அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 தமிழகத்தில் தினசரி கொரோனா பாதிப்பு 12 ஆயிரத்தை தாண்டியது 0 2020-ல் இந்தியாவின் வறுமை இரட்டிப்பானது, கொரோனா 2-ம் அலையால் இன்னும் மோசமாகும்: ஆய்வில் தகவல் 0 நாட்டு மக்களுக்கோ பேரழிவு, மோடியின் நண்பர்களுக்கோ கொண்டாட்டம்: ராகுல் காந்தி 0 புதுச்சேரியில் நாளை முதல் 3 நாட்களுக்கு முழு ஊரடங்கு 0 ஆடம்பர காரை விற்று கொரோனா நோயாளிகளுக்கு ஆக்ஸிஜன் சப்ளை: நெகிழ வைக்கும் ‘ஆக்ஸிஜன் மனிதன்’! 0 தூத்துக்குடி துப்பாக்கிச் சூடு குறித்து ஆதாரம் இல்லை: ரஜினிகாந்த் 0 வாக்குப்பதிவு இயந்திரங்கள் உள்ள அறையில் பழுதான சிசிடிவி கேமரா! 0 தடுப்பூசி விற்பனையில் தனித்தனியாக விலை நிர்ணயம் செய்கிறதா சீரம் நிறுவனம்? 0 இந்தியாவில் புதிய உச்சம்: 3 லட்சத்தை கடந்த ஒருநாள் கொரோனா பாதிப்பு 0 மக்கள் உயிரிழக்கும்போது ஆக்சிஜன், தடுப்பூசிகளை ஏற்றுமதி செய்வது குற்றச்செயல் - ராகுல்காந்தி விமர்சனம் 0 கொரோனா தடுப்பூசி இலவசமாக போடப்படும் : கேரளா உள்ளிட்ட 4 மாநிலங்கள் அறிவிப்பு 0 மேற்குவங்கத்தில் இன்று 6ஆம் கட்ட வாக்குப்பதிவு 0 ஹாட்ரிக் வெற்றியைப் பதிவு செய்த சென்னை சூப்பர் கிங்ஸ்! 0 சீன கப்பலை வெளியேற்றிய இலங்கை! 0 சீதாராம் யெச்சூரியின் மகன் கொரோனா பாதிப்பால் உயிரிழப்பு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

எல்லோரும் ஒன்றுதானா? - º¡.கந்தசாமியின் எழுத்தோவியம்

Posted : புதன்கிழமை,   மார்ச்   01 , 2006  08:49:21 IST

எல்லோரும் ஒன்று என்பது உண்மைதானா?

இல்லை என்பது இன்னொரு உண்மை.

எல்லோரும் ஒன்று என்பது ஒரு தத்துவம். கொள்கை. இலட்சியம். இல்லாததை அடைவதற்காகச் சொல்வது. எல்லோரும் ஒன்று என்று சொல்லும்போதே- அதன் கூட இருப்பது எல்லோரும் ஒன்றில்லை என்பதுதான்.

மனிதர்கள் என்ற அளவில் ஒன்றாக இருக்கும் மனிதர்கள் ஒரே மனிதர்கள் இல்லை. கூட்டமான மனிதர்கள், தனிப்பட்ட முறையில் வித்தியாசமானவர்கள். அதாவது ஒன்றுபோல் இருந்தாலும் ஒன்று இல்லாதவர்கள். நெடுங்காலமாக மனிதர்கள் அப்படித்தான் இருந்து வருகிறார்கள். ஒவ்வொரு மனிதர்களுக்கும் இடையில் உள்ள வித்தியாசம் கூர்மையானது. தனித்தன்மை பெற்றது. மாற்றவோ-சிதைக்கவோ முடியாது.

