???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சிக்கிம் மாநிலத்தின் தூதுவராக ஏ.ஆர். ரஹ்மான் நியமனம்! 0 மத்திய அரசின் தலைமை பொருளாதார ஆலோசகர் அரவிந்த் சுப்ரமணியன் விலகல்! 0 காஷ்மீர் சட்டசபைக்கு உடனே தேர்தல் நடத்த வேண்டும் : உமர் அப்துல்லா வலியுறுத்தல் 0 மதுரையில் எய்ம்ஸ் மருத்துவமனை: முதலமைச்சர் அறிவிப்பு! 0 பெண் பத்திரிகையாளர்கள் அவதூறு வழக்கில் எஸ்.வி.சேகருக்கு ஜாமீன் 0 மதுரை காமராஜர் பல்கலைக்கழக துணைவேந்தர் செல்லத்துரை நியமன ரத்துக்கு தடை விதிக்க உச்சநீதிமன்றம் மறுப்பு 0 ஆர்.கே.நகர் தொகுதியில் தினகரன் வெற்றி பெற்றது செல்லும்: சென்னை உயர்நீதிமன்றம் தீர்ப்பு 0 உலகக்கோப்பை கால்பந்து: கொலம்பியாவை வீழ்த்தி ஜப்பான் வரலாற்று சாதனை 0 உலகக்கோப்பை கால்பந்து: போலந்தை வென்றது செனகல் அணி! 0 உலகக்கோப்பை கால்பந்து: எகிப்தை வென்றது ரஷ்யா! 0 சீன பொருட்கள் மீது மீண்டும் கூடுதல் வரிவிதிப்பு: ட்ரம்ப் எச்சரிக்கை 0 10 ஆண்டுகளுக்குப் பின் தமிழில் நடிக்கிறார் கங்கனா ரணாவத்! 0 ஸ்டெர்லைட் ஆலையில் 200 டன் கந்தக அமிலம் அகற்றம்: ஆட்சியர் தகவல் 0 காஷ்மீரில் அமலுக்கு வந்தது ஆளுநர் ஆட்சி! 0 தீர்ப்பை அவதூறாக விமர்சித்தவர்கள் மீது நடவடிக்கை என்ன?: நீதிபதி கிருபாகரன்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

பாலாற்றில் வெள்ளப்பெருக்கு: ஆந்திர அரசின் 22 தடுப்பணையால் - தமிழகத்துக்கு தண்ணீர் வரவில்லை.

Posted : செவ்வாய்க்கிழமை,   ஆகஸ்ட்   01 , 2017  02:38:21 IST


Andhimazhai Image

கனமழை காரணமாக, பாலாற்றின் குறுக்கே ஆந்திர அரசு கட்டிய 22 தடுப்பணைகள் நிரம்பியும், தமிழகத்திற்கு தண்ணீர் வரத்து சுத்தமாக இல்லை.

 

வேலூர் மாவட்டத்திற்குள் நுழையும் பாலாற்று நீரை, ஆந்திர அரசு 22 தடுப்பணைகளை கட்டி தடுத்துள்ளது. இதனால் தமிழகத்தில் பாலாறு எப்போதும் வறண்டே காணப்படுகிறது.

 

மேலும் ஆந்திர முதல்வர் சந்திரபாபு நாயுடுவின் குப்பம் தொகுதியில் குடிநீர் மற்றும் விவசாயத்துக்கு நிரந்தர தீர்வுக்காண ஹந்திரி-நீவா திட்டக் கால்வாயை குப்பம் வரை நீடிக்கும் பணிகளும் நடைபெற்று வருகிறது.

 

இதன் மூலம் கர்நாடகத்தில் இருந்து ஆந்திராவுக்குள் நுழையும் பாலாற்று நீர், ஆந்திர மாநிலத்தை விட்டு வெளியேறாத வகையில் புதிதாக மேலும் பல தடுப்பணைகள் கட்டப்பட்டு வருகிறது.

 

ஏற்கனவே கட்டப்பட்டுள்ள தடுப்பணைகளின் உயரம் மேலும், உயர்த்தப்பட்டுள்ளது. குப்பத்தில் தொடங்கி வாணியம்பாடி அடுத்த தமிழக எல்லையில் உள்ள புல்லூர் வரை உள்ள 22 தடுப்பணைகளின் உயரம் 5 அடி இருந்தது.

 

இதில் புல்லூர் தடுப்பணை 12 அடியாக உயர்த்தி கட்டப்பட்டது. மற்ற தடுப்பணைகளின் 18 அடி வரை உயர்த்தப்பட்டது. புல்லூர் பகுதியில் ஆந்திர அரசு தடுப்பணையை உயர்த்தி கட்டியதால், வேலூர் மாவட்டத்துக்கு வந்து சேர வேண்டிய தண்ணீர் வராமல் தடுக்கப்பட்டுள்ளது.

 

இந்த நிலையில், ஆந்திர மாநிலத்தில் பலத்த மழை பெய்து வருகிறது. இதனால் பாலாற்றில் வெள்ளப் பெருக்கு ஏற்பட்டுள்ளது. ஆந்திர அரசு பாலாற்றின் குறுக்கே கட்டிய 22 தடுப்பணைகளும் நிரம்பி வழிகிறது.

 

தமிழக-ஆந்திர எல்லையில் வாணியம்பாடி அருகே உள்ள புல்லூர் தடுப்பணையும் நிரம்பி வழிகிறது. ஆனால், தமிழக பாலாற்றில் தண்ணீர் பாயவில்லை. புல்லூர் தடுப்பணையில் நிரம்பி வழியும் சிறிதளவு உபரி நீர் மட்டுமே தமிழக பாலாற்றில் வழிந்தோடுகிறது.

 

தண்ணீர் வரத்து இல்லாததால் பாலாற்றை நம்பி பாசனம் பெற்ற தமிழக விவசாயிகள் கவலையில் உள்ளனர். பல லட்சம் ஏக்கர் விவசாய நிலங்கள் தரிசு நிலங்களாக மாறும் அபாய நிலையை எட்டியுள்ளது.

 

ஆந்திர அரசுடன் பேச்சுவார்த்தை நடத்தி தமிழகத்திற்கு தேவையான பாலாற்று நீரை பெற்று தர வேண்டும் என்று விவசாயிகள் கோரிக்கை வைத்துள்ளனர்.

 

ஏற்கனவே காவிரி ஆற்றில் அணை மேல் அணை கட்டி கர்நாடகம் வஞ்சித்து வரும் நிலையில் பாலாறும் இனி கானல் நீராகிவிட்டதால் விவசாயிகள் சோகத்தில் ஆழ்ந்துள்ளனர். அரசின் மெத்தனப்போக்கு குடிமக்களைப் பாதிக்கும் என்பதற்கு சம கால உதாரணங்கள் காவிரியும், பாலாறும்.!



click here
 

 

Print

 

கேலரி
புகைப்படத்தொகுப்பு -
மேலும்...