விவசாயிகள் போராட்டம் : பத்ம விபூஷன் விருதை திருப்பி அளித்த பிரகாஷ் சிங் பாதல்

விவசாயிகள் போராட்டத்திற்கு ஆதரவாக பஞ்சாப் மாநிலத்தின் முன்னாள் முதல்வர் பிரகாஷ் சிங் பாதல், தனக்கு வழங்கப்பட்ட பத்ம விபூஷன் விருதை திருப்பி அளித்துள்ளார்.

இது குறித்து குடியரசுத்தலைவர் ராம்நாத் கோவிந்துக்கு அவர் எழுதியுள்ள கடிதத்தில், ’எனக்கு இந்த தேசம் பத்ம விபூஷன் விருதை கொடுத்து கவுரவித்தது, நான் இந்த மக்களுக்கும், விவசாயிகளுக்கும் செய்த பணிகளைப் பார்த்துதான்.  அவர்களுக்கு உண்மையாக இருக்க விரும்புகிறேன். எனவே, என்னுடைய பத்ம விபூஷன் விருதை திருப்பி அளிக்கிறேன்’ என  குறிப்பிட்டுள்ளார்.

இதேபோல் சிரோமணி அகாலி தளம் கட்சியின் மூத்த தலைவரும், மாநிலங்களவை உறுப்பினருமான சுக்தேவ் சிங் தின்சாவும் தனது பத்ம பூஷன் விருதை திருப்பி அளிக்கப்போவதாக அறிவித்துள்ளார். பஞ்சாப் மற்றும் சண்டிகரைச் சேர்ந்த பல விளையாட்டு வீரர்களும் மத்திய அரசு வழங்கிய விருதுகளை திருப்பி அளிப்பதாக கூறியுள்ளனர்.