கூடாரங்களுக்குள் மழை நீர் - சுவர் அமைத்து தடுக்கும் டெல்லியில் போராடும் விவசாயிகள்

வேளாண் சட்டங்களுக்கு எதிராக டெல்லியில் தொடர்ந்து போராடி வரும் விவசாயிகள், மழை நீர் தங்கள் கூடாரங்களில் நுழைவதை தடுக்க சிறிய அளவிலான செங்கல் தடுப்பு சுவர்களை எழுப்பி வருகிறார்கள்.

மூன்று வேளாண் சட்டங்களையும் எதிர்த்து பஞ்சாப், ராஜஸ்தான், ஹரியானா உள்ளிட்ட மாநிலங்களை சேர்ந்த விவசாயிகள் தலைநகர் டெல்லியில் தொடர்ந்து போராட்டத்தில் ஈடுபட்டுள்ளனர். கடும் குளிரையும், மழையையும் எதிர்கொண்டே அவர்களது போராட்டம் தொடர்கிறது.

இந்நிலையில், டெல்லியில் பெய்த மழை காரணமாக போராடும் விவசாயிகள் இரவில் உறங்கும் கூடாரங்களில் மழை நீர் புகுகிறது. எனவே மழை நீர் கூடாரங்களுக்குள் புகுவதை தடுக்க விவசாயிகள் தாமாகவே செங்கற்களை கொண்டு சிறிய தடுப்பு சுவர்களை எழுப்பி வருகிறார்கள். இனிவரும் நாட்களில் இதுபோல் தேவைப்படும் அனைத்து கூடாரங்களுக்கும் தடுப்பு சுவர் அமைக்கவுள்ளதாக விவசாயிகள் தெரிவித்துள்ளனர்.