???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சபரிமலை கோயில் நடை இன்று திறப்பு! 0 கொலை வழக்கில் சாமியார் ராம்பாலுக்கு ஆயுள் தண்டனை விதிப்பு 0 இந்தியாவின் "ரா" உளவு அமைப்பு என்னை கொலை செய்ய சதி: இலங்கை அதிபர் குற்றச்சாட்டு 0 சபரிமலை செல்பவர்களுக்கு முழு பாதுகாப்பு அளிக்கப்படும்: பினராயி விஜயன் உறுதி 0 குட்கா வழக்கு: 3 பேரின் ஜாமின் மனுவை தள்ளுபடி 0 பகத்சிங் பிறந்த நாளை கொண்டாடியதற்காக கல்லூரி மாணவி சஸ்பெண்ட் 0 ஆன்லைன் பட்டாசு விற்பனைக்கு உயர் நீதிமன்றம் தடை 0 பிரதமரின் இதயத்தில் ஏழைகளுக்கு இடமில்லை: ராகுல் குற்றச்சாட்டு 0 அசாமில் போலி என்கவுண்டர்: ராணுவ மேஜர் ஜெனரலுக்கு ஆயுள் தண்டனை! 0 #MeToo புகார் கூறிய பெண் பத்திரிகையாளர் மீது எம்.ஜே. அக்பர் மானநஷ்ட வழக்கு 0 #Metoo எதிரொலி : பெண் எஸ்.பி பாலியல் புகார் குறித்து விபரம் கேட்கும் பிரதமர் அலுவலகம் 0 கலைஞர் கருணாநிதி சிலையை திறக்க சோனியாவிற்கு அழைப்பு 0 வைரமுத்து மீது ஏன் நடவடிக்கை எடுக்க தயங்குகிறார்கள்: திலகவதி கேள்வி 0 பாலியல் துன்புறுத்தல் திரைத்துறையில் மட்டுமல்ல, எல்லா துறைகளிலும் இருக்கிறது: கமல் 0 நியாய விலை கடை ஊழியர்கள் இன்றுமுதல் வேலைநிறுத்தம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

சவரக்கத்தி: நெஞ்சை இடிக்கிற ஒரு பகலின் சிம்பனி!

Posted : திங்கட்கிழமை,   பிப்ரவரி   12 , 2018  04:48:50 IST


Andhimazhai Image

 

 

 

 

 

 

 

 

 

நாம், அன்று என்றோ துவங்கிய கதை வசனத்திலேயே பாய் போட்டு படுத்துவிட்டதால் இன்னும் திரைக்கதை வசமாகவில்லை. அதன் பல்வேறு சாத்தியக் கூறுகள் பரிசோதிக்கப்படவில்லை. ஒரு ஊர்ல ஒரு அப்பா அம்மா இருந்தாங்களாம் என்று துவங்கி சொல்கிறவனின் சௌகர்யத்துக்கு மட்டுமாக வளைந்து கொடுக்கிற கதை பாணி சினிமாவை தேங்க வைக்கிற திருப்பணியை செவ்வனே ஆற்றிக் கொண்டிருக்கிறது. விதிவிலக்குகளில் முக்கியமானவர் மிஷ்கின். அதிலும் இந்தப் படம் எந்த பீடிகைகளும் இல்லாமல் ரண களத்துடன் துவங்கி விடுகிறது. இதைச் சொல்லாமல் முடியாது என்பதால் சொல்லுகிறேன். எல்லாம் தெரிந்த பல சினிமா வல்லுனர்கள் இங்கேயே உச்சுக்கொட்டி விடுவார்கள். ஆனால் படம் உறுதியான திரைக்கதையுடன் மேற்செல்லுகிறது.

