???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 ஆர்.கே.நகர் இடைத்தேர்தல் பண பட்டுவாடா விவகாரம்: சிபிஐ விசாரிக்க ஸ்டாலின் வலியுறுத்தல் 0 போதையில் வாகனம் ஓட்டி விபத்து: நடிகர் ஜெய் கைது! 0 இரட்டை இலையை மீட்க தமிழக அமைச்சர்கள் டெல்லி விரைவு 0 கிரிக்கெட் வாரியத்துக்கு உச்சநீதிமன்றம் எச்சரிக்கை 0 பெண்களுக்கு 33% இடஒதுக்கீடு:சோனியாகாந்தி பிரதமருக்கு கடிதம் 0 மாநில அரசுகளுக்கு சுயாட்சி தேவை: பினராயி விஜயன் 0 சமூக நீதிக்கு பெரும் தீங்கு உருவாகியுள்ளது: ஸ்டாலின் பேச்சு 0 கமல் அழைத்தாலும் இணைய மாட்டேன்: குஷ்பு 0 அரசு பள்ளிகளில் யோகா வகுப்புகள்: முதலமைச்சர் அறிவிப்பு 0 தமிழக விவசாயிகளின் நலன்களை காவு கொடுக்க மத்திய அரசு தயாராகி விட்டது: மு.க.ஸ்டாலின் குற்றச்சாட்டு 0 பண மோசடி வழக்கு : செந்தில் பாலாஜி முன் ஜாமீன் கோரி மனு 0 முல்லைப் பெரியாறு அணைப் பிரச்சனைக்கு பேச்சுவார்த்தையின் மூலம் தீர்வு : கேரளா முதல்வர் பேட்டி 0 அனைத்துப் பள்ளிகளிலும் யோகா வகுப்புகள்:முதல்வர் அறிவிப்பு 0 இந்தியா மீது அணு ஆயுத தாக்குதல்:பாகிஸ்தான் பிரதமர் மிரட்டல்! 0 கீழடியில் நான்காம் கட்ட அகழாய்வு: தொல்லியல் துறைக்கு உச்சநீதிமன்றம் உத்தரவு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

டாக்டர் கிருஷ்ணசாமி மீது சீமான் கடும் தாக்கு.

Posted : புதன்கிழமை,   செப்டம்பர்   06 , 2017  07:01:57 IST

நீட் தேர்வுக்கு ஆதரவாகத் தொடர்ந்து கருத்துத் தெரிவித்துவரும் கிருஷ்ணசாமிக்கு நாம் தமிழகர் கட்சி ஒருங்கிணைப்பாளர் சீமான் கண்டம் தெரிவித்துள்ளார்.

 

நாம் தமிழர் கட்சியின் தலைமை ஒருங்கிணைப்பாளரான சீமான், கிருஷ்ணசாமியின் கருத்துக்கு கடும் கண்டனம் தெரிவித்துள்ளார்.

 

மக்களின் உணர்வுகள் என்ன என்பதை கிருஷ்ணசாமி போன்றவர்கள் புரிந்து கொள்ள வேண்டும். மத்தியிலும் மாநிலத்திலும் உள்ள தலைவர்கள் நீட் தேர்வில் தாங்கள் செய்த தவறுகளை மறைக்கவே பார்க்கிறார்கள். ஜல்லிக்கட்டுக்கு மத்திய அரசு தடை விதித்த போது அதனை ஆதரித்தார். அதே போல மீத்தேன் எரிவாயு திட்டம், நீட் தேர்வு உள்ளிட்ட தமிழர்களை பாதிக்கும் அனைத்து வி‌ஷயங்களில் அவர் பா.ஜனதா பக்கமே நின்று கொண்டிருக்கிறார். இப்படித் தமிழர் நலனுக்கு எதிராக கிருஷ்ணசாமி செயல்படுவது கண்டிக்கத்தக்கது. சுயநலத்தையே தன் நலமாக கொண்டிருப்பவர் அவர். முன்னாள் எம்.எல்.ஏ. பாலபாரதி சமூக அக்கரையோடு மக்கள் நல பணியாற்றி வருபவர் அவரை பார்த்து, அந்தப் பொம்பளய எனக்குத் தெரியாது என்று கூறியுள்ளார். கிருஷ்ணசாமியால் மட்டும்தான் இப்படியெல்லாம் பேச முடியும்.

 

அவரது குடும்பத்தினர் அனைவருமே டாக்டர்களாகி விட்டனர். எந்த நீட் தேர்வை எழுதி அவர்கள் தேர்வானார்கள். அ.தி.மு.க., தி.மு.க. ஆகிய கட்சிகளின் தயவால் எம்.எல்.ஏ.வான அவர் இன்று அந்த கட்சிகளை ஒழிக்க வேண்டும் என்று கூறுகிறார். இன்று நீட் தேர்வுக்கு எதிராக நடக்கும் போராட்டம் கிருஷ்ணசாமியின் பேரப் பிள்ளைகளுக்கும் சேர்த்துதான் என்பதை அவர் உணர வேண்டும். மரணத்தில் கூட மனதளவில் பாதிக்கப்படாதவர்கள் எப்படி மனிதர்களாக இருக்க முடியும்.

 

நீட் தேர்வுக்கு எதிராக மருத்துவ மாணவர்களைவிட கலைக்கல்லூரி மாணவர்கள் இன்று அதிக அளவில் போராட்டத்தில் குதித்துள்ளனர். இதனை மத்திய மாநில அரசுகள் கண்டு கொள்ளாமல் கடந்து சென்று விடக்கூடாது. தமிழக அரசு தனது பொறுப்பை உணர்ந்து இந்த வி‌ஷயத்தில் அக்கறையோடு செயல்பட வேண்டும். இல்லையென்றால் மாணவர்கள் புரட்சிப் போராட்டம் அரசை வீழ்த்தும் வகையில் கூட செல்லும். போராட்டக் களத்தில் இருக்கும் மாணவர்களுக்கு நாம் தமிழர் கட்சி வாழ்த்துக்களை தெரிவித்துக் கொள்கிறது.

 

இவ்வாறு சீமான் தனது அறிக்கையில் கூறியுள்ளார்.



click here
 

 

Print

 

கேலரி
புகைப்படத்தொகுப்பு -
மேலும்...