???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சாவர்க்கர் ஒரு சுதந்திர போராட்ட வீரர்: அபிஷேக் சிங்வி புகழாரம்! 0 டெங்கு: உள்ளாட்சி, சுகாதாரத்துறைக்கு உயர்நீதிமன்றம் அறிவுறுத்தல்! 0 தடை செய்யப்பட்ட அமைப்புக்கு ஆதரவாக பேசுவது குற்றம் அல்ல: வைகோ 0 நாடாளுமன்ற குளிர்கால கூட்டத்தொடர் நவம்பர் 18ம் தேதி கூடுகிறது! 0 அனைத்து துறைகளிலும் வேலைவாய்ப்புகள் குறைந்து வருகின்றன: பிரகாஷ் காரத் 0 மஹாராஷ்டிரா, ஹரியானா சட்டப்பேரவைத் தேர்தல்: பாஜகவுக்கு வெற்றி வாய்ப்பு! 0 தேசிய குற்ற ஆவண காப்பக அறிக்கை: குற்றச் சம்பவங்களில் தமிழகம் 6-வது இடம் 0 மும்மொழிக் கொள்கை மறைமுகமான சமஸ்கிருத திணிப்பு: ராமதாஸ் கண்டனம் 0 கனமழை: சேலம், ராமநாதபுரம், நீலகிரி மாவட்ட பள்ளிகளுக்கு விடுமுறை 0 காந்தி பிறந்த நாள்: பாலிவுட் நட்சத்திரங்களுடன் கலந்துரையாடிய பிரதமர்! 0 வங்கிகள் இணைப்புக்கு எதிர்ப்பு: நாடு தழுவிய வேலை நிறுத்தத்துக்கு அழைப்பு! 0 பணப்புழக்கம் குறைந்ததே தீபாவளி விற்பனை குறையக் காரணம்: வணிகர் சங்கம் 0 பொறுப்பு அதிகமாகியுள்ளது: டாக்டர் பட்டத்துக்குப் பின் முதலமைச்சர் பேச்சு! 0 ராமதாஸின் கேள்விகளுக்கு விடையளிக்க மு.க.ஸ்டாலின் மறுப்பது ஏன்? ஜி.கே.மணி கேள்வி 0 சென்னை: அதிகாலையில் கனமழை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

விவசாயிகள், வணிகர்களுக்கு மாத ஓய்வூதிய திட்டம்!

Posted : வெள்ளிக்கிழமை,   செப்டம்பர்   13 , 2019  00:07:48 IST

விவசாயிகள் மற்றும் வணிகர்களுக்கு மாதந்தோறும் 3 ஆயிரம் ரூபாய் ஓய்வூதியம் வழங்கும் திட்டத்தை பிரதமர் நரேந்திர மோடி தொடங்கி வைத்தார்.

விவசாயிகளின் வருமானத்தை 2022-ம் ஆண்டுக்குள் இரட்டிப்பாக்க உள்ளதாக மத்திய அரசு அறிவித்துள்ளது. மேலும், விவசாயிகளுக்கு ஆண்டுதோறும் 6 ஆயிரம் ரூபாய் நிதியுதவி வழங்கப்பட்டு வருகிறது.

விவசாயிகளுக்கான ஓய்வூதியத் திட்டத்தில், 5 ஏக்கர் வரை நிலம் வைத்துள்ள சிறு மற்றும் நடுத்தர விவசாயிகள் சேரலாம்.

வணிகர்களுக்கான ஓய்வூதியத் திட்டத்தில், ஆண்டு விற்று முதல் ஒன்றரை கோடி ரூபாய்க்கும் குறைவாக உள்ள வணிகர்கள் சேரலாம். கடை வைத்திருப்போர், சில்லறை வர்த்தகர்கள், அரிசி ஆலை உரிமையாளர்கள், எண்ணெய் ஆலை உரிமையாளர்கள், தரகு முகவர்கள், ரியல் எஸ்டேட் தரகர்கள், சிறு ஹோட்டல்கள், ரெஸ்டாரென்ட் உரிமையாளர்கள் உள்ளிட்டோர் சேரலாம். மகளிர் சுயஉதவிக் குழுவினரும் இந்தத் திட்டத்தில் பயன்பெறுவார்கள் என மத்திய அரசு அறிவித்துள்ளது.

பங்களிப்பு அடிப்படையிலான இந்த ஓய்வூதியத் திட்டங்களில் சேர்வதற்கான வயதுவரம்பு 18 முதல் 40-க்குள் இருக்க வேண்டும். இதற்காக பொது சேவை மையங்களில் விண்ணப்பிக்கலாம். பதிவுக் கட்டணமான 30 ரூபாயை மத்திய அரசே ஏற்றுக் கொள்ளும் என்று அறிவிக்கப்பட்டுள்ளது.

விவசாயிகள் மற்றும் வணிகர்களின் மாதாந்திர பங்களிப்புத் தொகை, எந்த வயதில் பதிவுசெய்கிறார்கள் என்ற அடிப்படையில், 55 ரூபாய் முதல் 200 ரூபாய் வரை இருக்கும். குறிப்பாக, 29 வயதில் சேர்வோருக்கு பங்களிப்புத் தொகை, 100 ரூபாயாக இருக்கும். இந்த பங்களிப்புத் தொகையை, பொது சேவை மையம் மூலம் செலுத்தலாம்.

60 வயது வரை இந்தத் தொகையை செலுத்த வேண்டும். இதற்கு இணையான தொகையை மத்திய அரசும் வழங்கும். ஓய்வுபெறும் வயதுக்கு முன்னதாகவே, பயனாளி இறந்துவிட்டால், அந்தத் திட்டத்தை மனைவி தொடரலாம்.

தொடர விரும்பாவிட்டால், அதுவரை செலுத்திய தொகையை வட்டியுடன் மனைவி பெறுவார். ஓய்வு வயதுக்கு பின் பிறகு, பயனாளி இறந்துவிட்டால், அவரது மனைவிக்கு 50 சதவீத ஓய்வூதியம், குடும்ப ஓய்வூதியமாக கிடைக்கும். இந்தத் திட்டத்தை ஆயுள் காப்பீட்டு கழகம் செயல்படுத்த உள்ளது.



click here
 

 

Print

 

கேலரி
புகைப்படத்தொகுப்பு -
மேலும்...