 

மத்திய தர வர்க்கத்தின் உதார் புருஷன் ஒருத்தன் மண்டையில் மசாலாவே இல்லாத ஒரு முரட்டு ரவுடியை அகஸ்மாத்தாய் அடித்து வாயில் வெத்தலப் பாக்கு போட்டு விடுகிறான். ரவுடி தனது குழுவினருடன் அவனை அன்று முழுவதும் தேடுவதுதான் கதை சுருக்கம். தபால் தலையில் ஒன் லைனை எழுதிவிடலாம் என்பதால் அதைச் சொல்வதில் பாதகமில்லை. உள் மடிப்புகளாய் சில விஷயங்களும் உள்ளன. இந்தப் பொடிக் கதையில் விரிகிற உணர்வுகளைத்தான் நான் சிபாரிசு செய்ய விரும்புவேன். அந்த உணர்வுகளைக் கூட தருணங்கள் வைத்து சரியான இருக்கையில் அமர்த்தி மரியாதை செய்திருக்கிறார்கள்.

 

ராம் மிகையான மனிதர். கொஞ்சம் கட்டுப்பாடு இருந்திருக்கலாம். அந்த கதாபாத்திரத்தில் கூட அமைதி கூடியிருக்கிற சந்தர்ப்பம் அமையாதது யாருடைய தவறென்று தெரியவில்லை. ஆனால் மிகையாயினும் பூர்ணா ஈர்ப்புதான். முகத்திலேயே கர்ப்பிணிக் களை  இருந்தது. காது கேளாதவரின் அசட்டை இருந்தது. இதை எல்லாம் விடுங்கள், படத்தில் அவ்வப்போது வந்தவாறு இருக்கிற ஒவ்வொரு முகமும் வாழ்வைப் பற்றின ஒரு குட்டிக் கோட்டோவியம்தான். எனக்கு பெத்தப்பாவையும், குழுவின் மூளையாக இருந்து அடி வாங்குகிற ஒரு அல்லக்கையையும் மறக்கவே முடியவில்லை. ஷாஜியின் பைத்தியம் நாம் face book, whatsapp  இல் பத்து நிமிடம் இருந்து விட்டால் வந்து விடுவதுதான்.   

 

இயக்குனர் ஆதித்யா. அவரது எளிமையான ஆக்கத்திற்கு ஒளிப்பதிவாளர் முதல் அத்தனை பேரும் துணை நின்றிருக்கிறார்கள். அரோல் கரோலி அடுத்த படிக்கு ஏறி விட்டார் என்பதை பார்க்க முடியும். தமிழச்சி தங்கபாண்டியன் அவர்களால் மிஷ்கினின் மனதை கண்டுபிடிக்க முடிந்திருக்கிறது. நல்ல ஒரு பாட்டை ஊறும் அன்பு வைத்து எழுதி இருக்கிறார்.

 

படத்தின் எழுத்து மிஷ்கின். ஒரு பாட்டை எழுதி பாடவும் செய்திருக்கிறார். இதிலெல்லாம் அவர் தனது சாதனைகளை தானே முறியடிப்பார் என்பதில் எந்த ஐயமும் இல்லை. ஆனால் மூளையில்லாமல் அழிச்சாட்டியம் செய்கிற ஒரு முட்டாள் ரவுடியை திரையில் கொண்டு வந்திருக்கிறார் பாருங்கள், அது இங்கே இருக்கிற ஒருத்தராலும் முடியாது. இது என்னய்யா இது, பத்தாயிரம் பேர் ரவுடியா வந்ததில்லையா என்றால்- ஆமாம், வந்திருக்கிறார்கள்- இவரைப் போல முடியாது என்கிறேன்.

 

ஏனெனில் மிஷ்கின் செய்து போட்டு விட்ட ரவுடியின் முகத்தில் ஒரு குழந்தை இருந்தான், அது யாருக்கு கை வசமாகும் ?

 

- மணி.எம்.கே.மணி -



click here
 

 

Print

 

கேலரி
புகைப்படத்தொகுப்பு -
மேலும்...