே மூச்சிரைத்து கொண்டு ஓடி வர வேண்டும், செக்ஸ் ஜோக்கு சொல்ல வேண்டும்.கொஞ்சம் செக்ஸ். அப்புறம் அவ்வப்போது கொலை.

உலோகத்தின் பலம் இதை எல்லாம் தவிர்த்ததே. தமிழில் நல்ல ஒரு சாகச கதை.

வரவேற்று மேலும் எதிர்பார்க்கிறேன்
(பி.கு சாகச கதையாக மட்டும் நாவலை பார்த்ததால் எழுந்த பார்வை இது. ஒரு சராசரி வாசகனின் பார்வையும் கூட)
வெளியிடு: கிழக்குபதிப்பகம்.டிசம்பர், 2010.

- ஜி.நடராசன்


click here
 

 

Print

 

கேலரி
புகைப்படத்தொகுப்பு -
மேலும்...