அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 3 நிமிடத்தில் 900 ஊழியர்களை வீட்டுக்கு அனுப்பிய சி.இ.ஓ! 0 பேரறிவாளன் விடுதலை: மத்திய அரசு இனியும் தாமதிக்க கூடாது - நீதிமன்றம் 0 காவல் துறை விசாரணையில் அதிகரிக்கும் இளைஞர்களின் மரணம்! 0 இங்கிலாந்தில் ஒமைக்ரான் வைரஸ் சமூக பரவலாக மாறிவிட்டது: அமைச்சர் தகவல் 0 தனக்கு தானே பிரசவம் பார்த்த பெண் மீது வழக்குப் பதிவு! 0 மத்திய அரசு என்ற ஒன்று இருக்கிறதா? - ஜோதிமணி எம்.பி! 0 இந்தியாவில் கொரோனா மூன்றாம் அலை பிப்ரவரி மாதம் தாக்கும்! 0 நாகலாந்தில் பொதுமக்கள் சுட்டுக் கொலை: மத்திய அரசுக்கு தேசிய மனித உரிமைகள் ஆணையம் நோட்டீஸ் 0 'பஞ்சாப் தேர்தலில் பாஜகவுடன் கூட்டணி': அமரிந்தர் சிங் அறிவிப்பு 0 திமுக அரசை கண்டித்து டிசம்பர் 9ல் அதிமுக மாநிலம் தழுவிய ஆர்ப்பாட்டம் 0 ரஷ்யாவின் சிறந்த நட்பு நாடாக இந்தியா நிகழ்கிறது - விளாதிமீர் புதின் 0 இந்தியா - ரஷ்யா இடையே 21ஒப்பந்தங்கள் கையெழுத்தாகின்றன! 0 கொரோனா விதிமுறையை மீறிய கமல்ஹாசன்: விளக்கும் கேட்கும் தமிழக அரசு! 0 அம்பேத்கர் வழியில் உறுதியேற்போம் - முதலமைச்சர் மு.க.ஸ்டாலின்! 0 அதிமுக ஒருங்கிணைப்பாளர், இணை ஒருங்கிணைப்பாளர் பதவிக்கு 252 வேட்புமனுக்கள் தாக்கல்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

சொமோட்டோ விவகாரம்; பூதாகரமாக வெடித்த மொழி பிரச்சனை!

Posted : செவ்வாய்க்கிழமை,   அக்டோபர்   19 , 2021  12:40:15 IST


Andhimazhai Image

மதுரையை சேர்ந்த விகாஸ் என்பவர் நேற்று (அக்டோபர் -18) சொமோட்டோவில் உணவு ஆர்டர் கொடுத்திருந்தார். அவர் கொடுத்த ஆர்டரில் ஒரு பொருள் டெலிவரி ஆகாததால் இது குறித்து சொமோட்டோ வாடிக்கையாளர் சேவையை சாட் வழியாக தொடர்பு கொண்டிருக்கிறார் அவர்.


அப்போது தனக்கு ஒரு உணவு டெலிவரி கிடைக்கவில்லை, அதற்குரிய பணத்தை திருப்பித்தர வேண்டும் என கேட்டிருக்கிறார். அவரிடம் சாட் செய்த வாடிக்கையாளர் சேவை பிரிவு அதிகாரி, உங்கள் வட்டார மொழி தடையாக இருக்கிறது. இந்தி தேசிய மொழி, எனவே ஓரளவு புரிந்து கொள்ளுகின்ற அளவிற்காவது அனைவரும் இந்தி கற்றுக்கொள்ள வேண்டும் என அவர் அறிவுரை செய்தார்.


இதனைக் கண்டு திகைத்த மதுரையைச் சேர்ந்த விகாஸ், இந்த உரையாடல் தொடர்பான ஸ்கிரீன் ஷாட்டுகளை தன்னுடைய ட்விட்டர் பக்கத்தில் வெளியிட்டிருந்தார். அவர் வெளியிட்டிருந்த ட்வீட் விரைவாகவே வைரல் ஆனது. மேலும் பல்வேறு தரப்பினரும் சொமோட்டோவின் பொறுப்பற்ற பதிலைக் கண்டித்து ட்வீட்களை வெளியிட்டு வருகின்றனர்.


இது குறித்து மக்களவை உறுப்பினர் கனிமொழி தனது டிவிட்டர் பதிவில், “குறிப்பிட்ட மொழிகளில் மட்டுமே சில நிறுவனங்களின் வாடிக்கையாளர் சேவை செயல்பட்டு வருகிறது. நிறுவனங்கள் தங்கள் வாடிக்கையாளர்களுடன் மாநில மொழியில் பேசுவதைக் கட்டாயமாக்க வேண்டும். வாடிக்கையாளர்களுக்கு இந்தி அல்லது ஆங்கிலம் தெரிந்திருக்க வேண்டிய அவசியமில்லை. தமிழர்களுக்கு யாரும் யார் இந்தியர்கள் என்று பாடம் நடத்த வேண்டிய அவசியமில்லை.” என பதிவிட்டுள்ளார்.


