???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இன்ஸ்டாகிராமின் குறைபாட்டை கண்டறிந்த தமிழருக்கு ரூ. 20 லட்சம் பரிசு! 0 தெலங்கானாவில் மாதாந்திர ஓய்வூதியம் இரட்டிப்பானது! 0 அயோத்தி வழக்கு: இடைக்கால அறிக்கை தாக்கல் 0 நம்பிக்கை வாக்கெடுப்பு நடத்தி பெரும்பான்மையை நிரூபிக்க வேண்டும்: குமாரசாமிக்கு ஆளுநர் கடிதம் 0 இன்று ஒகேனக்கலுக்கு வந்தடைகிறது காவிரி நீர் 0 நல்லகண்ணு, கக்கன் குடும்பத்துக்கு வீடு ஒதுக்கப்படும்: ஓ.பன்னீர்செல்வம் 0 நடிகர் சந்தானம் பட டிரெய்லரில் சர்ச்சைக்குரிய வசனம்: தடை செய்ய மனு 0 அத்திவரதர் தரிசனத்தின்போது உயிரிழந்தவர்களின் குடும்பங்களுக்கு நிதி உதவி 0 புதுச்சேரி ஐ.டி.ஐ மாணவர்களுக்கும் மதிய உணவு: முதல்வர் நாராயணசாமி உத்தரவு 0 மழைநீர் வடிகால் திட்டம்: அனைத்து ஆவணங்களையும் தாக்கல் செய்ய சென்னை மாநகராட்சிக்கு உத்தரவு 0 தேனி, நீலகிரி உள்ளிட்ட 6 மாவட்டங்களில் கனமழைக்கு வாய்ப்பு 0 கர்நாடகாவில் இன்று நம்பிக்கை வாக்கெடுப்பு! 0 உச்ச நீதிமன்ற தீர்ப்புகள் தமிழ் உள்ளிட்ட 9 மாநில மொழிகளில் வெளியானது! 0 கமல்ஹாசனுக்கு நன்றி தெரிவித்த நடிகர் சூர்யா! 0 குல்புஷன் ஜாதவுக்கு விதிக்கப்பட்ட தூக்கு தண்டனைக்குத் தடை
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

ஐடி ஊழியர்கள் வீட்டிலிருந்து பணியாற்றுவது காலம்காலமாக நடந்து வருகிறது: எஸ்.பி.வேலுமணி

Posted : திங்கட்கிழமை,   ஜுன்   17 , 2019  22:39:25 IST

தமிழகம் முழுவதும் கடும் தண்ணீர் பஞ்சம் நிலவி வரும் நிலையில், குடிநீர் திட்ட செயல்பாடு மற்றும் விநியோகம் தொடர்பாக சென்னையில் அமைச்சர் எஸ்.பி. வேலுமணி தலைமையில் ஆய்வுக் கூட்டம் நடைபெற்றது.

நகராட்சி நிர்வாகம் மற்றும் குடிநீர் வழங்கல் துறை முதன்மை செயலாளர் ஹர்மந்தர் சிங், குடிநீர் வாரிய இயக்குநர் மகேஸ்வரன், சென்னை மாநகராட்சி ஆணையர் பிரகாஷ் உள்ளிட்டோர் பங்கேற்ற இந்தக் கூட்டத்தில் கடல் நீரை குடிநீராக்கும் புதிய திட்டப் பணிகள் உள்ளிட்டவை குறித்து ஆலோசிக்கப்பட்டன.

தொடர்ந்து செய்தியாளர்களைச் சந்தித்த அமைச்சர் எஸ்.பி. வேலுமணி, போதிய மழைப் பொழிவு இல்லாததால் நிலத்தடி நீர் மட்டம் குறைந்துவிட்டதாகவும், அதனைச் சரிசெய்ய நடவடிக்கை எடுத்து வருவதாகவும் தெரிவித்தார். சென்னையில் வரும் நவம்பர் மாதம் வரை தட்டுப்பாடின்றி தண்ணீர் விநியோகிக்க நடவடிக்கை எடுக்கப்பட்டிருப்பதாகவும் கூறினார்.

இதுபோன்ற சூழலில் மற்ற மாநிலங்களில் எதிர்க்கட்சிகள் அரசுக்கு ஒத்துழைப்பு அளிப்பதாகவும், ஆனால் தமிழகத்தில் குடிநீர் பிரச்னையை திசைதிருப்ப முயற்சிப்பதாகவும் குற்றம்சாட்டினார்.

தண்ணீர் தட்டுப்பாட்டால் உணவகங்கள், ஐடி நிறுவனங்கள் மூடப்படுவதாக சிலர் தவறான பிரசாரம் செய்து வருவதாக குற்றம்சாட்டிய எஸ்.பி.வேலுமணி, ஐடி நிறுவன ஊழியர்கள் வீட்டில் இருந்து பணியாற்றுவதே காலம்காலமாக இருந்து வருவதாகவும், இவை தண்ணீர் தட்டுப்பாட்டிற்காக இல்லை என்று விளக்கம் அளித்தார்.

நெம்மேலியில் கடல்நீரை குடிநீராக்கும் திட்டத்திற்காக கூடுதலாக அமைக்கப்பட்ட ஆலை இன்னும் 10 நாட்களில் பயன்பாட்டிற்கு வரும் எனவும் அவர் தெரிவித்தார். பருவமழைக்கு முன்பே தமிழகத்தில் குடிமராமத்து பணிகளை முடிக்க விரைந்து நடவடிக்கை எடுக்கப்பட்டு வருவதாகவும் அமைச்சர் எஸ்.பி.வேலுமணி தெரிவித்தார்.

இதனிடையே, குடிநீர் பிரச்னை தொடர்பாக முதலமைச்சர் எடப்பாடி பழனிசாமி தலைமையில் நடைபெறவிருந்த ஆலோசனை கூட்டம் கடைசி நேரத்தில் ரத்து செய்யப்பட்டது.
 



click here
 

 

Print

 

கேலரி
புகைப்படத்தொகுப்பு -
மேலும்...