பத்திரிக்கை சுதந்திரம்: இந்தியா 142வது இடம் - ப.சிதம்பரம் ட்விட்!

உலக அளவில் பத்திரிக்கை சுதந்திரத்தில் 180 நாடுகளில் இந்தியாவுக்கு 142வது இடம் என டைம் பத்திரிக்கையின் மதிப்பீட்டை சுட்டிக்காட்டி முன்னாள் மத்திய  நிதியமைச்சர் ப.சிதம்பரம் ட்விட் செய்துள்ளார்.

பாஜக ஆட்சிக்கு வந்த கடந்த பத்து ஆண்டுகளில் அதிக அளவில் இணைய சேவைகள் பலமுறை முடக்கப்பட்டுள்ளது. அதேபோல், மத்திய அரசின் நிலைப்பாடுகளை விமர்சிக்கும் பத்திரிக்கையாளர்கள் மிரட்டப்படுவதும் சுட்டுக் கொல்லப்படுவதும் நடந்தேறியுள்ளது.

இந்நிலையில், முன்னாள் மத்திய நிதியமைச்சர் ப.சிதம்பரம் இன்று தனது ட்விட்டர் பக்கத்தில்,  ”உலக அளவில் பத்திரிக்கை சுதந்திரத்தில் 180 நாடுகளில் இந்தியாவுக்கு 142வது இடமும், மனித சுதந்திர குறியீட்டில் 162 நாடுகளில் இந்தியாவுக்கு 111வது இடத்தையும் டைம் பத்திரிக்கை கொடுத்துள்ளதாக” பதிவிட்டுள்ளார்.