ஆனால், மனிதர்கள் எல்லோரும் ஒன்று என்று சொல்லும் தத்துவாதிகள் மனிதர்களுக்கு இடையில் உள்ள வித்தியாசத்தை மறைத்துவிட்டு- மேலோட்டமாக இருக்கும் பொதுத்தன்மைகளை முன்னிலைப்படுத்துகிறார்கள். திருõப திருõப அதையே சொல்லி மனிதர்கள் எல்லோரும் ஒன்று என ஸ்தாபிக்கப் பார்க்கிறார்கள்.

மனித சரித்திரத்தில்-மனிதன் ஒன்றுதான் என்பதை ஸ்தாபிக்க சக்கரவர்த்திகள் ஒரே நாட்டை உண்டாக்கப்பார்த்தார்கள். அதற்காகப் பக்கத்து நாடுகளை வென்று ஒரே நாட்டை அமைத்தார்கள். ஒரே சட்டம், ஒரே நீதி என்றார்கள். ஆனால் அது நெடுங்காலத்¾¢ற்கு நீடிக்கவில்லை. தனிப்பட்ட மனிதர்கள் தங்களுக்குள் இருந்த தனிப்பட்ட தன்மையால் ஒரே ஆட்சி, ஒரே நாடு- என்È கோட்பாட்டைத் தகர்த்துவிட்டார்கள்.

சமய சான்§È¡ர்கள்- மனிதர்களுக்கு இவ்வுலகில் மனநிம்மதியும், இறந்தபிறகு சொர்க்கலோகமும் தரும் கோட்பாடுகளைப் பரப்பினார்கள். அதற்கு நிறுவனங்கள்-ஆலயங்கள், சடங்குகள், சம்பிரதாயங்கள் எனப் பலவற்றை ஸ்தாபித்தார்கள். ஒரே கோட்பாடு, ஒரே வழிபாடு என்பது தனிப்பட்ட மனிதனுக்குத் திருப்தி தரவில்லை. எனவே ஒரு சமயத்தில் இருந்து பிரிந்து போய் இன்னொரு சமயத்தை நிறுவினார்கள். மனிதன் எல்லாம் ஒன்று இல்லை. ஒரே வழி என்பது மனிதனுக்கு உவப்பானதில்லை என்பதை சமயம் தன்னÇவில் நன்கு நிலைநாட்டி உள்ளது.

அப்புறம் சமத்துவம், சகோதரத்துவம் என்ற கோட்பாடுகள். அதுவும் மனிதன் ஒன்று இல்லை என்பதை ஒவ்வொரு தலைமுறையிலும் நிலை நிறுத்திக் கொண்டே வருகிறது.

சாதாரணமாகக் கூட்டமாக இருக்கும் மனிதன் தனிமனிதனாக இருக்க ஆசைப்படுகிறான். தனியாக இருக்கும் மனிதன் கூட்டத்தில் சேர்ந்து கொள்ள விரும்புகிறான். ஒவ்வொரு தலைமுறையிலும் இந்த முயற்சி வேறு வேறு பெயர்களில் நடைபெறுகிறது. ஆனால் அதன் வழியாக நடைபெறும் காரியம் சொல்வது மனிதன் ஒன்று இல்லை. ஒவ்வொரு மனிதனும் புதிர். அதுவகையில் மனிதன் என்பதை பற்றி சொல்லப்பட்டு இருப்பதை ஒவ்வொரு மனிதனும் தன்னளவில் நிராகரித்து வருகிறான்.

