???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 ராஜஸ்தானில் நீதிபதியாக பதவியேற்கும் 21-வயது இளைஞர்! 0 தமிழகத்தின் 33வது மாவட்டமாக இன்று உதயமாகிறது தென்காசி 0 அயோத்தி வழக்கில் சாட்சியங்கள் அல்ல; சாஸ்திரமே நிலைநாட்டப்பட்டுள்ளது: திருமாவளவன் 0 அரசு பள்ளி மாணவர்களுக்கு ஷூ: தமிழக அரசு அரசாணை 0 தெலங்கானா எம்.எல்.ஏ.வின் இந்திய குடியுரிமை ரத்து 0 ஐஐடியில் பாத்திமா லத்தீப் மரணம்: சி.பி.ஐ விசாரணை கோரி வழக்கு 0 நாடாளுமன்ற பாதுகாப்புக் குழுவில் பிரக்யா: காங்கிரஸ் கண்டனம் 0 மருத்துவப் படிப்புகளில் ஓ.பி.சி பிரிவுக்கு 50% இட ஒதுக்கீடு வேண்டும்: டி.ஆர்.பாலு கோரிக்கை 0 தமிழ் மக்களுக்கு விருதை சமர்பிக்கிறேன்: கோவா திரைப்பட விழாவில் விருது பெற்ற ரஜினி பேச்சு 0 சமூக வலைத்தள கணக்குகளுடன் ஆதாரை இணைக்கும் திட்டம் இல்லை: மத்திய அரசு 0 இந்தியாவிற்கு ஒரு பில்லியன் டாலர் மதிப்புள்ள ஆயுதங்களை விற்க அமெரிக்கா ஒப்புதல் 0 சென்னை குடிநீர் குடிக்க ஏற்றதல்ல: மத்திய தர நிர்ணய ஆணையம் 0 அ.தி.மு.கவுக்கு தெம்பிருந்தால் மேயர் பதவிக்கு நேரடித் தேர்தல் நடத்தட்டும்: பா.ஜ.க கடும் விமர்சனம் 0 சாவா்க்கருக்கு ‘பாரத ரத்னா’ விருது வழங்கப்படுமா? மத்திய அரசின் மழுப்பல் பதில்! 0 சென்னை சுற்று வட்டார பகுதிகளில் மழை
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

லட்சக்கணக்கில் பணம் இருக்கு! ஆனால் எடுக்க முடியல! அதிர்ச்சியில் உயிரிழக்கும் வாடிக்கையாளர்கள்!

Posted : சனிக்கிழமை,   அக்டோபர்   19 , 2019  02:33:23 IST


Andhimazhai Image
உங்களுக்கு வங்கியில் 80 லட்சம் பணம் உள்ளது. இதய சிகிச்சைக்கு நாள் குறித்து மருத்துவமனையில் சேர்க்கப்படுகிறீர்கள். சிகிச்சைக்குப் பணம் பெற வங்கிக்குப் போனால் அவர்கள் தர மறுக்கிறார்கள். என்ன ஆகும்? இப்படி எல்லாம் நடக்குமா என்கிறீர்களா? நடந்தே விட்டது. வங்கி வாடிக்கையாளர் மருத்துவமனையில் செத்தே போய்விட்டார்.
 
பிஎம்சி வங்கி வாடிக்கையாளர்களுக்கு பணம் எடுக்க கட்டுப்பாடு விதிக்கப்பட்டுள்ளதால், இதய அறுவை சிகிச்சைக்கு தேவையான பணம் எடுக்க முடியாமல் மும்பையில் முரளிதர் தாரா என்பவர் உயிரிழந்துள்ளார்.
 
நிறுவனம் ஒன்றுக்கு கடன் வழங்கியதில் முறைகேடு நடைபெற்றத்தைத் தொடர்ந்து, பிஎம்சி (பஞ்சாப் மற்றும் மகாராஷ்டிரா கூட்டுறவு வங்கி) நிர்வாகிகள் கைது செய்யப்பட்டுள்ளனர். முறைகேடாக கடன் பெற்ற நிறுவனத்தை சேர்ந்தவர்களும் கைது செய்யப்பட்டு விசாரணை நடைபெறுகிறது.
 
