அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 தமிழகத்துக்கு அதிக அளவில் தடுப்பூசிகளை வழங்க வேண்டும்: பிரதமருக்கு மு.க.ஸ்டாலின் கடிதம் 0 தடுப்பூசி குறித்து வதந்தி பரப்பினால் கடும் நடவடிக்கை: சென்னை மாநகராட்சி ஆணையர் எச்சரிக்கை 0 தமிழகத்தில் வரும் 20-ந்தேதி முதல் இரவு நேர ஊரடங்கு: அரசு அறிவிப்பு 0 அதிகரிக்கும் கொரோனா: முதலமைச்சர் இன்று முக்கிய ஆலோசனை 0 கடந்த ஆண்டைபோல ஒன்றுபட்டு கொரோனாவை ஒழிப்போம்: பிரதமர் மோடி 0 ஒரேநாளில் 2,61,500 பேருக்கு கொரோனா பாதிப்பு: மேலும் 1,501 பேர் உயிரிழப்பு! 0 ரெம்டெசிவிர் மருந்தின் விலை 2800 ரூபாயிலிருந்து 899 ரூபாயாக குறைப்பு 0 வேளச்சேரி வாக்குச்சாவடியில் நடைபெற்ற மறுவாக்குப்பதிவில் 186 வாக்குகள் மட்டுமே பதிவு 0 தடுப்பூசிக்கான வயது வரம்பை 25ஆக குறைக்க வேண்டும் - பிரதமருக்கு சோனியா கடிதம் 0 கால்நடைத் தீவன ஊழல்: 4வது வழக்கிலும் லாலு பிரசாத் யாதவுக்கு ஜாமீன்! 0 கிரிஜா வைத்தியநாதன் நியமனத்துக்கு விதித்த தடை நீக்கம்: உயர்நீதிமன்றம் 0 நண்பன் விவேக் மறைவால், துக்கம் தொண்டையை அடைக்கிறது: நடிகர் வடிவேலு கண்ணீர் 0 மாஸ்க் அணியவில்லை என்றால் ரூ.500 அபராதம்! 0 தமிழகத்தில் இன்று ஒரே நாளில் 9344 பேருக்கு கொரோனா! 0 நடிகர் விவேக் உடல் தகனம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

இந்த காய்கறி விலை கிலோ ஒரு லட்சமாம்!

Posted : வெள்ளிக்கிழமை,   ஏப்ரல்   02 , 2021  14:10:10 IST


Andhimazhai Image

பீகார் மாநிலம் அவுரங்காபாத்  மாவட்டத்தைச் சேர்ந்த அம்ரேஷ் சிங் என்ற இளம் விவசாயி தான் இப்போது சமூகவலைத்தளத்தில் வைரல். ஹாப் ஷூட்ஸ் என்ற அரிய காய்கறி வகையைப் பயிரிட்டதாலேயே அவருக்கு இந்த வெளிச்சம் கிடைத்துள்ளது. இதற்கெல்லாம் முக்கிய காரணம் ஹாப் ஷூட்ஸின் விலைதான். ஒரு கிலோ விலை ரூ.1 லட்சத்துக்கு விற்பனை செய்யப்படுகிறது.

இதை ஒரு பரிசோதனை முயற்சியாகவே அம்ரேஷ் சிங் பயிரிட்டிருக்கிறார். இந்த சாகுபடிக்காக அவர் 2.5 லட்சம் ரூபாய் முதலீடு செய்துள்ளார். இந்தியச் சந்தையில் அதிகம் புழக்கத்தில் இல்லாத ஹாப் ஷூட்ஸை, அம்ரேஷ் சிங்   சுமார் 6000 சதுர அடியில்  பயிரிட்டுள்ளார். இவர் எந்தவிதமான உரங்களையும், பூச்சிக் கொல்லிகளையும் சாகுபடிக்காகப் பயன்படுத்தவில்லை.

இது தொடர்பாக ஐஎஏஸ் அதிகாரியான சுப்ரியா சாஹூ தனது ட்விட்டர் பக்கத்தில், “இந்த காய்கறி ஒரு கிலோ ரூ.1 லட்சத்துக்கு விற்பனை செய்யப்படுகிறது. உலகின் விலை உயர்ந்த காய்கறியான ஹாப் ஷூட்ஸை பீகாரைச் சேர்ந்த விவசாயி அம்ரேஷ் சிங் என்பவர் தான் முதன் முறையாகப்  பயிரிட்டுள்ளார். இது விவசாயிகள் மத்தியில் ஒரு மாற்றத்தை ஏற்படுத்தும்” என பதிவிட்டிருந்தார். இதன் பிறகே இந்த இந்த செய்தியானது வெளியுலகிற்குத் தெரியவர ஆரம்பித்தது.

அமெரிக்கா, மற்றும் ஐரோப்பாவில் பயிரிடப்பட்டுவந்து ஹாப் ஷூட்ஸ் இந்தியாவில் இமாச்சல் பிரதேசத்தில் முதன் முதலில் பயிரிடப்பட்டுள்ளது. ஆனால் இதன் அதிக விலை, செலவு காரணமாக தொடரப்படவில்லை. இதைப் பயிரிட்டு வளர்க்க 3 ஆண்டுகள் ஆகும். அத்துடன் அதிக செலவும் பிடிக்கும் என்பதால் விலை கூடுதலாக உள்ளது.
 
“பிரதமர் மோடி ஹாப் ஷூட்ஸ் தொடர்பாக சிறப்புக் கவனம் செலுத்தினால் விவசாயிகளால் பத்து மடங்கு அதிகமாக வருமானம் ஈட்ட முடியும்.” என்கிறார் அம்ரேஷ் சிங்.

இதன் பழம் மற்றும் தண்டுப் பகுதிகள் பீர் தயாரிக்கவும், ஆன்டிபையாடிக் மருந்துகள் தயாரிக்கவும் பயன்படுகிறது. தண்டிலிருந்து தயாரிக்கப்படும் மருந்து காசநோயைக் குணப்படுத்தும் திறன் கொண்டது என்றும் கூறப்படுகிறது.

ஆகவே ஐடி வேலையை விட்டு விட்டு ஆர்கானிக் முறையில் ஹாப் ஷூட்ஸ் விவசாயம் செய்ய பலர் இனி வருவார்கள் என எதிர்பார்க்கலாம்!



click here
 

 

Print

 

கேலரி
புகைப்படத்தொகுப்பு -
மேலும்...