பஞ்சாப் தேர்தல்: முதற்கட்ட வேட்பாளர் பட்டியலை வெளியிட்ட பாஜக!

பஞ்சாப் சட்டப்பேரவைத் தேர்தலுக்கான முதற்கட்ட வேட்பாளர்கள் பட்டியலை பாஜக இன்று அறிவித்துள்ளது.
 

கோவா, உத்தரகண்ட், பஞ்சாப், உத்தரப்பிரதேசம், மணிப்பூர் உள்ளிட்ட 5 மாநிலங்களுக்கான சட்டப்பேரவைத் தேர்தல் 7 கட்டங்களாக நடத்தப்படும் என இந்திய தேர்தல் ஆணையம் அறிவித்துள்ளது. பஞ்சாபில் ஒரே கட்டமாகத் தேர்தல் நடைபெறும் என அறிவிக்கப்பட்டுள்ள நிலையில் தேர்தல் பணிகளில் அரசியல் கட்சிகள் தீவிரம் காட்டி வருகின்றன.


இந்நிலையில் பஞ்சாப் சட்டப்பேரவையில் மொத்தம் உள்ள 117 தொகுதிகளில் 34 தொகுதிகளுக்கான வேட்பாளர்கள் பட்டியலை பாஜக இன்று அறிவித்தது.


எஞ்சிய தொகுதிகளுக்கான வேட்பாளர்கள் பட்டியல் விரைவில் அறிவிக்கப்படும் என எதிர்பார்க்கப்படுகிறது.