சிம்பு, கெளதம் கார்த்திக் நடிக்கும் ‘பத்து தல’ போஸ்டர் லுக் வெளியீடு!

சிம்பு, கெளதம் கார்த்திக் இணைந்து நடிக்கும் படத்திற்கு ‘பத்து தல’ என தலைப்பிடப்பட்டுள்ளது. இந்த படத்தின் போஸ்டர் லுக்கை தமிழ் திரையுலகின் 10 முன்னணி இயக்குனர்கள் தங்கள் ட்விட்டர் பக்கத்தில் இன்று வெளியிட்டனர்.

சிம்பு, கெளதம் கார்த்திக் இணைந்து நடிக்கும் ‘மஃப்டி’ படத்தின் ரீமேக்கிற்கு தமிழில் ‘பத்து தல’ என பெயரிட்டுள்ளனர். ஸ்டுடியோ கிரீன் நிறுவனம் தயாரிக்கும் இப்படத்தின் தலைப்பு இன்று வெளியாகும் என முன்னர் அறிவிக்கப்பட்டிருந்தது. இந்நிலையில், இன்று காலை ‘பத்து தல’ படத்தின் போஸ்டர் லுக்கை தமிழ் சினிமாவின் முன்னணி இயக்குனர்களான ரஞ்சித், கார்த்திக் சுப்புராஜ், விக்னேஷ் சிவன், வெங்கட் பிரபு உள்ளிட்ட 10 இயக்குனர்கள் ட்விட்டரில் வெளியிட்டுள்ளனர்.