இதற்கிடையே #RejectZomato என்ற ஹேஷ்டேக் ட்விட்டரில் ட்ரெண்ட் ஆகி வருகிறது.


இதனைத் தொடர்ந்து இச்சம்பவம் குறித்து சொமோட்டோ நிறுவனம் மன்னிப்பு கோரியிருக்கிறது. அந்நிறுவனம் தமிழில் வெளியிட்டுள்ள அறிவிப்பில் “வேற்றுமையில் ஒற்றுமை என்ற நம்தேசத்தின் மாறுபட்ட கலாச்சாரத்தின் மீதான எதிர்கருத்தை வாடிக்கையாளரிடம் காட்டிய ஊழியரை பணிநீக்கம் செய்துள்ளோம். மேலும் மக்களின் உணர்வுகளுக்கு எதிரான கருத்தை பகிரக்கூடாது என தொடர்ந்து எங்கள் முகவர்களுக்கு பயிற்சி அளித்து வருகிறோம்.

கோவையில் விரைவில் ஒரு உள்ளூட் கால்செண்டர் அல்லது சர்வீஸ் செண்டரை உருவாக்கும் பணியில் உள்ளோம்.” என விளக்கம் அளித்திருந்தது.

 

இதனைத் தொடர்ந்து ஊழியர் பணிநீக்கம் செய்யப்பட்டது குறித்தும் பல்வேறு தரப்பினர் சமூகவலைதளத்தில் கேள்வி எழுப்பி நிலையில், சொமாட்டோவின் நிறுவனர் தீபிந்தர் கோயல் தன்னுடைய ட்விட்டர் பக்கத்தில் அளித்துள்ள விளக்கத்தில், “ஒரு உணவு விநியோக நிறுவனத்தின் வாடிக்கையாளர் மையத்திலிருந்து யாரோ ஒருவர் செய்த தவறு தேசிய பிரச்சினையாக மாறிவிட்டது. நம் நாட்டில் சகிப்புத்தன்மை இப்போது இருப்பதை விட அதிகமாக இருக்க வேண்டும். இங்கு யாரைக் குறை சொல்வது எனத் தெரியவில்லை. நாங்கள் அந்த ஊழியரை மீண்டும் பணியமர்த்துகிறோம். வேலையை விட்டு நீக்குவது மட்டுமே எந்த பயனையும் அளிக்காது. அவர் மேலும் கற்றுக்கொண்டு முன்னேறிச்செல்ல வேண்டும். ஆனால் ஒன்றை நினைவில் கொள்ள வேண்டும், எங்களது வாடிக்கையாளர் சேவை மையத்தில் வேலைபார்ப்பவர்கள் பெரும்பாலும் இளைஞர்கள். அவர்கள் இப்போதுதான் தங்களது தொழிலைக் கற்றுக்கொண்டு இருக்கிறார்கள்.


அவர்கள் பிராந்திய மக்களின் உணர்வுகளையும் மொழியின் முக்கியத்துவத்தையும் புரிந்து கொள்ளும் அளவிற்கு யாரும் நிபுணர்கள் அல்ல. நானும் தான். சொல்ல வேண்டியது என்னவென்றால், மற்றவருடைய குறைகளை நாம் பொறுத்துக்கொள்ள வேண்டும். சகித்துச் செல்ல வேண்டும். மற்றவர்களுடைய மொழி மற்றும் பிராந்திய உணர்வுகளை மதிக்க வேண்டும். தமிழ்நாடே, நாங்கள் உங்களை நேசிக்கிறோம். நாட்டை நேசிப்பதைப்போல உங்களையும் நேசிக்கிறோம். கூடுதலாகவோ, குறைவாகவோ அல்ல, நாம் வேற்றுமையில் ஒற்றுமையாக இருக்கிறோம்” என தெரிவித்துள்ளார்.

 

இதற்கிடையே, விகாஸ் தனது ட்விட்டர் பதிவில், "இந்த விவகாரம் குறித்து விளக்கமளித்ததுபோக, மீண்டும் அந்த ஊழியரை பணியில் சேர்க்க வேண்டுமெனக் கோருகிறேன். அவர்களுக்கு சிறப்பான பயிற்சி அளிக்க வேண்டும். தமிழர்களின் மரபு சுயமரியாதையே தவிர பழி வாங்குதல் அல்ல" என்று அவர் குறிப்பிட்டிருக்கிறார்.
 



click here
 

 

Print

 

கேலரி
புகைப்படத்தொகுப்பு -
மேலும்...