அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 என்னை அன்பால் மாற்றியவர் என் மனைவி: ரஜினி 0 பழனி முருகனுக்கு 16 ஆண்டுகளுக்கு பிறகு கும்பாபிஷேகம்! 0 சாதனையாளர்களுக்கு விருது வழங்கினார் முதலமைச்சர் மு.க.ஸ்டாலின்! 0 தேசியக் கொடியை ஏற்றினார் ஆளுநர் ஆர். என்.ரவி! 0 கொடியேற்றிய முதலமைச்சர்; விழாவை புறக்கணித்த முதல்வர்: தெலங்கானாவில் பரபரப்பு! 0 கொலிஜியத்தில் ஒன்றிய அரசின் பிரதிநிதிகள் வேண்டும்: சட்ட அமைச்சர் கடிதம் 0 “ஒன்று கூடுவோம் ஸ்டாலின்.. தமிழ்நாடு வாழ்க”: ட்வீட் செய்த கமல்ஹாசன்! 0 குட்கா, பான் மசாலா புகையிலை பொருட்களுக்கு நிரந்தர தடை விதிக்க முடியாது: நீதிமன்றம் உத்தரவு! 0 இருளர் பழங்குடி செயல்பாட்டாளர்களுக்கு பத்ம விருதுகள்! 0 ஜெயலலிதா பயன்படுத்திய பொருட்கள் ஏலம்: நீதிமன்றம் அதிரடி உத்தரவு! 0 நாஞ்சில் சம்பத் மருத்துவமனையில் அனுமதி 0 ஆளுநரின் தேநீர் விருந்து: ஒட்டுமொத்தமாக புறக்கணித்த திமுக கூட்டணி கட்சிகள் 0 தமிழ்நாட்டில் ஆர்.எஸ்.எஸ் அணிவகுப்பு விவகாரம்: தீர்ப்பு தள்ளிவைப்பு 0 "வீட்டை முற்றுகையிடுவோம்": தாமரைக்கு எதிராக ஜல்லிக்கட்டு அமைப்பு 0 மருத்துவம் தொடர்பான சர்ச்சை கருத்துகள்: சித்த மருத்துவர் ஷர்மிகாவிடம் விசாரணை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

சர்தார்: திரைவிமர்சனம்!

Posted : வெள்ளிக்கிழமை,   அக்டோபர்   21 , 2022  19:33:00 IST


Andhimazhai Image

தமிழக காவல்துறையில் இன்ஸ்பெக்டராக இருக்கும் விஜய்பிரகாஷ் (கார்த்தி) எந்த வழக்காக இருந்தாலும் திறம்பட முடித்துக்கொடுப்பதுடன், அதன் மூலம் தன்னை பிரபல்யப்படுத்திக் கொள்பவர். அப்படி எதிர்பாராத விதமாக ஒரு வழக்கைக் கையில் எடுக்கிறார். யாரோ ஒருவர் உளவுத்துறையின் முக்கிய கோப்பு ஒன்றை திருடிச் செல்கிறார். அந்த ஆவணம் யாரைப் பற்றியது? எதற்காக இந்தத் திருட்டு என்கிற கேள்விகளோடு கதை துவங்குகிறது.

 
1988 ஆம் ஆண்டு வங்கதேசத்தில் வைத்து இந்திய பாதுகாப்பு ஆலோசகரை உளவுத் துறையின் உளவாளியான சர்தார் (கார்த்தி) சுட்டுக்கொல்கிறார். இதனால், சர்தார் இந்திய அரசுக்கு துரோகம் இழைத்துவிட்டதாக அறிவிக்கப்படுகிறது. அதன் பின், சர்தார் இந்தியாவிற்குள் வராமல் தானாகவே ஒரு பிரச்னையில் சிக்கிக்கொண்டு சிறைக்குச் செல்கிறார். பின், 32 ஆண்டுகள் கழித்து அங்கிருந்து தப்பிக்கிறார்.

 
ஏன் இத்தனை ஆண்டுகள் கழித்து சர்தார் தப்பிக்க வேண்டும்? விஜய்பிரகாஷ் தேடிச்செல்லும் நபர் யார் என்பதே படத்தின் மீதிக் கதை.

 
தண்ணீர் பற்றிய விழிப்புணர்வை ஏற்படுத்தும் படமாக சர்தார் இருந்தாலும், படத்தில் வரும் சில கிளைக்கதைகளை இயக்குநர் மித்ரன் தவிர்த்திருக்கலாம். உற்சாகத்தை ஏற்படுத்த வேண்டிய காதல் காட்சிகள் பயங்கர சொதப்பல். இதனாலேயே ராசி கண்ணா, ரஜிஷா விஜயன் கதாபாத்திரம் வலுவானதாக இல்லை. சிறுவன் ரித்விக்கின் நடிப்பு அசத்தல். லைலா, சங்கி பாண்டே, இளவரசு உள்ளிட்டவர்களின் நடிப்பும் ஓகே.  

கார்த்தியின் நடிப்பு பல இடங்களில் பாராட்டத்தக்க அளவில் இருந்தாலும், சில இடங்களில் வழக்கமான கார்த்தியையே பார்க்க முடிகிறது. படத்தின் ஆரம்பத்திலேயே, கார்த்தி போலீஸ்காரரா? இல்லை 2கே கிட்ஸா? என்று கேட்கும் அளவிற்கு  அவரின் கதாபாத்திரம் உருவாக்கப்பட்டுள்ளது. உளவாளியாக சர்தார் சண்டையிடும் காட்சிகள் அதிரடியாக உருவாக்கப்பட்டுள்ளன.  வயதான சர்தார் கதாபாத்திர தோற்றத்தில் சண்டைக்காட்சியின்போது உடல்மொழியில் இளம் கார்த்தியே தென்படுகிறார். பிளாஷ்பேக் காட்சிகள் ரசிக்கும் படியாக உள்ளது.

 
ஜார்ஜ் சி. வில்லியமின் ஒளிப்பதிவு, ரூபனின் படத்தொகுப்பு படத்தை விறுவிறுப்பாக கொண்டு செல்ல உதவியிருக்கிறது. ஜி.வி. பிரகாஷ் குமாரின் பின்னணி இசை சில இடங்களில் மட்டுமே பொருத்தமாக உள்ளது. பாடல்கள் அனைத்தும் ஒரே மாதிரியாக இருப்பது போன்ற உணர்வு. சவுண்ட் மிக்ஸிங் பயங்கர சொதப்பல். நடிகர்களின் குரலை விட பின்னணி இசை தூக்கலாக இருப்பதால், பெரும்பாலான இடங்களில் வசனங்களை புரிந்து கொள்ள முடியவில்லை.

 
நல்ல கதை, பொறுமையை சோதிக்கும் திரைக்கதையாலும், படத்தின் நீளத்தாலும், அதிகப்படியான சினிமாத்தனத்தாலும் சர்தார் சறுக்க வாய்ப்புண்டு.



 

 

Print

 

கேலரி
புகைப்படத்தொகுப்பு -
மேலும்...