ஒரே மனிதன் தன் அளவில் குடும்பத்திற்கும், சமூகத்திற்கும் விடுவிக்கும் செய்தி நான் மனிதன். அதாவது, தனி மனிதன் என்னை எதன் உள்ளேயும் அடக்க முடியாது. சந்தர்ப்ப சூழ்நிலைகள் காரணமாக அடங்கி ஒடுங்கி இருப்பது போல பாÅனைக் காட்டினாலும்- உண்மையில் அடங்கி இருப்பதில்லை. சந்தர்ப்பம் கிடைக்கும் போது வெளியே ஓடுகிறவன்தான் மனிதன். அதற்கு இதுவரையில் உள்ள சரித்திரமே ஆதாரமாக உள்ளது. அதை மூடிமறைத்¾¢டு எல்லோரும் ஒன்று என்பது உண்மை இல்லாதது என்பதை பேசுவதே சமூகக் குற்றம் போல் ஸ்தாபிக்கப்பட்டுள்ளது. ஏனெனில் எது உண்மையோ-அது ஜீரணிக்க முடியாமல் இருக்கிறது. எனவே போலியான பேச்சுì¸û; போலியான அலங்காரம்; போலியான உபசாரம்- சமூகப் பண்பாக மாறி உள்ளது.

எல்லோரும் ஒன்றில்லை என்பதை போலியான பண்பு, போலியான நடவடிக்கைகள் தினந்தினம் நிலை நிறுத்துகின்றன. ஒன்றில்லாத மனிதன் தன்னுமை தனித்திறமையால் அதை பொருட்படுத்தாமல்-நான் அதில் இல்லை என்பதை நிலை நிறுத்திக் கொண்டு வருகிறான்.

யாரும்-யாருக்கும் இணையில்லை.

சேர்ந்து வாழ்கிறோம் என்பதால் எல்லோரும் ஒன்று இல்லை. தனித்தனியானவர்கள் சமூக நலம்-சொந்த நலம் கருதி கூடி வாழ்கிறோம். கூட்டமான வாழ்க்கை- மனிதன் தனியாவன் என்பதை திண்ணமாக நிலை நிறுத்தி உள்ளது.

தனி மனிதன், தனித்திறமை என்பது ஒவ்வொரு செயலிலும், நடவடிக்கையிலும்தான் தனிப்பட்டவன் என்பதை நிலை நிறுத்துவதுதான்.

ஒரே காலத்தில் வாழ்ந்த புத்தரும் மகாவீரரும் ஒன்று இல்லை. மகாத்மா காந்தியும் நேருவும் வித்தியாசப்பட்டவர்கள். பாரதியும் பாரதிதாசனும் வெவ்வேறுவிதமான கவிஞர்கள். அவ்வளவு ஏன்? அண்ணனும் தம்பியும் ஒன்றில்லை. சகோதரிகளும் அப்படியே.

அது தனிப்பட்ட மனிதர்களில் இருந்து சமயம், கட்சி, அரசியல் கோட்பாடுகள் என்று எல்லாவற்றிலும் நிலை கொண்டுள்ளது. ஆனால் அடிப்படையில் அது தரும் செய்தி ஒன்றுதான். அதாவது மனிதர்கள் தனித்தனியானவர்கள். ஆனால் கூட்டமாகச் சேர்ந்து வாழக் கூடியவர்கள். ஒன்று போல் இருந்தாலும் ஒன்றாக இல்லாதவர்கள். நெடுங்காலமாக தனித்தனியாக தனித்து வாழ்க்கிறார்கள்.

மனிதர்கள் எல்லோரும் ஒன்று இல்லை- என்Ú சொல்வது சிரமமாக இருந்தாலும் அது மெய்- அதாவது உண்மை.

சாகித்ய அகதமி விருது பெற்ற சா.கந்தசாமி தமிழ் இலக்கியத்தில் குறிப்பிடத்தக்கவர்.அந்திமழைக்கென்று சா.கந்தசாமி எழுதும் பிரத்தியேக கட்டுரைகள் வாராவாரம் செவ்வாயன்று வெளிவரும்.
அவரைப் பற்றி மேலும் தெரிந்து கொள்ள...
Profile
Article 1, Article 2,Article 3,Article 4 ,Article 5,Article 6, Article 7 ,Article 8, Article 9, Article 10 ,Article 11


click here
 

 

Print

 

கேலரி
புகைப்படத்தொகுப்பு -
மேலும்...