இதனால் பிஎம்சி வங்கி வாடிக்கையாளர்களுக்கு பல்வேறு கட்டுப்பாடுகள் விதிக்கப்பட்டுள்ளன. முதலில்  ஒரு வங்கி கணக்கிலிருந்து ரூ 1000 மட்டுமே எடுக்கமுடியும் என்ற கட்டுப்பாடு இருந்து அது பின்னர் 40,000 வரை உயர்த்தப்பட்டது.. இந்த கட்டுப்பாடுகளை தளர்த்த வேண்டுமென வாடிக்கையாளர்கள் போராட்டத்தில் ஈடுபட்டுள்ளனர். உச்ச நீதிமன்றத்தில் இதுதொடர்பில் தாக்கல் செய்யப்பட்ட மனுவை விசாரிக்க மறுத்துள்ள நீதிபதிகள், மும்பை நீதிமன்றத்தை அணுகுமாறு தெரிவித்துள்ளனர்.
 
இத்தகைய சூழலில் வங்கி கணக்கில் இருக்கும் தங்களது பணத்தை அவசர மருத்துவ தேவைக்குகூட எடுக்க முடியாமல் வாடிக்கையாளர்கள் கடுமையான இன்னலை சந்தித்து வருகின்றனர். இப்போது இதய அறுவை சிகிச்சைக்கு பணம் எடுக்க முடியாமல் ஒருவர் உயிரிழந்திருக்கிறார்.
 
83 வயதான முரளிதர் தாரா பிஎம்சி வங்கியில் 80 லட்சம் வரை வைப்பு வைத்திருக்கிறார். உடல்நலம் பாதிக்கப்பட்ட முரளிதருக்கு அவசரமாக இதய அறுவை சிகிச்சை செய்ய வேண்டிய தேவை ஏற்பட்டிருக்கிறது. இதற்கு தேவையான பணம் வங்கி கணக்கில் இருந்தும், உரிய நேரத்தில் அதனை எடுக்க முடியாமல் போனதால் தனது தந்தை இறந்ததாக அவரது மகன் பிரேம் தெரிவித்திருக்கிறார்.
 
பிஎம்சி வங்கி வாடிக்கையாளர்களுக்கு ரிசர்வ் வங்கி கட்டுப்பாடு விதித்த பிறகு, இதன்காரணமாக நடைபெற்ற நான்காவது மரணம் இது என்பது மற்றொரு அதிர்ச்சிகரமான செய்தியாக இருக்கிறது. ஏற்கனவே இருவர் பணம் முடக்கப்பட்ட மனவுளைச்சலிலும், மருத்துவ செலவுக்கு பணம் எடுக்க முடியாமலும் மாரடைப்பு ஏற்பட்டு உயிரிழந்திருக்கிறார்கள். மேலும், பெண் மருத்துவர் ஒருவர் பணம் எடுக்க முடியாததால் தற்கொலை செய்துகொண்டார் என தெரிவிக்கப்பட்டுள்ளது.
 
வங்கியில் பணம் எடுக்க முடியாமல், முரளிதர் அறுவை சிகிச்சைக்கு பணம் திரட்ட அவரது குடும்பம் பல்வேறு முயற்சிகளை எடுத்திருக்கிறது. ஆனால், இறுதிவரை தேவையான பணம் கிடைக்காததால் முரளிதருக்கு அறுவை சிகிச்சை செய்ய முடியவில்லை. ரிசர்வ் வங்கி விதித்துள்ள கட்டுப்பாடுகளுக்கான வழிகாட்டுதலில், மருத்துவ தேவைக்கு கூடுதலான பணம் எடுக்கலாம் என கூறப்பட்டபோதும் வங்கியில் அதை பின்பற்றவில்லை என கவலையுடன் கூறுகிறார் முரளிதரின் மகன் பிரேம்.
 
பாதிக்கப்பட்ட வங்கி வாடிக்கையாளர்கள் தங்களால் ஆன அனைத்து வகையிலும் போராடி வருகிறார்கள். லட்சக்கணக்கில் பணம் இருந்தும் எந்த அவசர தேவைக்கும் பணம் எடுக்க முடியாத நெருக்கடி இது. சுமார் 6500 கோடி ரூபாய் வரை கடனை முறையின்றி ஹெடிஐஎல் என்ற நிறுவனத்துக்கு வங்கி நிர்வாகம் வாரி வழங்கிவிட்டது. இது  ஆர்.பி.ஐ விதிகளுக்கு முரணானது. அந்த நிறுவனம் கடனைத் திருப்பிச் செலுத்தும்நிலையில் இல்லாததால் வங்கிக்கு பெரும் நெருக்கடி ஏற்பட்டுள்ளது.


click here
 

 

Print

 

கேலரி
புகைப்படத்தொகுப்பு -
மேலும்...