மத்திய வேளாண் சட்டத்திற்கு எதிராக ராஜஸ்தானிலும் மசோதா

மத்திய அரசின் வேளாண் சட்டங்களுக்கு எதிராக ராஜஸ்தான் மாநில அரசும் 3 மசோதாக்களை சட்டப்பேரவையில் இன்று அறிமுகம் செய்தது.

மத்திய அரசு கொண்டு வந்த வேளாண் சட்டத்திற்கு எதிராக நாடு முழுவதிலும் பல மாநிலங்களில் விவாசாய அமைப்புகள் எதிர்ப்பு தெரிவித்து வருகின்றன.

கடந்த 20-ஆம் தேதி,  மத்திய அரசின் வேளாண் சட்டங்களை எதிர்த்து பஞ்சாப் மாநில அரசு 3 மசோதாக்களை சட்டப்பேரவையில் நிறைவேற்றியது. இதனையடுத்து, தற்போது ராஜஸ்தான் மாநிலத்திலும் மசோதாக்கள் நிறைவேற்றப்பட்டுள்ளது.

ராஜஸ்தான் சட்டப்பேரவையில், மத்திய அரசின் வேளாண் சட்டங்களுக்கு மாற்றாக 3 மசோதாக்களை அம்மாநில சட்டப்பேரவை விவாகாரத்துறை அமைச்சர் சாந்தி தாரிவால் அறிமுகம் செய்தார்.

அதில், வேளாண் துறை தொடர்பான வேளாண் விளைபொருள் வர்த்தக மசோதா, விவசாயிகளின் விளைபொருட்களுக்கு உரிய விலை கிடைக்க உத்தரவாதம் அளிக்கும் மசோதா, அத்தியாவசியப் பொருட்கள் திருத்த மசோதா ஆகியவற்றுக்கு எதிரான திருத்த மசோதா இடம் பெற்றிருந்தன.

முன்னதாக காங்கிரஸ் கட்சி ஆளும் மாநிலங்களில் மத்திய அரசின் வேளாண் சட்டங்களுக்கு எதிராக மசோதாக்களை தாக்கல் செய்து நிறைவேற்றிட காங்கிரஸ் தலைமை அறிவுறுத்தியிருந்தது.